1 Yohana 5:10 - KITABU KITAKATIFU

¹⁰ Mundu woosi usuviraa mu mwana wa Nyasaye aveeye ni lilolekiza yili mu mwoyo gwigwe. Mundu utasuviraa Nyasaye umali kumukola muvehi, kigira si yasuuvira lilolekiza lia Nyasaye amali kuhaana ku umwana weve mba.

1 Yohana 5:10 Iomraidhean Croise

Ayubu 24:25

Nigataveeye ndio, nivwaha unyala kukalagira inzi kuva muvehi, kandi kumanyia ndi makuva gange si gaveeye agiligali?

Zaburi 25:14

Yahova aveeye mulina wa yavo avamuhulira; kandi adinyirizaa lilagana lilie navo.

Tsing'ano 3:32

Kigira Yahova adunyiraa vandu vakora vudamanu. Navuzwa yayisuuviriza kigira valungi veve.

Isaya 53:1

Avandu vaativura; “Nivwaha usuuviyi makuva giitu? Nivwaha wi zinguru zia Nyasaye ziavulika kuye?

Jeremia 15:18

Kigira ki inzi nzizagiliranga kusalira? Kigira ki zingwagu ziange sizinyala kohonywa? Kigira ki ziasula kohona? Ivi otovooye ligali kokora inzi kuva nu vutima kuli umugera gwa mazi ugukamanga zing'inga ziu mbasu?”

Livalidza 23:19

Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

Yohana 3:16

Nyasaye yayanza avandu vu mu kivala, kali nahaana Mwana weve umuderwa, kunangwa ku vosi umusuuvira atadiva mba, navuzwa aduuki kuva ni livamwoyo ilitahera mba.

Yohana 3:18

Uyu usuviraa Mwana si alakalagirwa; navuzwa yavo vatamusuuvira vamali kukalagirwa, kigira si vasuuvira Mwana muderwa wa Nyasaye mba.

Yohana 3:33

Navuzwa mundu woosi uvugilira lilolekiza lilie umali kuviika muhuri gwi livugilira lilie ku yaga ndi, Nyasaye aveeye wiligali.

Yohana 5:38

kandi simulekaa amakuva geege gamenye mu mioyo jinyu mba, kigira si musuuviraa mu uyu uwa yatuma mba.

Vikolwa 8:37

Filipo yavoola, “Nu usuviraa nu mwoyo gugwo gwosi, unyala kubatizwa.” Naye yativura, “Yee, suuviyi ndi Yeso Kristo nu Mwana wa Nyasaye.”]

Varumi 8:16

Roho wa Nyasaye alolekizaa harara na roho jietu ndi koveeye avana va Nyasaye.

Vagalatia 4:1

Kunangwa icha mboraa ni yiki mwana ulinyoola miandu ja baba weve akolelwa vuzwa kuli aveeye mutugwa lwa akikiri mwana, kali vindu viosi ni viveeye vivie.

Vagalatia 4:6

Kumanyia ndi muveeye avana veve, Nyasaye yatuma Roho wu Mwana weve mu mioyo jietu, Roho uliraa ndi, “Abba,” liveeye kovora Baba!

Vakolosai 3:3

Munyi mwamala kukuza na livamwoyo lienyu liaviswa na Kristo mu Nyasaye.

Vahebraina 3:12

Muhenze vulahi, vamiitu vange, gase mwoyo mudamanu ligali kandi gwilivula kusuuvira kuli yigwo gulava mu mulala ku munyi, gwakajira yagirung'ana nokoleka Nyasaye oveeye mwoyo.

2 Petro 1:19

Kunangwa koveeye ni lisuuvira ligali na makuva galandizwa na vaporofeti. Mulakola vulahi niiva mulagahuliriza, kigira gaveeye kuli itaya yaka mu kisundi kuduuka lwa vuchezaa, nu vulavu vwe eng'ereng'ani ya mugamba yaka mumioyo jinyu.

1 Yohana 1:10

Nikuva ni kovora sikwakola uvwoni, kokoraa Nyasaye ave mugaadi kandi likuva lilie siliveeye mu kunyi mba.

1 Yohana 5:1

Mundu woosi usuviraa Yeso ni Kristo, uyu aveeye umwana wa Nyasaye, kandi mundu woosi uyanzaa Baba ayaanza umwana weve.

Likunula 12:17

Ogoyoka gonene yigwo gwavihilirwa mukali uyu ligali niguzia kulwaana ni ivisukulurwi viu mukali viatigala, yavo avagumira amalago ga Nyasaye, kandi vaveeye avasuuvirifu ku lilolekiza lia agiligali agavuulwa na Yeso. Ogoyoka yigwo gwasingira ku lujinga lwi inyanza.

Likunula 2:17

“Uyu oveeye nu gutu ahuliri likuva lia Roho avolera amakanisa! “Yavo avaguutaa ndavaha amaana gavisiywi, kandi ndavaha ligina lilavu, ling'odeywi ku lieta lihia, liu umundu, atamanyi nataveeye uyu oheveywi ilieta zana.

Likunula 2:28

Kandi ndio ndamuha eng'ereng'ani ya mugamba.