1 Yohana 3:20 - KITABU KITAKATIFU

²⁰ Niiva zing'anagani zie mioyo jietu zikukalagiraa, kumanyi ndi Nyasaye aveeye umunene kuvita mioyo jietu, kandi amanya vindu viosi.

1 Yohana 3:20 Iomraidhean Croise

Ayubu 27:6

Ndazizagilira kovora ndi mbeeye mulungi! Mwoyo gwange sigulang'ondokera lwa inzi mbeeye mwoyo.

Ayubu 33:12

Navuzwa ngovolera Ayubu, ivi oveeye namashioro. Nyasaye aveeye munene kuvita mundu woosi.

Zaburi 90:8

Ivi uviikaa uvwoni vwitu imbiri woovo. Uvikaa uvwoni vwitu vwumuvwivisu aha unyala kuvolola.

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Jeremia 23:24

Siaveeyeho nu umundu unyala kwivisa hanyala kuvula kumulora mba. Simumanyi inzi mbeeye havundu hoosi mwigulu kandi kulirova?

Yohana 21:17

Yamuteeva lwa kavaga, “Simoni mwana wa Yohana, unyaanzaa?” Petero yavelera kigira Yeso yamuteeva haali kavaga; “Unyaanzaa” Petero yavoola, “Mwami, ivi wamanya vuli kindu, ivi wamanya ndi ndakuyaanza.” Yeso yamuvolera, “Lihiza magondi gange!

Yohana 8:9

Navuzwa lwa vahulira yaga, vatanga kuzia mulala sa mulala kutangilira na vakulundu kuvo vosi. Yeso yaatigara yenyine, nu mukali oyo naakisingiyi imbiri weve.

Vikolwa 5:33

Lwa avandu vosi avaari mu kiyaalo vahulira yaga, vavihilirwa ligali kali nivenya viiti vatumwa.

Varumi 8:34

Nivwaha ulikalaga? Ni Kristo Yeso wakuza yee, wasimugukizwa kutura mu vakuzu, oveeye ha mukono mulungi gwa Nyasaye, ukusaaliraa?

1 Vakorintho 4:4

Zigangani ziange ziveeye zindahi, navuzwa yaga sigangolaa kuva vugira imbara mba. Mwami niyie uwaalagiraa.

Tito 3:11

Umanyi vulahi ndi, vandu vulungano yilu sivaveeye valungi mba, uvwoni vwavo vololekizaa ndi vaveeye vadamanu.

Vahebraina 4:13

Sihaveeye ho ni kindu kinyala kuviswa ku Nyasaye, vindu viosi vialombwa, viamanywa havulavu imbiri wizimoni zizie. Uyu niyie Nyasaye wa kulihaana kuye makuva gi vikolwa vietu.

Vahebraina 6:13

Lwa Nyasaye yalomba lisuuvirizwa lilie ku Aburahamu, yalomba liesuuha akole icha yaali naasuuvirizi. Kigira sihaali nu munene kuvita oyo mwene, yatumikira lieta lilie liene lwa yalomba liesuuha lilie.

1 Yohana 3:19

Yiki kilava kimanyiru ndi koveeye va giligali, kandi mioyo jietu jilaluvilira imbiri wa Nyasaye.

1 Yohana 3:21

Avalina avayaanze vange niiva zing'anagani zie mioyo jietu ziivulaa kukukalagira, koveeye nu vuluviliri imbiri wa Nyasaye;

1 Yohana 4:4

Avana vange, munyi muveeye ava Nyasaye, kandi mwaguuta avaporofeti vovovehi kigira Roho oveeye mumunyi, aveeye munene kandi wizingulu kuvita roho oveeye mu vandu vikivala.

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.