1 Yohana 5:16 - KITABU KITAKATIFU

¹⁶ Niiva mundu alolaa amwavo weve naakoraa uvwoni vutaveeye vumudukiza ku likuza, gamudukira amusaaliri ku Nyasaye, na Nyasaye alamuha livamwoyo litahera mba. Likuva yili mbolera yavo avakolaa uvwoni uvutavimiliraa kuduuka ku likuza. Navuzwa voveeye ho nu uvwoni vuhilaa vandu mu likuza. Simbolaa musaale Nyasaye ku vwene yivwo mba.

1 Yohana 5:16 Iomraidhean Croise

Litanga 20:17

Maku Aburahamu yasaala ku Nyasaye, na Nyasaye yahonyia Abimeleki harara mu mukali weve kandi avatugwa veve avakaana, kunangwa vaduuki kwivura avana.

Litanga 20:7

Navuzwa kalunu, oleke mukali uyu yirani ku musaza weve. Musaza weve aveeye muporofeti, kandi alakusaalira kunangwa uvuli kukuza. Navuzwa niiva si ulamuleka yirani ku musaza weve, inzi gwiganihizaa ndi ivi harara na vandu vovo vosi mulakuza.”

Zaburi 106:23

Lwa Nyasaye yavoola ndi aladiviza avandu veve, mutumikiri weve mutovole Musa yasingira kuhing'ana naye, kandi niyigalira uvutima vwa Nyasaye vuvuli kuviita.

Kutwula 34:9

Musa yavoola, “Yahova, niiva ligali uyanzizwa ninzi, ngogonya, nuyanza unyala kuzia harara nikunyi. Avandu yava vaveeye vikirage, navuzwa ukusamihi uvudamanu vwitu kandi vwoni vwitu, kandi ukuvugiliri kuva avandu vovo.”

Jeremia 11:14

Jeremia, utasaala ku inzi anoho kongonya muvogono vwa avandu yava mba. Lwa vaveeye mu vudinyu nu kwaniri ku inzi mbakonye, si ndahulira lianira liavo mba.”

Jeremia 14:11

Yahova yambolera, “Utasaala inzi nduuki kokonya avandu yava mba.

Jeremia 7:16

Yahova yavoola, Jeremia, “Utasaalira avandu yava mba, utavalirira kinga kusaalira kuinzi mu vogono vwavo mba; utavagoonyera ku inzi mba, utagonya inzi kigira yavo mba, kigira si ndakuhulira mba.

Ezekieli 22:30

Ndahenza umundu kutura muvo uwaali unyala kwumbaka lidigi, uwaali anyala kusingira ha vundu hamadigi gamali kugwa nukukinga vandu lwa ndaali ahimbi kuvadiviza, navuzwa sindanyola mundu kali mulala mba.

Livalidza 12:13

Kunangwa Musa yanira ku Yahova, “O, Nyasaye, yaanza ohonyie Miriamu!”

Livalidza 15:30

Navuzwa mundu woosi naava nasaavira kokora uvwoni, ave mundu wa Isiraeli noho mundu mugeni omenyi hagati haavo, alaloleka kuva onyegi Yahova, kandi aliitwa,

Luka 12:10

“Ku vosi ovola likuva lio konyega, Mwana wa Adamu, alasaamifwa; navuzwa uyu onyegaa Roho Mutakatifu sialasamiifwa mba.

Yohana 17:9

“Inzi mbasaaliraa. Sisaaliraa avumukivala, navuzwa salira yavo avuwamba, kigira vaveeye avandu vovo.

1 Yohana 5:17

Likora liosi liu vudamanu liveeye uvwoni. Navuzwa voveeye ho uvwoni vutimiliraa umundu kuduuka mu likuza.

1 Samweli 12:19

kandi vavoolera Samweli, “Mwaza kusaaliri ku Yahova Nyasaye woovo, kunangwa kunyi avatumikiri vovo kuvuli kukuza. Kalunu kumanyi ndi, komeeda ku vwoni vwitu vundi vwosi, kwakora uvwoni ku liteeva koheevwe mwami.”

1 Samweli 2:25

Niiva mundu yonera mundu wundi, Nyasaye anyala kumukinga navuzwa nivwaha unyala kukinga mundu wonera Yahova.” Navuzwa sivahulira livoora lia baba wavo mba, kigira Yahova yaali nasaviiyi kuvita.