1 Yohana 2:18 - KITABU KITAKATIFU

¹⁸ Avana vange, ing'inga ye keheri eveeye himbi; kandi kuli mwahulira umusigu wa Kristo yaazaa; kali kalunu avasigu va Kristo avanyingi vamali kololeka, ku yaga kumanya ni ing'inga ye keheri eveeye himbi.

1 Yohana 2:18 Iomraidhean Croise

Matayo 24:11

Avaporofeti vovovehi avanyingi valaza na valagotiza avandu vanyingi.

Matayo 24:24

Kigira valatulira mesia vovovehi, na vaporofeti vovovehi. Valakola ivilolekizu vinene vaduuki kugaada kali avatovole va Nyasaye, niganyalika.

Matayo 24:5

Kigira avanyingi valaza ni vatumikira ilieta liange ni vavoola, ‘Inzi niyie Mesia!’ Navo valagotiza avandu vanyingi.

Marko 13:6

Avandu avanyingi valaza mu lieta liange nivavoora, ‘Inzi niye,’ na valagotiza vandu vanyingi.

Yohana 21:5

Maku, Yeso yavateva, “Avana, mukagumiyi ku zisuzi ziosi naho?” Vaamutivulira, “Awa.”

Varumi 13:11

Kuduuka mukore ndio, kigira mu manya ndi ing'inga imali kuduuka ya munyi muvuuka mu zindoolo zienyu. Ovohonyi vwitu voveeye ahimbi ligali ku kunyi kuvita lwa kwatanga kusuuvira.

Varumi 13:12

Uvudiku vufezaa ligali, nu muvasu goveeye ahimbi. Kunangwa leki kuviiki ihale vikolwa vie kisundi, na kuvuguli viuma viu kulwaana mu vulavu.

Vahebraina 1:2

Navuzwa mu madiku gu kumaliriza yaga umali kovolerana ni kunyi kuvitira mu Mwana weve wayatovola kuva mwene vindu viosi mu limalirika, kandi kuvitira muye yalomba ligulu ni lirova.

1 Petro 1:20

Yatovolwa na Nyasaye ing'inga yi lirova liali ni likikiri kolombwa kandi yalolekizwa mu madiku gukumaliriza yaga kigira munyi.

1 Petro 1:5

Vugasu yivu voveeye ku munyi, avakingwa ni zinguru zia Nyasaye kuvitira mu lisuuvira kigira vohonyi vwetekekiziywi kololekizwa mu ing'inga ye keheri.

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

2 Petro 2:1

Kuli vaporofeti vu vugadi vanyooleka hagati ha vandu mu madiku yago, kandi munzira ndala nzere avigizi vu vugadi valanyooleka mumunyi. Valaleta mu vuvisi amigizu go vovehi kandi gukudiviza na valambakana Umwami wavahonyia, na ndio valeletera aveene lidiviza lia vwangu.

2 Petro 3:3

Kindu chu kutanga, gamudukira mumanye ndi mu madiku ge keheri yaga, vandu valala valaloleka kuva vilivamwoyo liavo iliamiifwi ni likayirwa lie miviri jiavo valakamunyage kandi

1 Yohana 2:22

Nivwaha oveeye mugaadi? Ni uyu wambakanaa ndi Yeso aveeye Mesia, umundu kuli uyu aveeye umusigu wa Kristo. Yambakana Baba kandi Mwana.

1 Yohana 4:1

Avalina avayaanze vange, mutasuuvira avandu vosi avevoora avaveeye na Roho, navuzwa muhenzerizi kandi mulole niiva mundu oyo yimilirwa na Roho wa Nyasaye. Yiki ni kigira avaporofeti vovovehi vanyingi vamali kuzia mu kivala choosi.

1 Yohana 4:3

Navuzwa mundu woosi uvula kwiyama Yeso, siaveeye na Roho wa Nyasaye mba. Yigwo ni roho gwu musigu wa Kristo, gwa mwahulira guzaa; kali kalunu goveeye mu kivala.

2 Yohana 1:7

Avagaadi vanyingi vamali kulanda mu lirova, liosi na avandu yava nivo avavura kwiyama ndi Yeso Kristo yaazaa mu liiva liu umundu. Umundu kuli uyu aveeye umugadi kandi umusigu wa Kristo.

Yudasi 1:18

Vamuvolera, “Lwi zing'inga zie ekeheri ziduuka, avandu valakaze avalimukolera kehenyahenye avandu valonda ilikayirwa liavo lidamanu ilitaveeye liu uvunyasaye.”