2 Petro 1:1 - KITABU KITAKATIFU

¹ Inzi Simoni Petero, umutumikiri kandi umutumwa wa Yeso Kristo; Ng'oderaa vandu vosi kuvitira mu vulungi vwa Nyasaye wiitu, kandi Muhonyi wiitu Yeso Kristo avamali konyoora lisuuvira lilala liere liu vulahi kuli lietu.

2 Petro 1:1 Iomraidhean Croise

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Jeremia 33:16

Avandu vi Ivuyuda na Jerusalemi valahonywa kandi valamenya mu mirembe. Lidaala linene yili lilangwa ‘Yahova Muhonyi Wiitu.’

Matayo 10:2

Amita ga avatumwa yavo likomi na vaviri ni yaga: wu kutanga yaali Simoni ulangwa Petero, na Andereya amwavo weve; Yakobo umwana wa Zebedayo na Yohana amwavo weve;

Matayo 4:18

Lwa Yeso yaali nagenda ku lujinga lwinyanza ya Galilaya, yalora avaluvi vaviri avamwavo, Simoni ulangwa Petero na Andereya amwavo weve, nivaluvaa ni miluvu munyanza.

Luka 1:47

Kandi mwoyo gwange gusangali kigira nu Nyasaye, Muhonyi wange.

Luka 11:49

Kigira yaga, ovogeri vwa Nyasaye vovoola ndi, ‘Ndakavatumiri avaporofeti na avatumwa, valala kuvo valakitwi, na avandi valakasaliri.’

Yohana 1:42

Kunangwa yaleeta Simoni ku Yeso. Yeso yahenza Simoni navoora, “Ivi oveeye Simoni mwana wa Yohana. Kalunu ulalangwa Kefa.”

Yohana 12:26

Uyu wenyaa kundumikira gamuduukira anonde, kandi hoosi ha mbeeye, niho hu mutumikiri wange ava, kandi mundu ku vosi undumikira, Baba wange alamuha uvukumi.

Yohana 20:21

Yeso yavavolera kandi, “Mirembe jive ku munyi! Kuli Baba yanduma, kandi nainzi nduma munyi.”

Vikolwa 15:14

Simoni umali kwivaala kuli Nyasaye yaatanga kuyaanzilira kuluuta avandu vi Zihiiri, natovora avalala kuvo vaduuki kuva avandu veve.

Varumi 1:1

Inzi Paolo, mutumikiri wa Kristo Yeso, mutumwa watovolwa kandi walangwa na Nyasaye kwilwaza Ivangeri ya makuva malahi kutura ku Nyasaye.

Varumi 1:12

Agambooraa gaveeye ndi, munyi ninzi kulakoonyana ku ing'inga ndala nzere, lisuuvira lienyu, kandi lisuuvira lienyu lilangonya.

Varumi 1:17

Kigira Ivangeri ivuulaa kuli Nyasaye akolaa vandu kuva valungi naye mwene kuvitira mu lisuuvira kutura mu litanga kuduuka mu keheri. Ni kuli Amang'oda Matakatifu gavoora, “Umundu okolwaa mulingi na Nyasaye kuvitira mu lisuuvira, alava mwoyo.”

1 Vakorintho 1:30

Nyasaye aveeye uvutangiliru vwi livamwoyo lienyu mu Kristo Yeso; wa yakola kuva ovogeri vwitu, uvulungi vwitu, uvutakase vwitu, kandi ovohonyi vwitu.

1 Vakorintho 15:9

Inzi mbeeye mukekeke ligali ku vatumwa utadukanaa kulangwa mutumwa, kigira ndadambiza likanisa lia Nyasaye.

1 Vakorintho 9:1

Inzi mbeeye muvoholore ligali, kandi mbeeye mutumwa. Inzi ndaalora Yeso Mwami wiitu, munyi muveeye mativuli gi miyinzi jange kigira ndilwaza Ivangeri.

2 Vakorintho 4:13

Mang'oda Matakatifu gavoora, “Ndilwaza kigira ndaasuuvira.” Lisuuvira liu lugano lulala lwere mu Roho; kunyi kandi kwilwazaa kigira kusuuviraa.

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.

Vagalatia 2:8

Kuzinguru zia Nyasaye, ndaakorwa mutumwa ku vandu vizihiiri, kuli Petero naye yakolwa mutumwa ku Avayuda.

Vafeso 3:5

Zing'inga ziavita, mundu siyavoolerwa amakuva gaviswa yaga mba, navuzwa Nyasaye umali kugavura kalunu ku Roho ku avatumwa na vaporofeti veve vatakatifu.

Vafeso 4:11

Yaali niyie uwahaana ivihaanwa kuvandu kuli ndi: yatovola valala vave avatumwa na avandi vave avaporofeti, avandi vave avilwaazi vakulandiza Ivangeri, avandi avayi kandi avigizi.

Vafeso 4:5

Haveeyeho nu Mwami mulala, nilisuvira lilala, nilibatiza lilala.

Vafilipi 1:1

Inzi Paolo na Timateo, avatumikiri va Kristo Yeso, Kong'oderaa munyi Avakristayo vosi mu Filipi avahambanywa na Kristo Yeso, avahenzi na aviimiliri va amakanisa harara na avakonyeleri vaavo.

Vafilipi 1:29

Munyi muheveywi uvwiyangu vwukutumikira Kristo, sigaveeye ku lisuuvira muye lienyine, navuzwa kandi kigira ilisalira kigira Kristo.

Vafilipi 3:9

Kandi nduuki kuhambanywa naye ligali. Inzi simbeeye nu vulungi vwange umwene, yivwo ovonyoleka ku lilonda Lilaga. Inzi kalunu mbeeye nu vulungi uvuhaanwa kuvitira mu lisuuvira mu Kristo. Uvulungi vuturaa ku Nyasaye kandi uvweledaa ku lisuuvira.

Tito 1:1

Inzi Paolo, umutumikiri wa Nyasaye kandi mutumwa wa Yeso Kristo ng'oda ibarwa yiyi. Inzi ndaatovolwa nukutumwa kokonya lisuuvira lia avandu vatovole va Nyasaye, kandi kuvimilira ku agiligali gi dini yitu yigizaa.

Tito 1:4

Ng'oderaa ivi Tito, Mwana wange wiligali mu lisuuvira lia kusanga kwosi harara. Nyasaye Baba na Kristo Yeso muhonyi wiitu vayanze vahane ku ivi zimbavasi nimirembe.

Tito 2:13

lwa kulindiliraa lidiku liu uvugasu, lia kwasuuvirizwa liu vukumi vwa Nyasaye munene kandi Muhonyi wiitu Yeso Kristo liliduuka.

Yakobo 1:1

Inzi Yakobo, Mutumikiri wa Nyasaye kandi wu Mwami Yeso Kristo: Nduma mirembe jange ku munyi, zihiiri likomi na ziviri zia avasalanywa mu kivala choosi.

1 Petro 1:1

Inzi Petero, mutumwa wa Yeso Kristo; ng'oderaa munyi avatovole va Nyasaye, avaasalana, avamenyaa muvivala vio vogeni via Ponto, Galatia, Kapadokia, Asia, numu Bizinia.

1 Petro 1:7

Kivuni cha magerizu yaga kimanyia ndi lisuuvira liange liveeye lia giligali kali izahabu inyala kusambwa mu muliru; kandi ndio lisuuvira lienyu liveeye lilahi ligali kuvita izahabu, ligerizwa kunangwa liduuki kuhindira. Maku mulakanyoole lizominywa, vukumi kandi luyali ku lidiku lia Yeso Kristo aliloleka.

1 Petro 2:7

Ligina yili liveeye liu vuguli vonene ligali ku vandu avasuuviraa; navuzwa yavo avatasuuvira, “Ligina zana liavumbaki vasuura, kuli ilitaveeye novokoonyi, ligirung'ani kugwa ligina lie kivuni kenene ku goosi.”

1 Petro 5:1

Inzi, oveeye mukulundu wache, mbolera avakulundu vi livugana avaveeye hagati hinyu. Inzi mbeeye umuloli wuvusaliri vwa Kristo, kandi mbeeye umusangi wu vukumi vuliloleka.

2 Petro 1:4

Muliiva yili umali kukuha vihaanwa vinene kandi vilahi via yakusuuviriza. Kunangwa, ku vihaanwa yivio, muhononoke ku uvwoneku vwu kudiviza ovoveeye mu lirova kunangwa muduuki kusanga mu liiva liu vutakatifu vwivwe.

Yudasi 1:1

Inzi Yuda, mutumikiri wa Yeso Kristo, kandi amwavo Yakobo Ng'oderaa munyi avalangwa na Nyasaye, avamenyaa mu vuyanzi vwa Nyasaye Baba, kandi mu likingwa lia Yeso Kristo.