1 Yohana 2:16 - KITABU KITAKATIFU

¹⁶ Vindu viosi viveeye vielirova, viveeye liiva liu muviri likayirwa ne zimoni kandi liegingira lie livamwoyo sivitulaa ku Baba mba navuzwa viveeye vie lirova.

1 Yohana 2:16 Iomraidhean Croise

Litanga 3:6

Kunangwa lwu mukali yalora ndi makuyu gu musaala yigu gaali amalahi gu kulia, kandi gaali gwu kumuyanziza, kandi musaala gwaali gwokokola mundu kuva mugeri, yavugula ku makuyu gu musaala yigu ma nalia. Kandi yavugula makuyu gandi naha musaza weve, kandi naye nalia.

Litanga 6:2

Vilala ku virombe viu mwigulu vialola ndi avakaana yavo vaali valahi viligondo lilahi ligali, kunangwa vaavugura yavo avavayaanzaa.

Ayubu 31:1

Inzi mali kolomba lilagana ndi, sindaheenza mukaana nu kumwegomba mba.

Zaburi 73:6

Ku lwa yago, vaveeye niliegingira kandi luyaayi lwavo loveeye kuli amadongolo mu magoti gaavo, kandi vaveeye ni liegingira lie kirage kuli iganza.

Zaburi 78:18

Vasavira ligali kogeriza Nyasaye mu mioyo jaavo, ku liteeva vahevwe viukulia kuzinguru via vakayirwa kulia.

Zaburi 78:30

Navuzwa lwa vaali nivakikiri kwigutiza lienya liavo, kandi nivakilia inyama zana,

Tsing'ano 27:20

Liegomba liu mundu liveeye kuli kivala cha vakuzu; liegomba si liheraa mba.

Tsing'ano 6:25

Utakayirwa uvulahi vwavo mba, kandi utavugilira vakusimi ni zimoni ziavo mba.

Danyeli 4:30

yavoola, “Henza kuli Babiloni eveeye enene! Ndajumbaka kuli lidaala linene kumanyia zinguru nu vunyali vwange, kandi vukumi harara nu vwami vwange.”

Livalidza 11:34

Kulwayago, havundu yaaha halangwa lieta “Kibirozi Hataava”, kigira vaayaviraho miviri ja vandu avaari ni likayirwa lie zinyama.

Livalidza 11:4

Vaaliho avageni vandi kologendo harara na vandu va Isiraeli. Vaali ni liegomba linene kulia inyama; kali avandu va Isiraeli vene vatanga kwililira nivavoora: “O, kwakaveeye ninyama kwalia!

Matayo 4:8

Setani yamuhira ku kiguru kitambi ligali naamumanyia uvwami vwosi vwi lirova harara nu vukumi vwali.

Matayo 5:28

Navuzwa inzi muvooleraa, mundu woosi ohenza mukali ma amukayirwi, amali koheya naye mu mwoyo gwigwe.

Luka 4:5

Setani yamuhira igulu ku kiguru kitambi ligali na mumanyia vwami vwosi vwilirova ku ing'inga engekeeke. Setani yamuvolera,

Varumi 13:14

Navuzwa muvuguli viugi viu Mwami Yeso Kristo, kandi muleke kuganaganyia iliiva lienyu liu vwoni liukwigutiza likayirwa liavwo.

1 Vakorintho 10:6

Yaga goosi gaveeye ekelolero ku kunyi kukwiganihiza kunangwa kuvuli kwegomba kokora uvudamanu kuli yavo vaakora,

Vagalatia 5:17

Kigira vindu vie liiva liu muviri gwu uvwoni gwenyaa vihing'anaa ni via Roho yenya, kandi via Roho yenya vihing'anaa na iviumuviri gwenyaa. Kigira yivi viviri viveeye uvusigu ku iviene ku viene; agaveeye kovora, simunyala kokora via munyi mwenya kokora mba.

Vagalatia 5:24

Yavo avaveeye ava Kristo Yeso vamali kuvamba muviri harara ni liegomba lidamanu liagwo likayirwa liagwo.

Vafeso 2:3

Mu agiligali Kunyi kwosi kwaali kuli yavo. Kandi Kwamenya kolondekana nilikayirwa lidamanu lie miviri jietu, nikokola choosi ichayaanziza lienya liu miviri kandi zing'anagani zietu aveene. Mu liiva lietu liu muviri, kunyi kuli avandu vandi, kwadukana konyoole vusaliri vwu vutima vwa Nyasaye.

Tito 2:12

Izimbavasi yizio ziegizaa kunyi kuduuki koleka liiva liu uvudamanu nilikayirwa lie vindu vie lirova; kandi komenye liiva liu kwilinda aveene, liuvulungi kandi liuvunyasaye mu lirova yili,

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

Yakobo 3:15

Ovogeri kuli yivu si vuturaa mwigulu mba. Voveeye vwu mu lirova, uvutaveeye vwa Roho, kandi vwamademoni.

Yakobo 4:16

Navuzwa kalunu mwigingiraa kandi molekonya. Liekonya kuli yili liveeye lidamanu.

Joshua 7:21

Ku vindu via kwalaanya ndaalora likoti lilahi ligali lia Babiloni, ahimbi zikilo ziviri zie ifeza, kandi kedonye chi izahabu chuvulitu uvuvitaa inusu yi kilo. Ndaavikayirwa ligali ma nimbivugula. Ulavinyoola niviayavilwa musi mu lihema liange, ifeza neveeye ku lwaalo.”

1 Petro 1:14

Kuli avana vahuliri, mutavugilira likayirwa lienyu lidamanu lia mwali nalio ing'inga ya mwamenyaa mu vusiru mba.

1 Petro 2:11

Avalina vange avayaanze, ng'oonya munyi kuli avageni kandi avamenya mu kivala yiki, mwiyahuli ku likayirwa liu muviri, ilihing'anaa nu mwoyo vuli Iwosi.

2 Petro 2:10

kandi kuvita ligali, yavo avalondaa likayirwa lio muviri, nukuchaya uvunyali vwa Nyasaye. Avigizi vuvugadi yava vaveeye nu vuluviliri kandi vikirage, na sivamanyia uluyali kuyavo avuvukumi mwigulu mba; navuzwa vavanyegaa.

2 Petro 2:18

Vavoola amakuva gi liegingira ligali kandi agatali ni kivuni, kandi gu vusiru, kandi vatumikira likayirwa liu muviri kotega yavo avirukaa kutura ku yavo avamenyaa mu vugadi.