1 Yohana 2:11 - KITABU KITAKATIFU

¹¹ Navuzwa oyo udunyiraa amwavo weve aveeye mu kisundi; vagenda mukisundi na sivamanyi wa vazizaa mba, kigira kisundi kimali kuvakola vavoku.

1 Yohana 2:11 Iomraidhean Croise

2 Samweli 13:22

Abisolomu siyavoola likuva ku Amunoni lilahi anoho lidamanu mba; Abisolomu yaduunyira Amunoni kigira yonogonyia mbozo weve Tamara.

Tsing'ano 4:19

Inzira ya vachamu, eveeye kisundi kuli vudiku. Vagwiza, navuzwa sivalola ha vikigatiyi mba.

Kohelethu 2:14

Avandu vageri valora wavaziza, na vandu vasiru sivalola wa vazizaa mba.” Navuzwa ndaalora ndi vombi vanyoola vudinyu vulala vwere.

Kyavalevi 19:17

“Mutadunyiri avamwavo vinyu mumwoyo mba, navuzwa mugaye havulavu kunangwa muvuli kokora uvwoni kigira oyo.

Yohana 12:35

Yeso yavavolera, “Uvulavu vukikiri ni munyi ku ing'inga engekeeke. Gendi lwa mukikiri mu vulavu yivu kunangwa; kisundi kivuli kumunyoola, kigira ogendaa mu kisundi siamanyi wazizaa mba.

Yohana 12:40

“Nyasaye umali kuvakuliza zimoni ziavo; kandi umali kudinyia mioyo jaavo gase valalola ni zimoni ziavo kandi vamanye ni mioyo jaavo, ma viganire, nainzi nduuki kuvahonyie.”

2 Vakorintho 3:14

Zing'anagani ziavo ziasiluhalizwa ligali; kandi kuduuka kalunu zing'anagani ziavo ziafuumwa ni kitambaya kilala chere lwa vasoma vitabu vie lilagaa likulu. Kitambaya zana yicho kitulizwa ho vuzwa lwu mundu ahambanywa na Kristo.

2 Vakorintho 4:4

Sivasuuvira kigira ziganagani ziavo ziamenya mu kisundi chu munyasaye wi lirova yili. Avakolaa ndio kunangwa vavuli kolola uvulavu vwi Ivangeri yu vukumi vwa Kristo oveeye liiva lie ligali lia Nyasaye.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

2 Petro 1:9

Navuzwa mundu woosi utaveeye ni vindu yivi, alolaa ahimbi kandi aveeye umboku, kandi wiviriyi ndi yaatakaswa uvwoni vwivwe vwa kale.

1 Yohana 1:6

Nikuva ni kovora koveeye ni lisanga naye, na ni kogenda mu kisundi, kugaada kandi si komenyi kolondekana na giligali mba.

1 Yohana 2:10

Oyo ovola aveeye mu vulavu, kandi ndi muvwo sihaveeye ni kindu muye ikinyala kolomba umundu wundi kokora uvwoni mba.

1 Yohana 2:9

Oyo ovola aveeye mu vulavu, kandi adunyiraa amwavo weve, akikiri mu kisundi kali kalunu.

1 Yohana 3:15

Mundu woosi udunyiraa amwavo weve aveeye umurumindi, kandi munyi mumanyi vulahi ndi umurumindi kali mulala siaveeye ni livamwoyo litahera mba.

1 Yohana 4:20

Niiva umundu woosi avoora, “Nyanza Nyasaye,” navuzwa adunyiraa amwavo weve, aveeye mugaadi. Niiva avula kuyaanza amwavo weve wa alolaa, anyala kuyaanza ndi Nyasaye wa atalolaa?

Likunula 3:17

Ivi ovola, ‘Inzi mbeeye umutugi, kandi simbeeye ni lienya kindu.’ Navuzwa siumanyi kuli oveeye novovereri! Oveeye mudaka, umboku, kandi chahonyo!