1 Yohana 4:17 - KITABU KITAKATIFU

¹⁷ Kigira yaga uvuyanzi vokoleywe uvudukiru mu kunyi kunangwa kuduuki konyoora uvuluviliri ku Lidiku lie Likalaga; na kulava nalio kigira livamwoyo lietu mu kivala yiki liveeye lilala liere kuli lia Kristo.

1 Yohana 4:17 Iomraidhean Croise

Matayo 10:15

Agiligali muvooleraa, mu Lidiku lie Likalaga, lidaala yilio lilanyoola amaduywa manene ligali kuvita agaagwa ku lidaala lia Sodoma na Gomora.

Matayo 10:25

Gaduukiraa umwigi ave kuli mwigizi weve, nu mutugwa kuli mutugi weve. Niiva valangi mwene nyumba Belizebuli, na valalanga ndi avandu vinyumba yeeye? Avandu vandi si valalangwa amita amadamanu mbitilira mba!

Matayo 11:22

Navuzwa agiligali muvooleraa, ku Lidiku lie Likalaga, munyi mulanyola amaduywa manene kutura ku Nyasaye kuvita avandu va Tiro na Sidoni.

Matayo 11:24

Ku Lidiku lie Likalagirwa, Nyasaye alamanyia livererwa ku avandu va Sodoma kuvita munyi.”

Matayo 12:36

“Muve ni lisuuvira ndi, ku Lidiku lie Likalagirwa sa mulala alahaana ilivaliza lia vuli likuva lia yativura.

Yohana 15:20

Mwizurizi likuva lia ndamuvolera: ‘Mutumwa siaveeye munene ligali kuvita mwami weve mba.’ Niiva vadambiza inzi, valadambiza munyi kandi; niiva vahulira likuva liange, valahulira lienyu kandi.

Yohana 17:22

Inzi mali kuvaha uvukumi vwa wamba, kunangwa vave kindu kilala kuli kunyi koveeye kindu kilala;

Varumi 8:29

Yavo ava Nyasaye yatovola kutura mu litanga nivo ava yaahula vaduuki kuva kuli Mwana weve, kunangwa Mwana aduuki kuva wu kutanga hagati ha vamwavo vanyingi.

Vahebraina 9:27

Mundu woosi kuduuka akuzi lulala vuzwa, kandi lwinyima aduuki kukalagirwa na Nyasaye.

Yakobo 2:13

Nyasaye sialimanyia livererera lwa alikalagira umundu uyu uwavula kuva ni zimbavasi; navuzwa zimbavasi ziveeye ni liguuta ku likalaga.

Yakobo 2:22

Ivi si olola? Lisuuvira lia Aburahamu ni vikolwa vivie viayinzira harara. Lisuuvira lilie liakolwa liduukiru kuvitira mu vikolwa.

2 Petro 2:9

Kulwayago, Mwami amanya kuli anyala kohonyia avandu valungi kutura mu ligerizwa liavo, nu kuhaana mageri ku vandu, vachamu kuduuka Lidiku lie Likalaga,

2 Petro 3:7

Navuzwa ligulu ni lirova, viveeye ho kalunu viviikiywi nililago lilala liere lia Nyasaye viduuki kudivizwa nu muliru. Viviikangwa kuduuka ku lidiku lie likalaga no kudivizwa kwa vandu vatamanyi Nyasaye.

1 Yohana 2:28

Kandi kalunu, avana vakekeeke vange, mumenye mu Kristo, kunangwa lwa alolekaa, kove nuvuluviliri, kandi kuvuli kwivisa mu zisoni imbiri weve ku lidiku lie liza lilie.

1 Yohana 2:5

Navuzwa ku vosi olondaa likuva lilie, vuyanzi vwivwe ku Nyasaye vuduukiziywi muye ligali. Nandio kunyala kuva na agiligali ndi, koveeye ni lisanga na Nyasaye.

1 Yohana 2:6

Oyo ovola amenyi mu Nyasaye gamudukira amenye kuli Kristo yamenya.

1 Yohana 3:1

Heenzi vuyanzi vwa Baba amali kuhaana kunangwa kuduuki kulangwa avana va Nyasaye! Nindio koveeye. Yiki nicho kivuni kigira vandu vumukivala nivavula kukumanya; kigira sivamanya Nyasaye mba.

1 Yohana 3:3

Umundu woosi oveeye ni lisuuvira yili mu Kristo, yitakasaa mwene kuli Kristo aveeye Mutakatifu.

1 Yohana 3:7

Avana vayanze vange, mutaleki mundu kali mulala amugaade mba. Mundu woosi okolaa agaveeye malungi aveeye umulungi, kuli Kristo mwene aveeye mulungi ligali.

1 Yohana 4:12

Siaveeyeho nu mundu kali mulala walola Nyasaye. Navuzwa niiva kunyi kuyaanzana, Nyasaye amenyaa mu kunyi, kandi uvuyanzi vwivwe voveeye vuduukiru mu kunyi.