2 Samweli 10:6 - KITABU KITAKATIFU

⁶ Avandu va Amoni vamanya ndi vamali kokora Daudi kuva musigu wavo, kunangwa vatuungaa avasikari vuvulwani zielefu sirini va vandu va Siria kutura Bezirehobu na Zoba avasaza vu vulwani zielefu likomi na vaviri kutura Tobu, kandi mwami wa Maaka na avasaza elefu ndala kuvalwanira.

2 Samweli 10:6 Iomraidhean Croise

Litanga 34:30

Yakobo yavolera Simioni na Levi, “Munyi mumali kumbika mukivi. Kalunu avandu va Kanaani, avandu va Peri kandi vuli mundu mu lidaala linene alanduunyira. Inzi si mbeeye na vasaza vanyingi mba. Niiva vanyara kuuza harara nukunyingilira, inyumba yitu yoosi ilakadivizwi.”

2 Samweli 10:5

Vaali nizisoni ligali muno kali sivali vanyara kwirana yengo mba. Lwa Daudi yahulira ichaali nichekoleki, yatuma likuva ndi vamenye mu Jeriko na vatirana kuduuka zinderu ziavo ziviruki.

2 Samweli 10:7

Daudi yahulira amakuva yaga, ma natuma Joabu kuzia kulwaana navo niliihi liosi.

2 Samweli 16:21

Ahizofeli yativulira Abisolomu, “Zia ogone na avakali vaviika ava baba woovo yaleka inyima kulinda inyumba yu vwami. Ahene yaho avandu vosi va Isiraeli valamanya ndi baba woovo akuvugulaa kuli musigu woovo, kandi avalondi vovo valaluvilira ligali.”

2 Samweli 23:34

Elifeleti muyaayi wa Ahasibai, kutura maaka, Eliamu muyaayi wa Ahizofeli kutura mu lidaala lia Gilo,

2 Samweli 8:12

Edomu, Moabu, Amoni, Filisitia, na Amaleki kandi vilala ku vilaanye via yavugula kutura ku Hadadezeri.

2 Samweli 8:3

Maku Daudi yalwana nukuguuta mwami Hadadezeri, muyaayi wa Rehoba wa Zoba mu kivala cha Siria. Hadadezeri yaali nazizaa kugumira nukwirana kwamiiha kivala keveeye imutwi wu mugera gwa Efurate.

2 Samweli 8:5

Lwa vandu va Siria na Damasiko vaatuma liihi kuzia kokoonya Hadadezeri mwami wa Zobahi, Daudi yavingilira niyiita avasaza zielefu sirini na mbiri.

1 Avami 11:24

kandi yaali naagwiyi mwimiliri wu muganda gwa vavunagi va malago. Yaga gekoleka inyima wa Daudi yaali naguuti Hadadezeri kandi yaali niyiiti valina veve - avandu va Siria vamulwaanira. Rezoni na vasaza veve vazia nivamenya mu Damasiko wa avasaza veve vamukola Mwami wa Siria.

2 Avami 7:6

Yahova yaali naakori Vasiria vahuliri ichahulilika kuli muliviti gwi lingilira lie liihi linene ligali, ni zibarasi kandi na magare gu vulwani. Vasiria vaganagana ndi mwami wa Isiraeli yaali kulaga kutunga avami va Egebeti na Vahiti harara na amahi gaavo ukuuza kwingilira nu kulwaana navo.

Zaburi 48:4

Avami viivungiza harara ma ni vaza kwingilira avandu vi kiguru cha Ziyoni.

Kutwula 5:21

Kandi vaavoolera Musa na Haruni ndi, “Yahova alole munyi ma amukalagiri! Munyi mumali kokora kunyi kufunyi vugundu imbiri wu Mwami na vatumikiri veve vosi kandi vagumiyi vivavi mu makono gaavo kukwita.”

Tsing'ano 25:8

Utava vwangu kuzia mumayaalo kigira kindu chumali kolola mba. Niiva muloli wundi alavuula uvudamanu vuvwo ulakola kindiki?

Jeremia 40:8

Kunangwa Ishimaeli mwana wa Nezania, Johanani mwana wa Karea, Seraya mwana wa Tanihumezi, avana va Efai kutura Netofa na Jezania kutura Maaka vazia na avandu vaavo ku Gedalia ha Mizipa.

Jeremia 46:21

Kali avasikari vaavo vagulwa vaveeye vuzwa kuli vimoli. Sivali vanyara kusingila nukulwana mba; vosi vagirung'ana ni viruka. Lidiku lie lidivizwa liavo liali niliduuki, ing'inga yaavo yukudivizwa.

Kwidzulitsa 3:14

Jairo, kutura mu ihiiri ya Manase yavugula kivala choosi cha Arigobu Bashani kuduuka ku lwako lwa vandu va Geshuru na vandu va Maakazi, na yavilanga, Havozi Jairo kuli lieta lilie liveeye kuduuka kalunu.

Vakalagi 11:3

Jefuza yiruka kutura ku avamwavo veve nazia komenya mu kivala cha Tobu. Uwene yeyo, yahambana nu muganda gwa vayaayi vadamanu.

Vakalagi 11:5

Lwayaga gekoleka, aviimiliri va Gileadi vazia koleta Jefuza kutura mu kivala cha Tobu.

Vakalagi 18:28

Sivali nu mundu waali anyala kuvasoora mba, kigira vamenya ihale kutura mu kivala cha Sidoni kandi sivali ku nu vwiko na vandu vandi vosi mba. Lidaala yili liali mu livona ahimbi Bezirehobu. Avandu vihiiri ya Dani vumbaka ilidaala yilio vuhia, nivamenya mulio.

1 Samweli 13:4

Avandu va Isiraeli vosi vavolerwa ndi Saolo umali kwita munene wi liihi lia vandu va Filisitia ma kandi avandu va Filisitia vavadunyira ligali. Kunangwa vandu va Isiraeli vahulira mulango gwu kwiyunga na Saolo ha Giligali.

1 Samweli 27:12

Navuzwa Akishi yasuuvira Daudi ma niyevolera, “Adunyirangwa ligali na vandu veve mwene Avaisiraeli, ku lwayaga kuduuka andumikiri madiku gi livamwoyo lilie liosi.”