1 Yohana 3:4 - KITABU KITAKATIFU

⁴ Umundu woosi okola uvwoni aveeye nilihiolo liu kuvunanyia amalago ga Nyasaye, kigira uvwoni voveeye livunanyia amalago.

1 Yohana 3:4 Iomraidhean Croise

1 Avami 8:47

huliriza ku lisaala lia vandu vovo. Niiva wene yeyo mu kivala yicho valiganira nukusaala ku ivi, niviganira vwoni vwavo kandi vudamanu vwavo, hulira lisaala liavo O, Yahova.

1 Kyetsinyinga 10:13

Kunangwa Saolo yakuza kigira livula kuva musuuvirifu ku Yahova. Yatinguha malago ga Yahova. Yageriza konyoora zing'anagani kutura ku roho wa vakuzu

2 Kyetsinyinga 24:20

Hene yaho Roho wa Nyasaye yaduuka ku Zakaria muyaayi wa Jehoyada musaalisi. Yasingira havundu ha vandu vosi vaali vanyara kumulora, navoora, “Yahova Nyasaye ateeva, ‘Kigira ki si mwahulira malago geege, na muletaa kivi ku munyi aveene! Mwaleka Yahova na Yahova ya mulekaa.’ ”

Isaya 53:8

Yagumirwa nukukalagirwa nukuhirwa ukwitwa, na siali ho nuwahenda mwoyo ku agazizaa kwekoleka kuye mba. Yitwa kigira uvwoni vwitu.

Danyeli 9:11

Avandu va Isiraeli vosi vaavunaga malago googo kandi vasuura kuhulira aga wavoola. Wavika ku kunyi kilaamo cha ng'odwa mu malago ga Musa mutumikiri woovo kigira kwamala kokora uvwoni.

Livalidza 15:31

kigira umali kolegeriza likuva lia Yahova, kandi umali kuvunaga malago geege. Mundu uyu aliitwa kigira uvwoni vwivwe umwene.

Matayo 5:19

Kunangwa, ku vosi ulivunaga lilago likekeeke ku goosi, nu kwigiza avandi vakole ndio, umwene oyo alakalangwe mukekeeke ligali mu Vwami vwu mwigulu. Navuzwa ku vosi uligakola nu kwigiza avandi, mwene oyo alakalangwe munene mu Vwami vwu mwigulu.

Vikolwa 23:3

Ku Paolo yamuvolera, “Nyasaye alakukuya, ivi oveeye kuli lidiji liavakwa lidohi lilavu! Ivi wikala yaho kungaragira kolondekana ni Lilaga, navuzwa ivi mwene uvunaga Lilaga lwa ulaga ndi inzi nguywi!”

Varumi 3:20

Umundu siakolwa mulungi imbiri wa Nyasaye ku likora miyinzi ji Lilaga lienyaa mba; ichi Lilaga likora keveeye okokora vandu vamanye ndi vamali kokora vwoni.

Varumi 4:15

Lilaga lileetanga vutima vwa Nyasaye, navuzwa Lilaga nilitaveeye ho, ilivula kutia, Lilaga siliveeye ho mba.

2 Vakorintho 12:21

Mbeeye nu vuti ndi lwa nanzizi yaho ing'inga yiza, Nyasaye wange alakandeganyie imbiri winyu, na ndakasiome kigira vunyingi vwa yavo avaakoraa vwoni mu madiku gaavita, navuzwa sivayiganira vindu vidamanu kandi vwoni vwosi vwo voheyi vwa vaakora mba.

Yakobo 5:15

Lisaala lie lisuuvira, lilahonyia umulwaye. Mwami alamuvukiza, nu kumwilanyira vulamu, kandi uvwoni vwa yakola vulasamiifwa.

1 Yohana 5:17

Likora liosi liu vudamanu liveeye uvwoni. Navuzwa voveeye ho uvwoni vutimiliraa umundu kuduuka mu likuza.

1 Samweli 15:24

Saolo yavoola, “Yee, inzi mali kwona. Mali kutinguha lilago lia Yahova kandi amigizu googo. Ndaatia avandu vange, kandi ningora aga venya.