1 Yohana 5:13 - KITABU KITAKATIFU

¹³ Inzi ng'oderaa munyi vindu yivi, kunangwa muduuki kumanya muveeye ni livamwoyo litahera mba, munyi avasuuviraa mu mwana wa Nyasaye.

1 Yohana 5:13 Iomraidhean Croise

Yohana 1:12

Navuzwa ku yavo vosi avamuvugilira kandi avaasuuvira muye, yavaha uvunyali kuva avana va Nyasaye.

Yohana 2:23

Lwa Yeso yaali mu Jerusalemi mu lilia lie Lipasaka, avandu avanyingi vaamusuuvira inyima wokolola vilolekizu via yakola.

Yohana 20:31

Navuzwa yivi viang'odwa kunangwa munyi muduuki kusuuvira ndi Yeso ni Mesia. Mwana wa Nyasaye; na mu lisuuvira lienyu muye, mulava ni livamwoyo mu zie lieta lilie.

Yohana 21:24

Uyu niyie mwigi walolekiza vindu yivi naaving'oda. Nakunyi kumanyi aga yavoola gaveeye agiligali.

Yohana 3:18

Uyu usuviraa Mwana si alakalagirwa; navuzwa yavo vatamusuuvira vamali kukalagirwa, kigira si vasuuvira Mwana muderwa wa Nyasaye mba.

Yohana 5:24

“Agiligali muvooleraa, uhulira likuva liange, nukusuuvira mu uyu uwanduma aveeye ni livamwoyo litahera mba. Sialikalagirwa mba, navuzwa umali kuvita kutura mulikuza nu kwingira mu livamwoyo.

Vikolwa 3:16

Ziali zinguru zie lieta lia Yeso, ziahaana ku mundu mulema uyu zinguru. Icha munyi muloraa nukumanya chekoleka kigira lisuuvira mu lieta lilie. Lisuuvira mu Yeso nilio liheeye mundu uyu uvulamu vwokohona ligali kuli mwosi muloraa.

Vikolwa 4:12

Ovohonyi vulanyoleka kuvitira muye yenyine, kigira mu lirova liosi, siali ho nu mundu wundi woosi wa Nyasaye yahaana unyala kukuhonyia mba. ”

2 Vakorintho 5:1

Kumanya ndi inyumba yitu ya komenyi mu kalunu yumuviri gwitu mu lirova lwiisambulwa, Nyasaye alakakohe inyumba mwigulu komenye mu, inyumba ya oyo mwene yumbaka, ihindiraa mihiga ni mihiga.

Vagalatia 4:6

Kumanyia ndi muveeye avana veve, Nyasaye yatuma Roho wu Mwana weve mu mioyo jietu, Roho uliraa ndi, “Abba,” liveeye kovora Baba!

1 Petro 5:12

Ng'oderaa munyi ibarwa yiyi, Silivano naveeye umukonyeleri wange uwa inzi ndolaa kuva kuli amiitu oveeye umusuuvirifu mu Kristo. Nyenya kudinyiriza munyi nu kwizominya ndi yizi ni zimbavasi zia agiligali zia Nyasaye. Musingiri vudinyu mu zimbavasi yizi.

1 Yohana 1:4

Kong'oda yaga, kunangwa uvusangari vwitu vuduuki kuduukizwa.

1 Yohana 2:1

Avana vange vayanze, mung'oderaa amakuva yaga; kunangwa muvuli kokora uvwoni. Navuzwa mulala naava naakora uvwoni, koveeye nu mulala okomolomeraa ku Baba, naye ni Yeso Kristo, oveeye umulungi yenyine.

1 Yohana 2:21

Si mung'oderaa kigira simwamanya agiligali, navuzwa kigira mwagamanya, kandi kigira mumanya ndi, sihaveeyeho no vovehi kali vulala vutura ku giligali.

1 Yohana 2:25

Yaga nigo ga Kristo yakusuuviriza alakuha, nalio ni, “Livamwoyo litahera mba.”

1 Yohana 2:26

Vindu yivi mung'oderaa kigira yavo avagerizaa kumugaada.

1 Yohana 3:23

Yili ni lilaga lilie, kusuuviri mu mwana weve Yeso Kristo, kandi kuyaanzane aveene na vene kuli yakuha munwa.

1 Yohana 4:9

Nyasaye yamanyia uvuyanzi vwivwe ku kunyi, kigira yatuma mwana weve muderwa mu kivala, kunyi kuduuki kuva mwoyo muye.

1 Yohana 5:10

Mundu woosi usuviraa mu mwana wa Nyasaye aveeye ni lilolekiza yili mu mwoyo gwigwe. Mundu utasuviraa Nyasaye umali kumukola muvehi, kigira si yasuuvira lilolekiza lia Nyasaye amali kuhaana ku umwana weve mba.

1 Yohana 5:11

Lilolekiza ni yili: Nyasaye umali kukuha livamwoyo litahera mba, na livamwoyo yili liveeye nu vutangiliru vwalio mu mwana weve.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.