2 Samweli 12:13 - KITABU KITAKATIFU

¹³ Daudi yavolera Nazani, “Mali kwonera Yahova.” Nazani yativura, “Yahova ukusamihi; si ulakuza mba.

2 Samweli 12:13 Iomraidhean Croise

Litanga 39:9

Inzi mbeeye nuvunyari munyumba yiyi kuli oyo. Si keveeye ho ni kindu choosi cha yaavisa kutura ku inzi mba, nitaveeye ivi, kigira oveeye mukali weve. Inzi nyara ndi kokora uvudamanu ovonene kuli yivu kandi ukwonera Nyasaye?”

2 Samweli 24:10

Navuzwa inyima wa Daudi yaali niyakamara livaliza, zing'anagani ziu mumwoyo gwigwe ziatanga limukubiza kivi kandi yavolera Yahova, “Mali kokora uvwoni vudamanu ligali, mu likora kindu yiki. Mwaza usamihi. Mali kokora vusiru.”

2 Samweli 24:17

Daudi yalora engelosi uwaali niyiita avandu, kandi navolera Yahova, “Inzi niyie uhioye. Ni inzi okoli uvudamanu. Avandu vadaka yava vakoli ki? Gadukanaa ombe amageri na avinyumba yange.”

1 Avami 13:4

Lwu mwami Jeroboamu yahulira gu muporofeti yavoola, yanyira mukono gwigwe kutura ku vwali navoora, “Gumiri mundu oyo!” Nonoho mukono gwa yanyira kosona muporofeti gwahaanda yo, kunangwa siyaali anyala kugulinga anoho kugwilanyia mba.

1 Avami 21:20

Lwa Ahabu yalora Elija, yavoola, “Unyooye kandi, O, musigu wange?” Elija yativura navoora, “Yee, mali kokonyoola. Ivi wihaani mwene kokora agaveeye madamanu mu zimoni zia Yahova.

1 Avami 22:8

Mwami Ahabu yativura navoora, “Akikiri ho musaza mulala wa kunyala koteeva likuva lia Yahova, Mikaya muyaayi wa Imula. Navuzwa ndamuvihilira ligali, kigira siaporofetaa ku kindu kilahi ku inzi mba; nitali vudamanu vwere.” Jehoshafati yavoola, “Utavoola ndio mba!”

2 Avami 1:9

Maku Mwami yatuma munene mulala na vasaza 50. Kugumira Elija. Munene zana yamunyola niyikaye ku kiguru kandi yamuvolera, “Mundu wa Nyasaye, mwami akulangaa uzie kuye, na umolome naye.”

1 Kyetsinyinga 21:8

Daudi yavolera Nyasaye, “Inzi mali kokora uvwoni vudamanu ligali mu likora inguuva yiyi! Mwaza nuyanza usamihi. Inzi mali kokora vudamanu ligali.”

2 Kyetsinyinga 16:10

Yaga galoomba mwami Asa kuva nu vutima nu muporofeti Hanani, na yalaga muporofeti avofwe ni aviikwi ku minyororo na avikwi munyumba ya vahambe. Yaali ing'inga yiyi lwu mwami Asa yaatanga kudambiza avandu valala mu Ivuyuda.

2 Kyetsinyinga 25:16

Navuzwa lwa yaali nakemoloma, mwami Amazia yamuvolera, “Kwa kokora ivi kuva mugelihizi wu mwami? Lekera komoloma, anoho ndakwiita!” Muporofeti uyu yalekera kumoloma, navuzwa inyima wo kovora, “Kalunu mali kumanya ndi Nyasaye umali kusaavira kukudiviza kigira ivi umali kokora yaga goosi, kandi umali kusura amigizu gange.”

Ayubu 33:27

Alavoora imbiri wa vandu vosi, “Ndamala kwona, na sindakola malungi mba, navuzwa Nyasaye siyamba amageri mba.

Zaburi 103:12

Yahova atulizaaho uvwoni vwitu nu kuvuhira ihale ligali, kuli Ivugwi eveeye ihale kutura imadioli.

Zaburi 51:16

Ivi siwenya visiuviliru mba, ngano ndakavihaani; ivi siuyanzizangwa nivihaanwa viu kusambwa mba.

Zaburi 51:4

Inzi mali kukwonera ivi - ivi weng'ine. Inzi mali kokora agaveeye madamanu imbiri woovo kunangwa ivi oveeye vulungi mu likalagira inzi. Ivi ungalagira nuvulungi lwa ombezaa mageri.

Zaburi 51:6

Ivi wenyaa uvusuuvirifu na giligali kutura ku inzi. Unzigize vogeri mu mwoyo gwange.

Kutwula 9:27

Maku mwami yatumana Musa na Haruni navoora, “Ing'inga yiyi mali kokora uvwoni; Yahova aveeye mulungi, na Inzi harara na avandu vange kokoli vudamanu.

Tsing'ano 25:12

Mundu mugeri niyiganihiza mundu oveeye ni lienya kuhulira aveeye vulahi kuvita ebede yizahabu anoho magina guvuguli galombeywi kutura kuzahabu indahi ligali.

Tsing'ano 28:13

Mundu uvisaa vwoni vwivwe si alagasizwa mba, navuzwa oyo wiyama no koleka vwoni alanyoola zimbavasi kutura ku Nyasaye.

Isaya 38:17

Vuliduhu vwu mwoyo gwange vulagilung'ana kuva mirembe, ombonyi kutura mu vuhimwa vwange vwosi; kandi usamihi uvwoni vwange vwosi.

Isaya 43:24

Simwangulira vimuli anoho kunzigutiza ni zitinya zie zinyama zienyu mba. Mu vogono yivwo mwandwika misigo miliduhu nuvwoni vwinyu; mwanduhiza ligali nuvudamanu vwa mwakoraa.

Isaya 44:22

Mali kweya vwoni vuvwo kuli lilesi. Wirane ku inzi, kigira mali kokohonyi.”

Lisyoma lya Jeremia 3:32

Kali niiva aletaa ovovereri, alamanyia, uvuyanzi vwivwe kukuinyi voveeye vwi ligali kandi uvwizingulu ligali.

Kyavalevi 20:10

Niiva umundu aheyaa nu mukali wu mutende weve, avaheyi vombi, musaza nu mukali, kuduuka viitwi.

Kyavalevi 24:17

“Umundu woosi wita umundu, kuduuka yiitwi;

Zekaria 3:4

Engelosi yavolera vatumikiri veve vumwigulu, “Mutulizi zinguvu ziayiviki zifunyaa yizi.” Maku yavolera Joshua, “Ndatuliza vwoni vuvwo kandi ndakuha zinguvu zimbia wiviki.”

Matayo 14:10

Kunangwa, Herodi yatuma umundu, nakalaga umutwi gwa Yohana muvuhambe.

Luka 15:21

Mwana weve yamuvolera, ‘Baba ndayonera Nyasaye kand ivi. Sindukani kulangwa mwana woovo kali hakuzu mba.’

Luka 18:13

“Navuzwa musololi wu vusuuru uyu, yasingira ihale. Siyaali anyala kali kuginga vweni vwivwe aheenze mwigulu mba, nitali yiduya ku kiritu chiche navoora, ‘O, Nyasaye, inzi mbeeye mwoni. Ombere zimbavasi!’

Vikolwa 2:37

Lwa avandu vahulira yaga, vatumitwa mu mioyo jaavo, nivateeva Petero na avatumwa vandi, “Avaamitu, kokora ki?”

Vahebraina 9:26

galava ndio, ngano Kristo yaali yakasaliyi haali kanyingi kutura lirova nililombwa. Mu vogono yivwo kalunu lwi zing'inga ziesunda ko keheri, umali kololeka lulala vuzwa kandi lwu kumaliriza, kutuliza vwoni kuvitira mu liehaana mwene kuli kisiuviriru.

1 Yohana 1:7

Navuzwa ni kogenda mu vulavu kuli mwene aveeye mu uvulavu, kunyi koveeye ni lisanga aveene na aveene; kandi amasahi ga Yeso Kristo mwana weve gakwogizaa uvwoni vwosi.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

1 Samweli 15:20

Saolo yativura, “Inzi mali kutia Yahova. Inzi mali kokora kuli Yahova yambolera, nindeeta mwami Agagi, kandi niinzita Avamaleki vosi.

1 Samweli 15:30

Saolo yavoola, “Inzi mali kokora uvwoni. Navuzwa nuyanza, manyia utanzangalariza imbiri wa vimiliri va vandu vange kandi Isiraeli vosi. Yirana nainzi kunangwa nduuki kusigamira Yahova Nyasaye woovo.”