2 Samweli 12:20 - KITABU KITAKATIFU

²⁰ Daudi yavuka, niyisinga, nalomba liisu lilie nukwivaka maguta ma niyiviika zinguvu zizie. Maku yazia munyumba ya Yahova naamusigamira. Lwa yirana munyumba yu vwami, yateeva ahevwe chukulia nonoho lwa chetegekizwa, yikala nalia.

2 Samweli 12:20 Iomraidhean Croise

2 Samweli 12:19

Lwa Daudi yalora nivamonyanaa, yamanya ndi mwana umali kukuza. Kunangwa yavateva, “Mwana ukuzi?” Vamutivulira “Yee, ukuzi.”

2 Samweli 12:21

Vatumikiri veve vamuteeva, “Kigira ki okolaa kuli ndi? Lwu mwana yaali mwoyo, wahonga lilia kandi nusioma, navuzwa kalunu ndi mwana ukuzi, uvuki kandi uliizaa!”

2 Samweli 14:2

Kunangwa Joabu yatuma na mukali mugeri wamenyaa mu lidaala lia Tekoa, lwa yaduuka yamuvolera, “Wigadize ndi oveeye mu lisioma. Wiviki zinguvu zielisioma, na utiivaka amaguta kwinihiza mba. Wekole kuva kuli mukali waamenyi madiku manyingi naasiomeraa mukuzu.

2 Samweli 19:24

Maku Mefiboshezi, mwisukulu wa Saolo, naye yasulunguta ukwaganira mwami munene. Siyaali niyisaavi virenge vivie mba, naavegi zinderu zizie, anoho kufuuya zinguvu zizie kutura ing'inga yu mwami munene yatura Jerusalemi kuduuka lwa yirana nimirembe.

2 Samweli 6:17

Valeta Lisandugu lie Lilagana kandi nivaliviika havundu halio, mulihema ha Daudi yaali niyalilombera. Maku, yahaana visiuviliru kandi zisadaka zie mirembe ku Yahova.

2 Samweli 7:18

Maku mwami Daudi yazia mu Lihema liukuvuganira mu na Yahova, niyikara kandi nasaara, “Yahova Nyasaye Wuvunyali inzi kali vandu avinyumba yange sikuduukanaa nayaga ga umali kokokolera.

Ayubu 1:20

Maku Ayubu yasingira naatandula zinguvu zizie mu vovereri. Yavega liisu ku mutwi gwigwe, kandi naagwa hasi mamumama.

Ayubu 2:10

Ayubu yativulira mukali weve ndi, “Ivi omoloma kuli mulala ku vakali avasiru. Lwa Nyasaye ahaanaa vugasu ku kunyi, kuhaana lisandiza ni lizominya kuye, na chakaveeye ki kutange kwililira lwa aleetaa vudinyu ku kunyi?” Mu vudinyu nu vusaliri vwosi vwa Ayubu, siyavoola kindu kidamanu imbiri wa Nyasaye mba.

Zaburi 103:1

O, nzizominyaa Yahova nu mwoyo gwange gwosi, nizominyaa lieta lilie litakatifu!

Zaburi 103:8

Yahova aveeye wi livererera kandi wu vuyanzi, aveeye wa galaha kuva nu vutima, navuzwa yayizula uvuyanzi vutaveeye ne keheri.

Zaburi 39:9

Inzi ndakiring'ana machiriri, kandi si ndavoora likuva kali lilala mba, kigira ni ivi wagira ninyoola vusaliri kuli yivu.

Zaburi 95:6

Hambi, gendi kumwinamiri kandi kumusigamiri; gendi kusigame imbiri wa Yahova mulombi wiitu.

Tsing'ano 3:7

Utaganagana oveeye mugeri mba, utie Yahova kandi utakola uvudamanu mba.

Kohelethu 9:8

Ove nu vuyanzi kazozo kandi usangale.

Matayo 6:17

Navuzwa lwa ohonga lilia, wisaave mumoni, olombe liisu wivake amaguta,

Luka 7:46

Ivi siumbaki amaguta ga muzeituni ku mutwi gwange mba, navuzwa uyu umbaki virenge viange na maguta guvuguli agafunyaa umwayu.

Ruth 3:3

Kunangwa wisingi, ma wivake maguta; kandi wiviki zinguvu zizio zindahi; ma uzie koloze aha ahuuliraa niyiiluula vuswage, utelolekiza kuye akumanye mba, kuduuka lwa vamala kulia nokunwa.

1 Samweli 15:25

Navuzwa kalunu ngogonya, mwaza, samiiha uvwoni uwange, ma kwirane inyima, kunangwa nduuki kusigamira Yahova.”

1 Samweli 15:31

Kunangwa Samweli yirana na Saolo, kandi Saolo yasigamira Yahova.