2 Samweli 12:10 - KITABU KITAKATIFU

¹⁰ Kalunu, muvuli likula valala ku visukululwi vovo valakuza likuza liekisaahi kigira ivi uvuli kuhulira inzi na uvuguyi mukali wa Uria.

2 Samweli 12:10 Iomraidhean Croise

Litanga 20:3

Navuzwa Nyasaye yaloleka kuye mu maloto namuvolera, “Ivi ulakuza kigira umali kuvugura mukali uyu oveeye wu musaza wundi.”

2 Samweli 18:33

Mwami Daudi yiizurwa nekevelera. Yanina kuduuka mu keng'oze keveeye kunzira yikirivwa. Lwa yaali nazizaa, yalira, “O, muyaayi wange! Muyaayi wange Abisolomu! Abisolomu, muyaayi wange! Ngano ninzi ukuzi mu vogono vuvwo muyaayi wange! O, muyaayi wange Abisolomu!”

1 Avami 15:5

Yahova yakola yaga Kigira Daudi yaali namali kokora gaali amalungi imbiri wi zimoni zizie Yahova na siyavunaga kali kugumira lilala ku malago ga Yahova madiku goosi gi livamwoyo liliemba - nitali mu likuva lia Uria umuhiti.

Tsing'ano 17:13

Nutungiza uvudamanu havogono hu vulahi vudamanu si vulatula munyumba yooyo mba.

Amosi 7:9

Havundu hi visukululwi via Isaka vasigamira haladivizwa. Hatakatifu ha avandu va Isiraeli halakolwa chanyi. Ndaheriza vwamihi vwu mwami Jeroboamu mu vulwani.”

Livalidza 11:20

navuzwa mulagilia ku mweli gwosi, kuduuka, lwimusinya. Yaga galekoleka kigira mumali kusura Yahova oveeye harara ni munyi, kandi mumali kwililira ndi vwakaveeye vulahi mulavula kutura Egebeti.’ ”

Matayo 26:52

Yeso yamuvolera, “Yiranyia kivavi chicho mu lwula, kigira woosi utumikira ikivavi aliitwa ni kivavi.

Matayo 6:24

“Si haali nu mundu unyala kutumikira avami vaviri mba; kigira aladunyira mulala, na ayaanze wundi; anoho alava musuuvirifu ku mulala na achaye wundi. Si munyala kutumikira Nyasaye harara nu vutugi mba.

Varumi 2:4

Anoho hawundi uchayaa zimbavasi zizie, uvwikuzihizi kandi uvwikuziri vwivwe. Ivi siumanyi ndi Nyasaye nuwizimbavasi kigira yivu vwenya koleta kuivi ligerizaa kukwimilira onyoore lieganira.

1 Vatesalonike 4:8

Kunangwa, uyu usuulanga amigizu yaga siasuraa mundu, navuzwa asuraa Nyasaye, uhaanaa kumunyi Roho weve Mutakatifu.

1 Samweli 2:30

Inzi Yahova Nyasaye wa Isiraeli, ndasuuviriza ku maziambiri ndi avinyumba yooyo na vikiliango chicho valatumikira inzi kuli avasaalisi zing'inga ziosi. Navuzwa kalunu mboraa ndi sindava nago kuli ndio kandi mba! Muvogono yivwo, ndahaana uluyali ku yavo avambeezaa uluyali. Ndachaya yavo avanjayaa.