2 Samweli 10:18 - KITABU KITAKATIFU

¹⁸ Avandu va Isiraeli vakunga liihi lia vandu va Siria nivaviiranyia inyima. Daudi harara na avandu veve vita avasaza vukuhila amagare gu vulwani ga vandu va Siria zimia saba, kandi avasaza zielefu arubaini avaniina ku zibarasi. Vaatoza Shobuki, munene wi liihi liu musigu, ma nakuzira yo mu kiguti chu vulwani.

2 Samweli 10:18 Iomraidhean Croise

2 Samweli 10:17

Lwa Daudi yahulira amakuva yaga, yavungiza amahi ga Isiraeli nivambuka mugera gwa Jorodani, kandi nivagenda kuzia Helamu, aha vandu va Siria vaali nivelohizi kuvalwaana. Uvulwani vwatanga,

2 Samweli 8:4

Daudi yagumira zibarasi elefu ndala ni zimia saba harara navahili vazio, kandi avasikari zielefu sirini vagenda kuvirenge. Daudi yaleka zibarasi zinyala kung'usa magare gu vulwani imia ndala, navuzwa yatema amaki gi zibarasi zindi ziosi.

1 Avami 11:24

kandi yaali naagwiyi mwimiliri wu muganda gwa vavunagi va malago. Yaga gekoleka inyima wa Daudi yaali naguuti Hadadezeri kandi yaali niyiiti valina veve - avandu va Siria vamulwaanira. Rezoni na vasaza veve vazia nivamenya mu Damasiko wa avasaza veve vamukola Mwami wa Siria.

1 Kyetsinyinga 19:18

na vandu va Isiraeli vakunga liihi lia Vasiria kwirana inyima. Daudi na vasaza veve vi liihe vita avahili va magare gu vulwani ga vandu va Siria 7,000 na vasikari vu kuvirenge 40,000. Vita kandi Shofaki, munene wi liihe lia vandu va Siria.

Zaburi 18:38

Ndaavatumita, nu kuvadiviza ligali, si valasingira kandi mba. Valagwa hasi hi virenge viange.

Zaburi 46:11

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 68:2

Kuli mwochi guhuzangwa ihale, nindio akungaa avasigu veve. Kuli ihura isalulukaa imbiri wu muliru, nindio avachamu vakuza imbiri wa Nyasaye.

Vakalagi 4:2

Kunangwa Yahova yavaleka nivaguutwa na Jabini, mwami wa Kanaani uwamihaa lidaala lia Hazori. Mwimiliri wiliihi lilie yaali Sisera, uwamenyaa ha Haroshezu Hagoimu.

Vakalagi 4:22

Lwa Baraka yaza niyenya Sisera, Jaeli yatura nazia kumwaganira, namuvolera, “Hamba hano! Ndakumanyia umundu wawenyaa.” Yingira mu na Jaeli, kandi yanyoora Sisera naagoni hasi nakuzi, ni ikivambo chi lihema nikifudulanyi umutwi gwigwe kuduuka mumalova.

Vakalagi 5:26

Yavugula kivambo chi lihema mukono mulala, inyundu yukuyinzilira mumukono gundi; yakuya Sisera naamwatanyia mutwi; yaamufudulanyia umutwi gwigwe.