1 Yohana 5:3 - KITABU KITAKATIFU

³ Uvuyanzi vwitu ku Nyasaye voveeye kovora ukuhulira amalago geege. Kandi amalago geege sigaveeye amadinyu ku kunyi mba.

1 Yohana 5:3 Iomraidhean Croise

2 Avami 18:6

Yaali musuuvirifu ligali ku Yahova kandi siyamutinguha ku kali hakuzu mba, navuzwa yalonda vulahi amalago ga Yahova yaali ni yaaha Musa.

Zaburi 119:140

Lilagana liilio ku inzi liveeye lia giligali! Na inzi mutumikiri woovo ndaliyaanza ligali!

Zaburi 119:45

Inzi ndamenya mu vovoholore vuduukiru, kigira ngelizaa kuhulira amigizu googo.

Kutwula 20:6

Navuzwa ndolekizaa uvuyanzi vwange ku zielefu zia makura aga yavo avanyanzaa nokolonda amalago gange.

Tsing'ano 3:17

Ovogeri volomba limenya liilio kuva nuvuyanzi, kandi vukwimiliraa mu mirembe.

Danyeli 9:4

Ndasaara ku Yahova Nyasaye wange kandi ndiyama uvwoni vwa vandu vange. Ndavoora “Yahova Nyasaye, ivi oveeye Munene, kandi kokohezaa luyali. Oveeye musuuvirifu ku lilangana liilio, oveeye nu vuyanzi vutaveeye nekeheri ku yavo avakuyanza, kandi okolaa agu mali kulaga.

Mika 6:8

Awa, Yahova umali kokovoolera agaveeye amalahi. Aga yenya kutura ku kunyi ni yaga: Kokora uvulungi, kumanyia uvuyanzi vutaveeye nekeheri, nokomenya mu liegehiza harara na Nyasaye wiitu.

Matayo 23:4

Yee, vavoha imisigo imiliduhu ligali ku migongo ja vandu, navuzwa aveene sivenyaa kunyiira ekedete chavo vajigingi mba.

Yohana 14:15

“Ni muva ni munyanza, mulagumira amalago gange.

Yohana 15:10

Nimugumira amalago gange mulamenya mu vuyanzi vwange, kuli inzi mali kugumira amalago ga Baba wwivwe nokomenya mu vuyanzi vwange.

Yohana 15:14

Munyi muveeye avalina vange nimukora vindu via mulagaa.

Varumi 7:12

Kunangwa, Lilaga liveeye litakatifu, kandi malago gaveeye amatakatifu, amalungi, kandi amalahi.

Varumi 7:22

Sangaliraa Lilaga lia Nyasaye mugati musi mwu mwoyo gwange.

Kwidzulitsa 5:10

Navuzwa manyia vuyanzi vwange vuduukiru ku zielefu zia makura ga yavo avanyanzaa kandi avalondaa malago gange.

Kwidzulitsa 7:9

Kunangwa mwizurizi ndi Yahova Nyasaye winyu aveeye Nyasaye; Nyasaye oveeye, musuuvirifu; udukiza lilagana lilie nukuhaana zimbavasi zitaveeye nekeheri ku vandu vamuyanzaa kandi avahulira. Amakuva geege gakuduukaa ku makura zielefu.

Vahebraina 8:10

Kalunu, yili nilio lilagana lia ndilomba na vandu va Isiraeli mu madiku gaaza, Mwami avoora, ndaviika malago gange mu zing'anagani ziavo, kandi ndakagang'ode mu mioyo jaavo; kandi ndakave Nyasaye wavo, navo valakave avandu vange.

1 Yohana 2:3

Nikuva ni kolonda amalago ga Nyasaye, maku, koveeye na agiligali, ndi kwamumanya.

2 Yohana 1:6

Uvuyanzi vwa molomaa ku ni yivu; komenye kolondekana na amalago ga Nyasaye. Yili ni lilaga lia mwahulira kutura mu litanga ndi munyi vosi, gamuduukira mumenye mu vuyanzi.