1 Yohana 2:24 - KITABU KITAKATIFU

²⁴ Muleke amigizu gamwahulira kutura mu litanga gamenye mumunyi. Ni mugumira amigizu ga mwahulira kutura mu litanga, mulamenya mu mwana, kandi mu Baba.

1 Yohana 2:24 Iomraidhean Croise

Zaburi 119:11

Ndaviika lilaga liilio mu mwoyo gwange, kunangwa mburi kokora vwoni ku ivi.

Tsing'ano 23:23

Agiligali, vogeri kwiga kandi lihulira lilahi yivi viveeye mutungu mulahi, navuzwa viveeye nu vuguli vonene niiva ulavigulanyia.

Luka 1:2

Vang'oda ivindu via kwavolerwa na yavo avaari avaloli va moni na moni vi vindu yivio kutura mulitanga, kandi avilwaazi vi likuva yilio.

Luka 9:44

“ Mutegize amatu ginyu vulahi, muhuliri amakuva ga nyenya kumuvolera! Mwana wa Adamu azizaa kuzamwa kandi kuvikwa mu makono ga avandu.”

Yohana 14:23

Yeso yamutivulira, “Mundu nanyaanza, alagumira amigizu gange. Baba wange alamuyaanza, kandi Baba wange harara nainzi kulaaza kuye, na kulamenya naye.

Yohana 15:7

Nimumenya mu inzi na amigizu gange nigamenya mu munyi, musaale choosi cha mwenya na munyi mulahevwa.

Yohana 6:56

Uyu ulia muviri gwange nukunwa amasahi gange, amenyaa mu inzi nainzi menyaa muye.

Yohana 8:25

Navo vamuteeva, “Ivi nivwaha?” Yeso yavativulira, “Inzi mbeeye kuli wa ndamuvolera kutura mulitanga!

Vafilipi 4:15

Munyi Avandu va Filipi mumanya vulahi ligali lwa ndaatula Makedonia, mu madiku gu kutanga gukwilwaza Ivangeri, ni munyi veng'ine avamwangoonya. Nimunyi veng'ine vandetera vihaanwa.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

Vahebraina 2:1

Kigira yaga, gakuduukiraa kugumiri vudinyu amakuva goosi agiligali ga kumali kuhulira, gase kulagotizwa.

Vahebraina 3:14

Kunyi koveeye avasangi harara na Kristo, niiva kulagumila lisuuvira lietu kuduuka kukeheri kuli lia kwaali nalio mulitanga.

1 Yohana 1:3

Kunyi kumwilwaazira cha kwalola kandi cha kwahulira, kunangwa muduuki kuva mu lisanga ni kunyi, kandi lisanga lietu liveeye harara na Baba, nu umwana weve Yeso Kristo.

1 Yohana 1:7

Navuzwa ni kogenda mu vulavu kuli mwene aveeye mu uvulavu, kunyi koveeye ni lisanga aveene na aveene; kandi amasahi ga Yeso Kristo mwana weve gakwogizaa uvwoni vwosi.

1 Yohana 2:7

Avalina vange avayaanze, si mung'oderaa lilaga lihia; navuzwa lilaga lia kale lia mwali nalio kutura mu litanga. Lilaga lia kale yili liveeye likuva lia mwahulira.

1 Yohana 3:24

Mundu woosi uhulira amalago ga Nyasaye amenyanga mu Nyasaye na Nyasaye amenyaa muye kolondekana niyaga kumanya ndi Nyasaye amenyaa mu kunyi, kuvitira mu Roho wayakuha.

1 Yohana 4:13

Kigira yaga kumanyi ndi komenyi mu Nyasaye, naye amenyaa mu kunyi, kigira umali kukuha Roho weve.

1 Yohana 4:15

Mundu woosi wiyama Yeso nu mwana wa Nyasaye, Nyasaye amenyaa muye, naye mu Nyasaye.

1 Yohana 4:16

Kunyi aveene kumanya kandi kusuuvira uvuyanzi vwa Nyasaye aveeye navwo ku kunyi. Nyasaye aveeye uvuyanzi kandi oyo, Omenya mu vuyanzi amenyaa mu Nyasaye, kandi Nyasaye amenyaa muye.

2 Yohana 1:2

Agiligali gamenyaa mu kunyi, kandi galava ni kunyi kuduuka mihiga ni mihiga.

2 Yohana 1:9

Umundu uvula komenya mu miigizu ga Kristo, navuzwa naavitilira mu liiva yilio, siaveeye na Nyasaye mba. Mundu uvugilira miigizu yaga aveeye na Baba kandi nu Mwana.

3 Yohana 1:3

Ndaali nuvusangali ovonene ligali lwa valala ku vamiitu Vakrisitayo vaduuka hano nivambolera kuli oveeye umusuuvirifu ku giligali kandi kuli uzizagilira komenya kazozo mu giligali.

Likunula 3:11

Nziza vwangu. Ugumiri vudinyu icha oveeye nacho. Atava ho nu mulala uhiraa itaji yooyo yi liguuta.

Likunula 3:3

Kunangwa wizulizi amigizu agiligali ga wavugula, kandi agawahulira nu kwiganira. Navuzwa nuvula kulinda nu kusaala, ndaaza ku ivi kuli umwiivi, na ivi siulamanya ing'inga ya nziza ku ivi mba.