2 Samweli 10:12 - KITABU KITAKATIFU

¹² Ove wizingulu kandi muluviliri! Genda kulwaaniri avandu viitu vudinyu kandi madaala ga Nyasaye wiitu. Uvulariri vwa Yahova vokoleke!”

2 Samweli 10:12 Iomraidhean Croise

2 Samweli 10:11

Joabu yamuvolera, “Niiva olola vandu va Siria nivanguutaa, uzi kongonya, na niiva vandu va Amoni valava nivaguuta ivi, na inzi ndaza kokokonya.

2 Samweli 15:26

Navuzwa niiva siayaanziziywi niinzi vulahi, ahene yaho, leka akole ku inzi icha alalira.”

1 Kyetsinyinga 19:13

Muve ni zinguru kandi avaluviriri! Gendi kulwaaniri avandu viitu vudinyu kandi madaala manene ga Nyasaye witu. Na uvulariri vwa Yahova vokolwi.”

2 Kyetsinyinga 32:7

“Muve avagulu kandi avaluviriri. Mutatia mwami wa Asiria anoho iliihi linene liaveeye nalio mba. Koveeye ni zinguru zinene ligali ku lovega lwiitu kuvita iziveeye ku lovega lwilwe.

Nehemia 4:14

Ndalora ndi avandu zana vahendi mwoyo, kunangwa ndavavolera aviimiliri navanene vaavo, “Mutatia avasigu viitu mba. Mwizurizi ndi Yahova aveeye munene kandi wukutihiza, ma mulwaaniri avandu vikivala chienyu, avana vinyu, avakari vinyu kandi zinyumba zienyu.”

Nehemia 4:8

Kunangwa vosi valohiza makiriri ukuuza kwingilira Jerusalemi kandi valeta iligoyana mu lidaala.

Esther 4:16

“Zia, uvungizi Avayuda vosi harara mu Susa; muhonge lilia na mumbiki mu lisaala. Mutalia anoho munwi kindu choosi ku madiku gavaga, umbasu nuvudiku mba. Avakaana vatumikiri vange harara ninzi kulakola malala mere. Inyima wa yago, inzi ndazia ku mwami, kali niiva lilago silimbugiliranga mba. Niiva nditwa, nzitwi.”

Ayubu 1:21

Yavoola, “Inzi ndiivulwa vugira kindu, kandi ndakuza vugira kindu. Yahova yahaana kandi Yahova uvuguyi. Lieta lia Yahova lizominywi.”

Livalidza 13:20

Mulole niiva kivala yiki keveeye na malova manolu noho madamanu, kandi niiva keveeye kivala chi misaala noho kivala kitaveeye ni misaala. Muve avaluviriri kandi muleete ku makuyu malala agaveeye mu kivala yiki.” Yiki yaali ing'inga ya makuyu gaali nigatangi kwenga.

1 Vakorintho 16:13

Mulindi, musingiri vudinyu mu lisuuvira lienyu, muve valuviriri, kandi muve ni zinguru.

Kwidzulitsa 31:6

Muve avagulu kandi avaluviriri. Mutatia kandi mutadegerizwa navo mba, kigira Yahova Nyasaye winyu alazia harara nimunyi. Sialamuleka anoho kumusuura mba.”

Kwidzulitsa 31:7

Kunangwa Musa yalanga Joshua namuvolera imbiri wa avandu va Isiraeli vosi, “Ove mugulu kandi muluviliri, kigira ivi niyie wimilira avandu yava kwingira mu kivala cha yasuuviriza avaguuga vaavo.

Vahebraina 11:33

Kuvitira mu lisuuvira, valwaana kandi ni vaguuta vivala viosi. Vakora agaali malungi, ma nivanyoora ga Nyasaye yasuuviriza. Vakunika minwa jiving'ang'a,

Vahebraina 13:6

Kunangwa leki kuluviliri, ma kovoole, “Mwami aveeye mukonyi wange; sindatia mba. Mundu alangola ki?”

Joshua 1:18

Mundu woosi mundu uhing'ana nuvunyari vuvwo kandi uvula kuhulira lilala ku malago aga uhaana, aliitwa. Ove mugulu kandi muluviliri!”

Joshua 1:9

Wizulizi ndi inzi mali kukulaga ove mugulu kandi muluviliri! Utatia kandi utakuza mwoyo mba, kigira Inzi, Yahova Nyasaye woovo, mbeeye harara nivi hoosi aha uzia.”

Vakalagi 10:15

Navuzwa avandu va Isiraeli vavoolera Yahova, “Kwakora vwoni. Kola gauyaanza, navuzwa mwaza, okohonyie kalunu.”

1 Samweli 14:12

Maku valangiriza Jonazani nu muyaayi oyo kovora, “Hambi yinu! Kulamumanyia cha mwenya.” Jonazani yavolera muyaayi oyo, “Nonda! Yahova umali kuha Isiraeli liguuta kuvo.”

1 Samweli 14:6

Jonazani yavolera musoleri zana, “Genda kwambuki kuzie mu hokososa ha vandu va Filisitia vasindi yavo. Hawundi Yahova alakokoonya; niiva akola ndio, sikeveeye ho kindu kimwigalira avuli kuha kunyi liguuta, kali nikoveeye vakekeeke kuli ndi!”

1 Samweli 17:32

Daudi yavolera Saolo, “Utaleka mundu ku vosi akuze mwoyo kigira Mufilisitia uyu mba; ndazia kulwaana naye.”

1 Samweli 3:18

Kunangwa Samweli yamuvolera vindu viosi. Siyavisa ku kindu kali kilala mba. Eli yavoola, “Aveeye Yahova; kandi alakola choosi ekelolekaa kuva kilahi kuye.”

1 Samweli 4:9

Muve avaluviriri, avandu va Filisitia! Mulwaane kuli avasaza; gase, kulagwa vatugwa ku Vaheburaina, kuli yavo vaali avatugwa viitu. Kunangwa mulwaane kuli avasaza.”