1 Yohana 2:19 - KITABU KITAKATIFU

¹⁹ Vaatura kukunyi, navuzwa sivali mu lisanga lietu mba. Valava nivaali mu lisanga lietu ngano vamenya ni kunyi. Navuzwa vaatura ku kunyi ku vaduuki kumanyikana havulavu kuva, vosi sivaveeye kukunyi mba.

1 Yohana 2:19 Iomraidhean Croise

Ayubu 17:9

Navuzwa mundu mulungi sialikigatira muzinzira zizie mba, oyo oveeye mulahi alazizagilira kuva nizinguru.

Zaburi 37:28

Yahova ayaanza likalaga lirungi kandi sialekaa avasuuvirifu veve mba. Alavalinda mihiga ni mihiga. Navuzwa avandu vadamanu alavatuliza mu kivala cha avasuuvirifu.

Zaburi 41:9

Kali mulina wange mulahi ligali, uyu wandasuuvira kuvita vosi, uyu usangaa chukulia ninzi, umali kungirung'ana ugingi iliichi lilie ku inzi.

Matayo 24:24

Kigira valatulira mesia vovovehi, na vaporofeti vovovehi. Valakola ivilolekizu vinene vaduuki kugaada kali avatovole va Nyasaye, niganyalika.

Marko 13:22

Kigira avamesia na vaporofeti vovovehi valatura nokokola ivilolekizu harara na agokogenyia, vaduuki kogotiza avatovole va Nyasaye, niiva ganyalika.

Luka 8:13

Uvuguza vwagwa ku marova guuku lwanda ni yavo avavuguraa likuva nuvuyanzi. Navuzwa sivaveeye nimiri mba; vasuuvira vuzwa ku ing'inga ngekeeke, navuzwa lwi ing'inga ya magerizu iduuka, vaatura ku lisuuvira.

Yohana 15:2

Vuli lusia oloveeye ku inzi ulutamaa makuyu alalotema, kandi vuli lusia lwamaa makuyu, alaluhalulira kunangwa ludase kwama amakuyu manyingi ligali.

Yohana 4:14

Navuzwa ku woosi unwa ku amazi ga mbana, sialava nuvuluhu kandi mba. Ligali amazi ga ndimuha galava muye kidaho cha amazi gi livamwoyo agasinukaa kumuha livamwoyo litahera mba.”

Vikolwa 15:24

Kunyi kuhuliyi ndi avandu vandi kutura mu muganda gwitu vamunyangiza na makuva gaavo, nivamuhendiza mioyo jinyu. Navuzwa vakora ndio vugira munwa kutura ku kunyi.

Vikolwa 20:30

Kali mu munyi valatura mu avandu, avavoora amakuva go vovehi, vaduuki kogotiza avandu nu kuvang'usa vavalonde.

Varumi 9:6

Simbolaa ndi lisuuvirizwa lia Nyasaye liavula kuduukizwa mba; kigira sivaveeye vandu va Isiraeli vosi avaveeye avandu vatovole va Nyasaye mba.

1 Vakorintho 11:19

Mu giligali, gaduukanaa liavukana live hagati hinyu kunangwa yavo avaveeye vasuuvirifu ku Nyasaye vaduuki kumanyikana havulavu.

Kwidzulitsa 13:13

ndi avandu valala vadamanu vi ihiiri yinyu vamali kuhila halovega avandu vi lidaala liavo kusigamira avanyasaye va mwavura kusigamira maziambiri.

Vahebraina 10:39

Kunyi sikoveeye avandu viranaa inyima kuduuka mulidiva mba; navuzwa koveeye ku yavo avaveeye ni lisuuvira kandi vahonywa.

2 Yohana 1:7

Avagaadi vanyingi vamali kulanda mu lirova, liosi na avandu yava nivo avavura kwiyama ndi Yeso Kristo yaazaa mu liiva liu umundu. Umundu kuli uyu aveeye umugadi kandi umusigu wa Kristo.

Yudasi 1:1

Inzi Yuda, mutumikiri wa Yeso Kristo, kandi amwavo Yakobo Ng'oderaa munyi avalangwa na Nyasaye, avamenyaa mu vuyanzi vwa Nyasaye Baba, kandi mu likingwa lia Yeso Kristo.

Yudasi 1:19

Yava nivo avandu, valeta iliavukana, avamifwa niliiva liavo liu muviri, avataveeye na Roho.