1 Yohana 4:19 - KITABU KITAKATIFU

¹⁹ Kunyi kuyaanza kigira Nyasaye yakuyaanza mu litanga.

1 Yohana 4:19 Iomraidhean Croise

Luka 7:47

Kunangwa, ngovolera, vuyanzi vonene vwa amali kumanyia vudinyirizaa ndi, uvwoni vwivwe vunyingi vumali kusamiifa. Navuzwa ku vosi umali kusamiifa hakekeke amanyia vuyanzi vokekeeke vuzwa.”

Yohana 15:16

Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Yohana 3:16

Nyasaye yayanza avandu vu mu kivala, kali nahaana Mwana weve umuderwa, kunangwa ku vosi umusuuvira atadiva mba, navuzwa aduuki kuva ni livamwoyo ilitahera mba.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

1 Yohana 4:10

Yivu nivwo uvuyanzi: Sikwaali ni kunyi avakwayaanza Nyasaye, navuzwa niyie wakuyaanza, natuma mwana weve kuva ikisiuviliru chu kutakasa uvwoni vwitu.

1 Yohana 4:20

Niiva umundu woosi avoora, “Nyanza Nyasaye,” navuzwa adunyiraa amwavo weve, aveeye mugaadi. Niiva avula kuyaanza amwavo weve wa alolaa, anyala kuyaanza ndi Nyasaye wa atalolaa?