1 Yohana 2:8 - KITABU KITAKATIFU

⁸ Kali ndio, mung'oderaa lilaga lihia kalunu, kigira agiligali galio galoleka mu Kristo kandi mu munyi. Kigira kisundi kivitaa, na uvulavu vwa giligali vumali kwaaka.

1 Yohana 2:8 Iomraidhean Croise

Zaburi 27:1

Yahova aveeye uvulavu vwange kandi ovohonyi vwange. Na sinyala kutia mundu woosi mba. Yahova aveeye imbinga yange, sinyala kutia mba.

Zaburi 36:9

Ivi uhaanaa livamwoyo litahera mba, oveeye uvutangiliru vwi livamwoyo liosi. Kigira uvulavu, vuvwo kololaa uvulavu.

Zaburi 84:11

Yahova Nyasaye aveeye mukingi wiitu kandi mwami wu vukumi, akugaasizaa nuvulahi kandi nu luyali. Ahaanaa choosi ekeveeye kilahi ku yavo avakolaa uvulungi.

Isaya 9:2

Avandu vagenda mu kisundi vamali kolola uvulavu vonene ligali. Vamenya mu kivala chi viliri, navuzwa kalunu uvulavu vumulikaa kuvo.

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

Matayo 4:16

Avandu vaali nivamenya mu kisundi valoli uvulavu vonene. Kandi yavo avaamenyaa mu kivala chi chiriri chi likuza, uvulavu vong'ereng'ani kuvo!”

Luka 1:79

Vong'ereng'ane ku yavo vosi avamenyaa mu kisundi kenene chi chiriri chilikuza; kwimilira virenge vietu munzira yi mirembe.”

Yohana 1:9

Yivwo nivwo uvulavu vwi ligali; uvulavu vuzaa mu kivala kwaaka ku vuli mundu.

Yohana 12:35

Yeso yavavolera, “Uvulavu vukikiri ni munyi ku ing'inga engekeeke. Gendi lwa mukikiri mu vulavu yivu kunangwa; kisundi kivuli kumunyoola, kigira ogendaa mu kisundi siamanyi wazizaa mba.

Yohana 12:46

Inzi mali kuuza mu kivala kuli uvulavu. Kunangwa mundu kuvoosi usuviraa mu inzi avuli kutigala mu kisundi.

Yohana 13:34

Kandi kalunu muheezaa lilago lihia: muyaanzane aveene naveene. Kuli wa inzi ndamuyaanza, munyi kandi muyaanzane ndio.

Yohana 8:12

Yeso yavavolera kandi, “Inzi niyie uvulavu vwa avumukivala. Uyu onondaa sialagenda mu kisundi mba, navuzwa alava nu vulavu vuhaana livamwoyo.”

Vikolwa 17:30

Nyasaye yayivilira zing'inga ziavandu vavura, kumumanya, Navuzwa kalunu, alaangaa avandu vosi, havundu hoosi, viganiri.

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Varumi 13:12

Uvudiku vufezaa ligali, nu muvasu goveeye ahimbi. Kunangwa leki kuviiki ihale vikolwa vie kisundi, na kuvuguli viuma viu kulwaana mu vulavu.

2 Vakorintho 8:9

Munyi mumanya zimbavasi ziu Mwami wiitu Yeso Kristo. Kali niyaali mutugi, yekola kuva mudaka kigira munyi. Na kigira uvudaka vwivwe, munyi muduuki kuva avatugi.

Vafeso 5:8

Maziambiri, munyi mwali mu kisundi, navuzwa kalunu muveeye nu vulavu mu mwami; kunangwa kuduuka mumenye kuli vana vu vulavu.

1 Petro 1:21

Kuvitira muye, munyi musuuviraa Nyasaye wasimugukiza Yeso kutura mu likuza, nu kumuha uvukumi. Kulwayago lisuuvira lienyu ni lisuuvirizwa lienyu viveeye ku Nyasaye.

1 Yohana 3:23

Yili ni lilaga lilie, kusuuviri mu mwana weve Yeso Kristo, kandi kuyaanzane aveene na vene kuli yakuha munwa.

1 Yohana 4:11

Avalina vange avayaanze, Nyasaye naava ni yakuyaanza kuli ndio, gakuduukiraa kunyi kuyaanzane.

1 Yohana 4:21

Lilaga lia Kristo amali kuha kunyi ni yili, “Mundu woosi uyanzaa Nyasaye kuduuka ayaanze amwavo weve kandi.”