2 Samweli 11:2 - KITABU KITAKATIFU

² Lidiku lilala hamugorova ligali, Daudi yavuka kutura mu lisosa lilie nazia kwigulu kwi inyumba yu vwami. Lwa yaali nagenda igulu wene yeyo, yalora mukali niyisinga. Mukali oyo yaali wi ligondo lilahi ligali.

2 Samweli 11:2 Iomraidhean Croise

Litanga 12:11

Lwa yaali naveeye ahimbi kuduuka Egebeti, yavolera Sarai mukali weve, “Ivi oveeye mukali wi ligondo lilahi ligali.

Litanga 3:6

Kunangwa lwu mukali yalora ndi makuyu gu musaala yigu gaali amalahi gu kulia, kandi gaali gwu kumuyanziza, kandi musaala gwaali gwokokola mundu kuva mugeri, yavugula ku makuyu gu musaala yigu ma nalia. Kandi yavugula makuyu gandi naha musaza weve, kandi naye nalia.

Litanga 34:2

Lwa Shekemu muyaayi wa Hamori muhivi waali munene wi kivala, yamulola yamugumira ma namwonogonyia.

Litanga 39:6

Potifa yavika vindu viosi mu vulindi vwa Josefu. Si yenya kumanya vindu yivi mba, nitali yenya kumanya vuzwa chukulia cha yaalia. Josefu yaali wi zinguru kandi wi ligondo lilahi ligali.

Litanga 6:2

Vilala ku virombe viu mwigulu vialola ndi avakaana yavo vaali valahi viligondo lilahi ligali, kunangwa vaavugura yavo avavayaanzaa.

2 Samweli 13:1

Muyaayi wa Daudi Abisolomu yaali na mbozo weve wiligondo walangwa Tamara. Muyaayi wundi walangwa Amunoni yayanza Tamara.

2 Samweli 14:27

Abisolomu yaali na vayaayi vavaga kandi nu mukaana mulala uwiligondo lilahi ligali, uwalangwa Tamara.

2 Samweli 4:5

Rikabu na Baana vaatura kuzia munyumba ya Ishiboshezi, nivaduuka yo ahimbi mbasu hagati ing'inga ya yaali naveeye mu lisosa lilie lia mbasu.

2 Samweli 4:7

Lwa vaali nivaveeye munyumba, vazia mu keng'oze cha Ishiboshezi yaali naagonaa zindoolo, ma nivamwita. Maku vakala mutwi gwigwe ni vazia nagwo, kandi vagenda uvudiku vwosi kuvitira mu livona lia Jorodani.

Ayubu 31:1

Inzi mali kolomba lilagana ndi, sindaheenza mukaana nu kumwegomba mba.

Zaburi 119:37

Undulizi kutura ku lihuliriza makuva ga vuzwa. Linda limenya liange, kuli umali kusuuviriza.

Tsing'ano 19:15

Unyala kuva mugata niiva wenyaa vugata; zizagilira kogona zindolo, navuzwa ulava ninzara.

Tsing'ano 31:30

Vulahi voveeye vwu vugadi, ni ligondo liveeye vuzwa, navuzwa mukali uhaana luyali ku Yahova adukanaa yizominywi.

Tsing'ano 6:25

Utakayirwa uvulahi vwavo mba, kandi utavugilira vakusimi ni zimoni ziavo mba.

Tsing'ano 7:8

Yaali nagenda ku inzira ahimbi hu mukali wundi yamenya. Yaali naavitira himbi ninyumba yeeye

Jeremia 19:13

Zinyumba zia Jerusalemi zinyumba ziavami vi Vuyuda - zinyumba ziosi zievihanwa vie vimuli visambirwa kuvisegese viazio kuduuka umwigulu, kandi uwa isadaka yukunwa imali kusundulwa kuvanyasaye vandi, vilononywa kuli havundu ha Tofezi.”

Matayo 10:27

Aga inzi muvooleraa mu kisundi, mulakagavoole havulavu; na aga muhulira nigamonywa, mulakagavoole imbiri wa avandu vosi.

Matayo 24:17

Oyo oveeye ku kcsegese chi inyumba atiika kandi kuvugura ikindu munyumba yeeye kandi mba.

Matayo 5:28

Navuzwa inzi muvooleraa, mundu woosi ohenza mukali ma amukayirwi, amali koheya naye mu mwoyo gwigwe.

Vikolwa 10:9

Mugamba, lwa avandu vavaga yavo vaali ni vakikiri mu logendo lwavo, navuzwa ni vaveeye ahimbi kuduuka Jopa, Petero yanina kunyumba igulu, ahimbi zisa sita zia mbasu aduuki ku saala.

Kwidzulitsa 22:8

“Lwa wumbaka inyumba imbia, olombe lugaga lovodong'ane kwigulu kwinyumba, gase ulaleeta kisaahi kuduuka kunyumba yooyo niiva mundu alaguluka kutura ku ma akuze.

Kwidzulitsa 5:21

“Utakayirwa mukali wu musaza wundi mba; kandi utakayirwa inyumba yeeye, mulimi gwigwe, avatugwa veve, zing'ombe zizie, zisukiri zizie, anoho kindu choosi cha aveeye nacho mba.

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

1 Yohana 2:16

Vindu viosi viveeye vielirova, viveeye liiva liu muviri likayirwa ne zimoni kandi liegingira lie livamwoyo sivitulaa ku Baba mba navuzwa viveeye vie lirova.

1 Samweli 9:25

Lwa vasulunguta kutura havundu hukusigamira Yahova kuzia mu lidaala, vaala vogono vwa Saolo kwigulu kwi inyumba.