1 Yohana 1:3 - KITABU KITAKATIFU

³ Kunyi kumwilwaazira cha kwalola kandi cha kwahulira, kunangwa muduuki kuva mu lisanga ni kunyi, kandi lisanga lietu liveeye harara na Baba, nu umwana weve Yeso Kristo.

1 Yohana 1:3 Iomraidhean Croise

Ayubu 13:1

Henza, zimoni ziange ziloli yaga goosi, kandi matu gange gahuliye nu kumanya goosi.

Zaburi 2:7

Mwami avoora, “Ndalandiza aga Yahova Nyasaye Wuvunyali yambolera, ‘Ive oveeye mwana wange muyaayi; kalunu inzi mali kugwa baba woovo.

Zaburi 22:22

Ndavolera avandu vange ivindu via umali kokora; ndakwizominya mu livugana liavo.

Isaya 66:19

kandi valamanya ndi inzi Yahova mbana amageri kuvo. Navuzwa ndahonyia valala nukuvatuma ku zihiiri, ziveeye mu vivala vikagatanaa ni inyanza - Tarishishi, Libia, Lidia kivala keveeye na vasaza vaveeye ni limanya liu kulasa uvuta, Tubali kandi Ivuguriki. Avandu vakikiri kuhulira luyali lwange anoho avakikiri kolola ovonene kandi zinguru ziange, hagati hi zihiiri yizi, valalandiza ovonene vwange.

Livalidza 10:32

Niiva ulazia harara ni kunyi, choosi cha Nyasaye akukolera kilahi, alakokolera ivi kandi.”

Yohana 17:11

Kalunu inzi nziza ku ivi; Simbeeye kandi mu kivala mba, navuzwa yavo vaveeye mu kivala, Baba Mutakatifu! Uvalindi vulahi kunangwa vaduuki kuva kindu kilala kuli kunyi koveeye kindu kilala.

Yohana 17:21

Saalanga vosi vaduuki kuva kindu kilala. Baba! Saalaa vave mu kunyi kuli ivi oveeye mu inzi, nainzi mbeeye mu ivi. Saalaa vave kindu kilala, kunangwa avumukivala vaduuki kusuuvira ivi wanduma.

Yohana 17:25

O, Baba Mutakatifu! Avumukivala si vakumanyi mba, navuzwa inzi ngumanyi. Yava nivo avamanyi ndi ivi wanduma.

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Yohana 19:35

Oyo walola yaga, yalolekiza kugo ndi munyi kandi muduuki kusuuvira. Lilolekiza lia yavoola liveeye lia agiligali, kandi amanya avoora agiligali.

Vikolwa 13:32

Kunyi kandi kuuzi hano kumuletera Ivangeri indahi ya Nyasaye: likuva lia Nyasaye yalaga avaguuga viitu.

Vikolwa 13:41

‘Huliri, munyi avachayi, mugenye ma mudivi! Kigira icha ngolaa kalunu mu madiku ginyu, ni cha munyi mutanyala ligali kusuuvira, kali lwu mundu ava namuvolera.’ ”

Vikolwa 2:42

Yava vosi vamenya harara nivigaa ku avatumwa, komenya harara mu vuhambani mu vusangi, komeganyia mugadi kandi mu lisaala.

Vikolwa 20:27

Sindaleka kali hakuzu kumulandizira makuva gi lienya liosi lia Nyasaye.

Vikolwa 4:20

Kigira kunyi si kunyala koleka kovora amakuva gi vindu via kwalola kandi via kwahulira mba.”

Varumi 15:27

Aveene vamali kotovola kokora ndio; navuzwa kuduuka vavakonye. Avayuda vaasanga navo ivihaanwa viu mu Roho, kunangwa kuduuka vandu vizihiiri navo vatumikiri imiandu jaavo kokoonya Avayuda.

1 Vakorintho 1:30

Nyasaye aveeye uvutangiliru vwi livamwoyo lienyu mu Kristo Yeso; wa yakola kuva ovogeri vwitu, uvulungi vwitu, uvutakase vwitu, kandi ovohonyi vwitu.

1 Vakorintho 1:9

Nyasaye aveeye musuuvirifu, wamulanga muve mu lisanga liu Mwana weve Yeso Kristo, Mwami wiitu.

1 Vakorintho 15:1

Kalunu avaamitu vange, nyenya kumwizuliza ndi Ivangeri ya ndamwilwazira, na munyi nimugivugula kandi niyo yilisuuvira lienyu nilisingira ku vudinyu.

2 Vakorintho 13:14

Zimbavasi ziu Mwami Yeso Kristo, uvuyanzi vwa Nyasaye, lisanga lia Roho Mutakatifu, vive ni munyi mwosi

Vafeso 3:6

Agaviswa gene ni yaga: kuvitira mu Ivangeri ya Nyasaye, vandu vizihiiri vagwiyi avasangi vi miandu harara na Avayuda mu zimbavasi zia Nyasaye; vave muviri mulala na vasaange mu lisuuvirizwa lia Nyasaye yalomba kuvitira mu Kristo Yeso.

Vafilipi 1:7

Gaveeye malungi inzi kuganagana ndio ku munyi mwosi, kigira muveeye mu mwoyo gwange kazozo! Munyi mwosi muveeye avasangi harara ninzi mu zimbavasi zia Nyasaye yahaana ku inzi, lwa mbeeye muvuhambe kalunu, kandi ing'inga ya ndaali umuvoholore kosoola Ivangeri kandi kugidinyiriza ligali.

Vafilipi 2:1

Ilivamwoyo lienyu mu Kristo limukolaa kuva ni zinguru, kandi uvuyanzi vwivwe vumuleminyaa umwoyo. Muveeye ni lisanga harara na Roho kandi muveeye nu mwoyo umulahi kandi muveeye nizimbavasi kandi liverererana vene naveene.

Vafilipi 3:10

Icha inzi nyenya ku viosi ni kumanya Kristo, no kolola izingulu zie ilisimuguka lilie, nduuki kusanga mu uvusaliri vwivwe, nu kuvwa kuli oyo mu likuza lilie,

Vakolosai 1:13

Nyasaye yakohonyia kutura mu Zinguru zie kisundi, nakoleeta mu mirembe mu Vwami vwu Mwana weve umuyanze;

1 Vatesalonike 1:10

kandi kulindilira Mwana weve kutura mwigulu naye ni Yeso, wa yasimugukiza kutura mu vakuzu, ohonyia kunyi kutura mu vutima vwa Nyasaye vuzaa.

Vahebraina 2:12

Avoora ku Nyasaye, “Ndaavolera avamwavo vange icha umali kokora; ndakwizominya mu livugana liavo.”

Vahebraina 3:1

Kunangwa, avaamitu vange vatakatifu, avilisanga mu lilangwa lia Nyasaye, muviiki zing'anagani zienyu ku Yeso, wa Nyasaye yatuma kuva Musaalisi Munene wilisuuvira lia kulandizaa.

Vahebraina 3:14

Kunyi koveeye avasangi harara na Kristo, niiva kulagumila lisuuvira lietu kuduuka kukeheri kuli lia kwaali nalio mulitanga.

1 Petro 5:1

Inzi, oveeye mukulundu wache, mbolera avakulundu vi livugana avaveeye hagati hinyu. Inzi mbeeye umuloli wuvusaliri vwa Kristo, kandi mbeeye umusangi wu vukumi vuliloleka.

2 Petro 1:16

Sikwereda ku livoora lie zing'ano zio vogeri zitaveeye nu vulungi, ing'inga ya kwamumanyia izingulu zie liza liu Mwami wiitu Yeso Kristo mba, navuzwa kwalola moni na moni ovonene vwivwe.

1 Yohana 1:1

Kumung'oderaa munyi kolondekana ni Likuva lie livamwoyo iliali ho kutura mu litanga. Kwalihulira kandi kwalilora kunyi aveene, moni na moni; Yee, kwalilola kandi kwagumira kulio na amakono giitu.

1 Yohana 1:5

Yili nilio likuva lia kwahulira kutura ku Yeso Kristo, na nigo gakumwilwaziraa, Nyasaye aveeye uvulavu, kandi muye sihaveeye ni kisundi mba.

1 Yohana 1:7

Navuzwa ni kogenda mu vulavu kuli mwene aveeye mu uvulavu, kunyi koveeye ni lisanga aveene na aveene; kandi amasahi ga Yeso Kristo mwana weve gakwogizaa uvwoni vwosi.