1 Yohana 3:2 - KITABU KITAKATIFU

² Avalina avayaanze vange, kalunu koveeye avana va Nyasaye, navuzwa gakiri kumanyikana havulavu kuli kunyi kuliiva. Navuzwa kumanya ndi lwa Kristo aliloleka kulakave kuliye, kigira kulakamulole kuli aveeye.

1 Yohana 3:2 Iomraidhean Croise

Ayubu 19:26

Na inyima wi ligodo liu muviri gwange limali kwononywa nuvulwaye, Ndakalole Nyasaye moni na moni ningikiri mu muviri yigu.

Zaburi 16:11

Ivi ulamanyia inzira yi livamwoyo. Lwa oveeye himbi ninzi nzizulaa uvusangari du. Kandi ombezaa uvuyanzi mihiga ni mihiga.

Zaburi 17:15

Navuzwa inzi ndakalole ivi kigira mbeeye mu vulungi. Lwa mbuukaa, ndiizura uvusangari kigira mali kolola ivi.

Zaburi 31:19

Vindu vilahi via uvikiraa yavo avakoheezaa luyali viveeye viokogenyia. Avandi vosi vamanya ndi ivi oveeye mulahi ligali kandi ukingaa yavo avakusuuviraa.

Isaya 56:5

hene yaho, lieta liilio lilizulizwa mu Litembeli liange kandi mu vandu vange ku ing'inga indambi kuvita lwa waali ove na vayaayi kandi navakaana. Siulivilirwa kali hakuzu mba.”

Malaki 3:2

Navuzwa nivwaha unyala kwikuzira kulindilira ku lidiku yilio lwaliza? Nivwaha ulakahononoke lwa aliloleka? Alakaze ni zinguru kuli Isavuni, kandi kuli muliru gwu kutura kivia.

Matayo 5:8

“Vaveeye nuvugasu avaveeye ni mioyo milavu, kigira valalola Nyasaye.

Luka 17:30

Nindio galiva kandi lidiku liu Mwana wa Adamu aliloleka mu vukumi.

Luka 20:36

Kigira sivanyala kukuza kandi mba. Valava kuli zingelosi kandi vaveeye avana va Nyasaye, kigira vamali kusimuguka kutura mu vakuzu.

Yohana 1:12

Navuzwa ku yavo vosi avamuvugilira kandi avaasuuvira muye, yavaha uvunyali kuva avana va Nyasaye.

Yohana 11:52

na sikoveeye ku yavo venyine, navuzwa kandi aduuki kuleeta harara avana va Nyasaye avasalana.

Yohana 17:24

“Baba! Nyenya, yava avu wamba vave harara nainzi ahambeeye, ku valore uvukumi vwange vwa wamba; ku lwukuva wanyanza imbiri wi kivala kikiri kolombwa.

Varumi 8:16

Roho wa Nyasaye alolekizaa harara na roho jietu ndi koveeye avana va Nyasaye.

Varumi 8:18

Ndolaa ndi uvusaliri vwitu vwi ing'inga ya kalunu yiyi si vunyala koleng'anywa nu vukumi vwa kulilola kali hakuzu mba.

Varumi 8:19

Vindu viosi via Nyasaye yalomba vilindilira nuvuha vonene ndi, Nyasaye avuri avana veve.

Varumi 8:29

Yavo ava Nyasaye yatovola kutura mu litanga nivo ava yaahula vaduuki kuva kuli Mwana weve, kunangwa Mwana aduuki kuva wu kutanga hagati ha vamwavo vanyingi.

1 Vakorintho 13:12

Icha kololaa kalunu keveeye kuli kololera mu chelolero iligondo litalolekaa vulahi, navuzwa inyima wayaga kulakalole moni namoni. Icha inzi manyi kalunu sikeveeye kidukiru mba, navuzwa inyima kilakave kiduukilu kuli limanya lia Nyasaye, liveeye liduukilu ku inzi

1 Vakorintho 15:49

Kuli kwavugula ligondo lia uyu wa marova nindio kandi kulavugula ligondo lia oyo wu mwigulu.

1 Vakorintho 2:9

Navuzwa kuli Mang'oda Matakatifu gavoora, “Kindu chu mundu yavula kolola anoho kuhulira, kindu chu mundu yavula kuganagana kilekoleka, nicho kindu zana cha Nyasaye, yeetegekizira yavo ava muyanzaa.”

2 Vakorintho 3:18

Kunyi vosi avakwavula kufuumwa mu moni mwitu, kumanyia uvukumi vwu Mwami. Uvukumi zana yivwo vuturaa ku Mwami oveeye Roho akugiruganyia kuva mu liiva lia higulu ligali mu vukumi.

2 Vakorintho 4:17

Lidambizwa lia konyoora lie ing'inga ngekeeke, kandi ni likekeeke vuzwa; lilakakoletere vukumi vonene vwi mihiga ni mihiga kuvita vudinyu vwakonyoolaa.

Vagalatia 3:26

Munyi vosi muveeye avana va Nyasaye kuvitira mu lisuuvira mu lihambanywa na Kristo Yeso.

Vagalatia 4:6

Kumanyia ndi muveeye avana veve, Nyasaye yatuma Roho wu Mwana weve mu mioyo jietu, Roho uliraa ndi, “Abba,” liveeye kovora Baba!

Vafilipi 3:21

Alakagirung'anyie imiviri jietu midedekere yiji nukujikola kuva kuli umuviri gwigwe umwene gwu vukumi; Alakatumikiri zinguru yizio koleta ivindu viosi isi wu vwamihi vwivwe.

Vakolosai 3:4

Kristo aveeye livamwoyo lienyu liagiligali, kandi lwa liloleka, ahene yaho munyi mulakaloleke harara naye, mu uvukumi vwivwe.

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.

2 Petro 1:4

Muliiva yili umali kukuha vihaanwa vinene kandi vilahi via yakusuuviriza. Kunangwa, ku vihaanwa yivio, muhononoke ku uvwoneku vwu kudiviza ovoveeye mu lirova kunangwa muduuki kusanga mu liiva liu vutakatifu vwivwe.

1 Yohana 2:28

Kandi kalunu, avana vakekeeke vange, mumenye mu Kristo, kunangwa lwa alolekaa, kove nuvuluviliri, kandi kuvuli kwivisa mu zisoni imbiri weve ku lidiku lie liza lilie.

1 Yohana 2:7

Avalina vange avayaanze, si mung'oderaa lilaga lihia; navuzwa lilaga lia kale lia mwali nalio kutura mu litanga. Lilaga lia kale yili liveeye likuva lia mwahulira.

1 Yohana 3:1

Heenzi vuyanzi vwa Baba amali kuhaana kunangwa kuduuki kulangwa avana va Nyasaye! Nindio koveeye. Yiki nicho kivuni kigira vandu vumukivala nivavula kukumanya; kigira sivamanya Nyasaye mba.

1 Yohana 3:10

Kunangwa, nindio kumanya yavo avaveeye avana va Nyasaye, kandi yavo avaveeye avana va Setani. Umundu woosi utakola uvulungi vwa Nyasaye, kandi utayaanzaa amwavo weve, siaveeye umwana wa Nyasaye mba.

1 Yohana 3:21

Avalina avayaanze vange niiva zing'anagani zie mioyo jietu ziivulaa kukukalagira, koveeye nu vuluviliri imbiri wa Nyasaye;

1 Yohana 5:1

Mundu woosi usuviraa Yeso ni Kristo, uyu aveeye umwana wa Nyasaye, kandi mundu woosi uyanzaa Baba ayaanza umwana weve.

Likunula 2:28

Kandi ndio ndamuha eng'ereng'ani ya mugamba.

Likunula 22:4

Kulakalole kandi mumoni mwa Nyasaye, ni ilieta lilie lilakang'odwe mu uvweni vwavo.