2 Petro 1:4 - KITABU KITAKATIFU

⁴ Muliiva yili umali kukuha vihaanwa vinene kandi vilahi via yakusuuviriza. Kunangwa, ku vihaanwa yivio, muhononoke ku uvwoneku vwu kudiviza ovoveeye mu lirova kunangwa muduuki kusanga mu liiva liu vutakatifu vwivwe.

2 Petro 1:4 Iomraidhean Croise

Varumi 9:4

Vaveeye avandu va Nyasaye; yatovola vave avana veve; naavavuulira uvukumi vwivwe. Yalomba lilagana lilie navo, kandi navaha Lilaga lilie; vaveeye ni lisigamira Nyasaye liageligali. Vanyoola lisuuvirizwa lia Nyasaye;

2 Vakorintho 1:20

niyie oveeye “Yee” ku lisuuvirizwa liosi lia Nyasaye. Yiki nicho kigira kuvitira mu Kristo Yeso, livoora “Amini” lietu liveeye ku lwu vukumi vwa Nyasaye.

2 Vakorintho 3:18

Kunyi vosi avakwavula kufuumwa mu moni mwitu, kumanyia uvukumi vwu Mwami. Uvukumi zana yivwo vuturaa ku Mwami oveeye Roho akugiruganyia kuva mu liiva lia higulu ligali mu vukumi.

2 Vakorintho 6:17

Mwami avoora, “Mwiyahuli aveene kutura kuvo. Mutadiiri kindu choosi kitaveeye kinifu, ninzi ndamuvugirira.

Vagalatia 3:16

Kunangwa Nyasaye yalomba lisuuvirizwa lilie ku Aburahamu kandi ku kisukururwi chiche. Mang'oda Matakatifu sigavoola, “Ni visukululwi vivie mba.” Agaveeye kovora avandu vanyingi, navuzwa “Ni kisukururwi chiche,” agaveeye kovora mundu mulala naye ni Kristo.

Vagalatia 6:8

Niiva mundu alataaga mu mulimi ku liegomba lio muviri gwigwe mwene, alagesa ligesa lie likuza. Navuzwa niiva atagaa mu mulimi gwa Roho, kutura ku Roho, alagesa livamwoyo litahera mba.

Vafeso 4:13

Kandi ndio, kunyi kwosi kulakaze harara muvuhambani vwi lisuuvira lieta kandi mu limanya lietu liu Mwana wa Nyasaye. Kulakave avandu avahindira avadukanga ku kegero chu vuduukiru vwosi ovonyoleka mu Kristo.

Vakolosai 3:10

Mumali kwivika kandi liiva lihia. Yili ni liiva lia Nyasaye, alikola vuli ing'inga kuva ni liiva kuli lilie mwene kuduuka mu limanya liduukiru lilie.

Vahebraina 12:10

Avababa viitu vakuha mageri ku ing'inga ngekeeke kuli vayaanza. Navuzwa Nyasaye akohezaa amageri kuduuki kuva avasangi mu vutakatifu vwivwe.

Vahebraina 9:15

Kigira yaga, Kristo niyie olohizaa lilagana lihia, kunangwa yavo ava Nyasaye amali kulanga vaduuki konyoora vugasu vwi mihiga ni mihiga, vwa Nyasaye yavasuuviriza. Yaga ganyala kokolwa kigira likuza limali kuva ho; ilivohololaa avandu kutura mu mahiolo gavakolaa lwa lilagana liukutanga liali nilikikiri ho.

Yakobo 1:27

Lisuuvira lilahi litaveeye nu vudamanu imbiri wa Nyasaye Baba wiitu ni yili: kokonya avavisandu na vakunzakali mu likuba ikivi liavo, nu kwilinda ligali umwene avuli kwononywa ni ivindu vie kivala.

2 Petro 1:1

Inzi Simoni Petero, umutumikiri kandi umutumwa wa Yeso Kristo; Ng'oderaa vandu vosi kuvitira mu vulungi vwa Nyasaye wiitu, kandi Muhonyi wiitu Yeso Kristo avamali konyoora lisuuvira lilala liere liu vulahi kuli lietu.

2 Petro 3:13

Navuzwa, kolondekana ni lisuuviriza lilie, kunyi kulindiliraa konyoora ligulu lihia kandi lirova lihia; hango hu vutakatifu.

2 Petro 3:9

Mwami sialindagiraa kutwekiza lilagana lilie, kuli avandu vandi vaganagana. Navuzwa, aveeye umwikuziri ni munyi, kigira siyenya umundu kali mulala ku munyi adivizwi, navuzwa yenya vosi vaduuki ku lieganira.

1 Yohana 2:25

Yaga nigo ga Kristo yakusuuviriza alakuha, nalio ni, “Livamwoyo litahera mba.”

1 Yohana 3:2

Avalina avayaanze vange, kalunu koveeye avana va Nyasaye, navuzwa gakiri kumanyikana havulavu kuli kunyi kuliiva. Navuzwa kumanya ndi lwa Kristo aliloleka kulakave kuliye, kigira kulakamulole kuli aveeye.