1 Yohana 2:20 - KITABU KITAKATIFU

²⁰ Navuzwa munyi mumali konyoora Roho Mutakatifu watura ku Kristo, na mwosi mumanya agiligali.

1 Yohana 2:20 Iomraidhean Croise

Zaburi 16:10

Kigira ulakinga inzi kutura kuzinguru zie likuza; inzi mali kukutumikira nu vusuuvirifu vwosi, na siulandeka kuva mukihadisi.

Zaburi 23:5

Ivi onomberaa viukulia imbiri wa vasigu vange; umbaki mutwi gwange na amaguta, kisanda change chizuuyi du.

Zaburi 45:7

Ivi uyaanzaa uvulungi, udunyiraa uvuchamu. Kigira yaga, yiki ni kigira Yahova, Nyasaye woovo umali kukotovola. Kandi umali kuzuka uvugasu vunyingi ku ivi kuvita mwami wundi woosi.

Zaburi 71:22

Ndakwizominya ligali nuvukana; O, Nyasaye wange, ndizominya uvusuuvirifu vuvwo. Ndakubira ivi zinyimbu ziu kukwizominya ku lidungu liange. O, ivi Nyasaye Mutakatifu wa Isiraeli.

Zaburi 92:10

Ivi umali kokora inzi kuva nizinguru ligali kuli embogo; umali kuungasiza nuvusangali.

Tsing'ano 28:5

Avandu vadamanu si vamanyi uvulungi mba, navuzwa yavo avasigamiraa Yahova vamanyiriza uvulungi vulahi.

Isaya 43:3

Kigira inzi mbeeye Yahova Nyasaye winyu, Nyasaye Umutakatifu wa Isiraeli ohonyiaa munyi. Ndahaana Egebeti eve kuli mutungu gwo kovoholora munyi. Ndahaana Ezopia na Seba mu vogono vwinyu.

Isaya 61:1

Roho wa Yahova Nyasaye aveeye harara na inzi, kigira umali kondovola kandi kunduma; kwilwaza makuva amalahi go vohonyi ku vadaka, kwahila nokohonyia mioyo jiveeye midedekere, kandi nduuki kulandiza ovovoholore ku avahambe, kandi kulandizira avavofwa vaduuki kovoholorwa.

Jeremia 31:34

Siaveeyeho kali mulala waza wigizi wache kumanya Yahova, kigira vosi valakamanye inze, kutura kumukekeeke kuduuka kumunene. Inzi ndakasamihi vwoni uvwavo kandi sindakizulizi uvudamanu vwavo mba. Inzi, Yahova, mali kovora.”

Kyavalevi 7:35

Yiki nicho kedonye chi chukulia kihanwa ku Yahova chaali chahaanwa ku Haruni harara na vayaayi veve ku lidiku lia vavakwa maguta, vatumikiri Yahova kuli avasaalisi.

Matayo 13:11

Yeso yavativulira, “Munyi muheveywi kumanya agaviswa gu Vwami vwu mwigulu, navuzwa yavo sivaheveeywi ndio mba.

Marko 1:24

“Ukwenya ki, Yeso wa Nazareti? Wenyaa kukudiviza? Inzi ngumanyi vulahi vwene. Ivi oveeye mutumwa mutakatifu wa Nyasaye!”

Luka 4:18

“Roho wu Mwami aveeye ku inzi, kigira umbaki maguta kwilwazira avadaka Makuva Malahi ga Nyasaye. Yaanduma kulandizira avavofa ndi valanyora livoholorwa liavo, avavoku valanyora lilora kandi kovoholora yavo avadambizwa.

Luka 4:34

“Ai! Yeso wa Nazareti! Kigira ki ukwingilira? Uzi kukudiviza? Inzi ngumanyi, ivi oveeye vwaha. Ivi oveeye mutumwa Mutakatifu wa Nyasaye!”

Yohana 14:26

Navuzwa, uyu Mukonyi, Roho Mutakatifu, wa Baba alituma mu lieta liange, alakamwigizi vindu viosi kandi kumwizuliza goosi aga ndamuvolera.

Yohana 16:13

Navuzwa, lwa Roho aliiza, ulivolaa agiligali kigira Nyasaye, alakamwimiliri mu agiligali goosi; sialakamoloma ku vunyali vwivwe mwene, navuzwa alakamuvoolere goosi aga yahulira, kandi alakalandizi havulavu ivindu viliekoleka.

Vikolwa 10:38

Mumanyi Yeso wa Nazareti, na kuli Nyasaye yamutovola ku limuha Roho Mutakatifu ni zinguru. Nyasaye yaali harara naye; yavodong'ana hoosi nakora amalahi no kohonyia vosi avi lidemoni liaali ni liavoha.

Vikolwa 3:14

Navuzwa munyi mwambakana uyu uwaali Mutakatifu kandi mulungi; na mu vogono yivwo mwenya muvoholerwe oyo uwaali mwiti nu mulumindi.

1 Vakorintho 2:15

Mundu oveeye na Roho aveeye ni likalaga lirungi ku vindu viosi, navuzwa oyo mwene sianyala kukalagirwa nu mundu wundi utaveeye na Roho mba.

Vahebraina 1:9

Ivi uyanzaa vulungi na udunyiraa uvudamanu. Yicho nicho kigira Nyasaye, Nyasaye woovo, umali kokotovola nu kukuvaka maguta, kandi umali kuhaana ku ivi uvusangari vwu luyali voveeye vonene kuvita avache vovo.”

Vahebraina 8:11

Sivaligizana mundu sa mulala nuwache mba, anoho mundu sa mulala avolere amwavo weeve, ‘Manyia Mwami.’ Vosi valamanya inzi, kutura ku mukekeeke kuduuka ku munene wa vosi.

1 Yohana 2:27

Navuzwa ku munyi, Kristo yahaana Roho Mutakatifu weve ku munyi. Ku olohono lwa Roho weve azizagiliraa komenya mu munyi, umundu wundi sigamuduukira mundu wundi amwigizi mba. Navuzwa kuli Roho weve amwigizaa vindu viosi, kandi amigizu geege gaveeye agiligali, kandi sigaveeye gu vugadi mba. Ku mulonde aga Roho yamwigiza kandi mumenye muye mu vuhambani na Kristo.

1 Yohana 4:13

Kigira yaga kumanyi ndi komenyi mu Nyasaye, naye amenyaa mu kunyi, kigira umali kukuha Roho weve.

Yudasi 1:5

Kigira kali niiva mwamanya yaga goosi, nyenya kumwizuliza kuli Mwami yahonyia avandu veve Isiraeli avaatura mu kivala cha Egebeti, navuzwa lwa inyima naadiviza yavo avavura kusuuvira.

Likunula 3:7

“Ng'odera engelosi wi likanisa liveeye Filadefia: “Yaga nigo amakuva ga uyu oveeye umutakatifu, nu wi ligali. Aveeye nu lufungu lwali lwa Daudi, kandi cha oyo amali kwigura sihaveeye ho nunyala kuhana mba, gwa mali kuhana sihaveeye ho nu unyala kwigura mba.

Likunula 4:8

Vuli kilala ku velombe viveeye mwoyo vine yivio, chaali ni zimbaha sita, iziali ni ziafuuma mu zimoni; yigulu ni isi wi zimbaha. Mumbasu nuvudiku sivialekela kwimba nivivoola: “Mutakatifu, Mutakatifu, Mutakatifu, ni Mwami Nyasaye Wuvunyali, uwaali ho, oveeye ho, na uzaa.”