1 Yohana 4:16 - KITABU KITAKATIFU

¹⁶ Kunyi aveene kumanya kandi kusuuvira uvuyanzi vwa Nyasaye aveeye navwo ku kunyi. Nyasaye aveeye uvuyanzi kandi oyo, Omenya mu vuyanzi amenyaa mu Nyasaye, kandi Nyasaye amenyaa muye.

1 Yohana 4:16 Iomraidhean Croise

Zaburi 31:19

Vindu vilahi via uvikiraa yavo avakoheezaa luyali viveeye viokogenyia. Avandi vosi vamanya ndi ivi oveeye mulahi ligali kandi ukingaa yavo avakusuuviraa.

Isaya 64:4

Sihaveeye ho nu mundu kali mulala uwalora anoho uwahulira Nyasaye kuli ivi mba, okolaa vikolwa kuli yivi ku yavo avasuuviraa muye.

Yohana 6:69

Kunyi kwasuuvira, kandi kwamanya ndi ivi niyie Mutakatifu wa Nyasaye.”

Yohana 9:3

Yeso yativura, “Livakula lilie yili siliveeye kigira yakola uvwoni anoho aviivuli veve mba, navuzwa yiivulwa mboku, kunangwa zinguru zia Nyasaye ziduuki kokora miyinzi muye havulavu.

1 Vakorintho 2:9

Navuzwa kuli Mang'oda Matakatifu gavoora, “Kindu chu mundu yavula kolola anoho kuhulira, kindu chu mundu yavula kuganagana kilekoleka, nicho kindu zana cha Nyasaye, yeetegekizira yavo ava muyanzaa.”

1 Yohana 3:1

Heenzi vuyanzi vwa Baba amali kuhaana kunangwa kuduuki kulangwa avana va Nyasaye! Nindio koveeye. Yiki nicho kivuni kigira vandu vumukivala nivavula kukumanya; kigira sivamanya Nyasaye mba.

1 Yohana 3:16

Ku lwa yago kunyi kwamanya uvuyanzi voveeye ki: Kristo yakuzira kunyi mu liehaana lie livamwoyo lilie. Kunangwa gakuduukiraa kuhaane livamwoyo lietu kigira avaamitu viitu.

1 Yohana 3:24

Mundu woosi uhulira amalago ga Nyasaye amenyanga mu Nyasaye na Nyasaye amenyaa muye kolondekana niyaga kumanya ndi Nyasaye amenyaa mu kunyi, kuvitira mu Roho wayakuha.

1 Yohana 4:7

Avalina vange avayaanze, leki kuyaanzane, kigira uvuyanzi voveeye vwa Nyasaye. Umundu woosi uyanzaa aveeye mwana wa Nyasaye, kandi amanyi Nyasaye.