1 Yohana 3:7 - KITABU KITAKATIFU

⁷ Avana vayanze vange, mutaleki mundu kali mulala amugaade mba. Mundu woosi okolaa agaveeye malungi aveeye umulungi, kuli Kristo mwene aveeye mulungi ligali.

1 Yohana 3:7 Iomraidhean Croise

Zaburi 106:3

Vaveeye nuvugasu avahulira amalago geege; kandi avakolaa agaveeye malungi kazozo.

Zaburi 45:7

Ivi uyaanzaa uvulungi, udunyiraa uvuchamu. Kigira yaga, yiki ni kigira Yahova, Nyasaye woovo umali kukotovola. Kandi umali kuzuka uvugasu vunyingi ku ivi kuvita mwami wundi woosi.

Matayo 5:20

Yiki nicho kigira nimuvoolera ndi, uvulungi vwinyu nivutavita uvwa vang'odi vi lilaga na Avafarisayo, simulakingiri mu Vwami vwu mwigulu mba.

Luka 1:75

kunangwa kuduuki kuva avatakatifu kandi avalungi imbiri weve, mu madiku goosi gi livamwoyo lietu.

Vikolwa 10:35

Mundu wi ihiiri yoosi utizaa Nyasaye no kokora agaveeye amalungi avugilirwa naye.

Varumi 2:13

Mundu siakolwa kuva mulungi imbiri wa Nyasaye ku lihulira Lilaga, navuzwa ku likora agi Lilaga lienyaa.

1 Vakorintho 6:9

Si mumanyi ndi vandu vachamu sivalinyoola vwami vwa Nyasaye? Mutagadwa mba! Avandu vamenyaa mu kifavwi cho voheyi, avasigamiraa misaambwa, anoho avaheyi, malaya masaaza anoho avasaza vagonaa avasaza vache,

Vafeso 5:6

Mutaleka mundu kali mulala amugaade na makuva gu vusiru mba; gaveeye kigira vindu yivi uvutima vwa Nyasaye vuduuka ku avandu vosi avavuraa kumutia.

Vafeso 5:9

Likuyu liu vulavu linyoolekaa mu goosi gaveeye malahi, malungi kandi agiligali.

Vafilipi 1:11

Livamwoyo lienyu liosi liliizula amakuyu goosi gu vulungi agatulaa mu Yeso Kristo kuduuka ku uvukumi ni ilizominywa lia Nyasaye.

Vahebraina 1:8

Navuzwa ku Mwana, Nyasaye yavoola, ndi: “ O, Nyasaye, Uvwami vuvwo, vulahindira mihiga ni mihiga! Wamiihaa avandu vovo nu vulungi.

Vahebraina 7:2

na Aburahamu naye naamuha kidieli chi likomi chi vindu viosi via yaali navio. Kivuni chukutanga chi Lieta Melikizedeki keveeye “Mwami Munene wuvulungi”, kandi kigira yaali Mwami wa Salemi, lieta lilie liveeye kovora, “Mwami wi Mirembe.”

Yakobo 1:22

Muve avakoli vi likuva, mutava avahuliri vuzwa ni mwigada aveene mba.

Yakobo 2:19

Usuviraa Nyasaye aveeye mulala yenyine? Vulahi! Amademoni nago kandi gasuuviraa ni gadegeraa nu vuti.

1 Petro 2:24

Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.

1 Yohana 2:1

Avana vange vayanze, mung'oderaa amakuva yaga; kunangwa muvuli kokora uvwoni. Navuzwa mulala naava naakora uvwoni, koveeye nu mulala okomolomeraa ku Baba, naye ni Yeso Kristo, oveeye umulungi yenyine.

1 Yohana 2:26

Vindu yivi mung'oderaa kigira yavo avagerizaa kumugaada.

1 Yohana 2:29

Munyi mumanyi vulahi ndi Kristo aveeye umulungi; kunangwa gamudukira mumanye ndi mundu woosi okolaa agaveeye malungi aveeye mwana wa Nyasaye.

1 Yohana 3:18

Avana vakekeeke vange, uvuyanzi vwitu vutava vwa amakuva ni limoloma iliere vuzwa mba; kuduuka vove uvuyanzi vwagiligali uvwimanyia uvwene mu vikolwa.

1 Yohana 3:3

Umundu woosi oveeye ni lisuuvira yili mu Kristo, yitakasaa mwene kuli Kristo aveeye Mutakatifu.

1 Yohana 4:17

Kigira yaga uvuyanzi vokoleywe uvudukiru mu kunyi kunangwa kuduuki konyoora uvuluviliri ku Lidiku lie Likalaga; na kulava nalio kigira livamwoyo lietu mu kivala yiki liveeye lilala liere kuli lia Kristo.