1 Yohana 1:2 - KITABU KITAKATIFU

² Lwi livamwoyo yili lialoleka, kwalilora kandi kwalilolekiza, kandi kumwilwazira kandi kwuvoolere livamwoyo litahera mba, iliali na Baba, kandi lialolekizwa ku kunyi.

1 Yohana 1:2 Iomraidhean Croise

Yohana 1:18

Siaveeyeho nu mundu kali mulala uwalola Nyasaye mba. Mwana muderwa wa Nyasaye yeng'ine, oveeye ku kiritu cha Baba, umali kumuvuura.

Yohana 1:4

Likuva liali uvutangiliru vwi livamwoyo. Livamwoyo yili lialeta ku avandu.

Yohana 10:28

Inzi ngahezaa livamwoyo litahera mba, na sigalidiva kali hakuzu mba. Avula ho mundu unyala kunyaga kutura mu makono gange.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yohana 15:27

Na munyi, kandi, mulakave valolekizi vange kigira inzi, kigira mwali harara nainzi kutura mulitanga.

Yohana 16:28

inzi ndaatula ku Baba, kandi mali kuuza mu kivala; kandi kalunu ndekaa kivala kandi nziza ku Baba.”

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Yohana 17:5

Baba! Ombe vukumi imbiri woovo kalunu, vukumi vulala vwene vwa ndaali navwo harara niivi lirova nilikikiri kolombwa.

Yohana 19:35

Oyo walola yaga, yalolekiza kugo ndi munyi kandi muduuki kusuuvira. Lilolekiza lia yavoola liveeye lia agiligali, kandi amanya avoora agiligali.

Yohana 21:14

Yilu lwali lwa kavaga Yeso kololeka ku aviigi veve inyima wukusimuguka kutura mu vakuzu.

Yohana 3:13

Siaveeyeho nu mundu uwaazia kuduuka mwigulu, natali Mwana wa Adamu uwiika kutura mwigulu.”

Yohana 7:29

navuzwa inzi mumanyi vulahi kigira ndaatula kuye, naye niyie uwanduma.”

Yohana 8:38

Inzi mboraa aga Baba amali kumanyia, navuzwa munyi mukoraa aga vaguuga vinyu vamuvolera.”

Vikolwa 1:22

Gamudukira ave uwahambana ni kunyi kutura ing'inga ya Yohana yabatizanga avandu kuduuka lidiku lia Yeso yavugurwa kutura ku kunyi kuzia mwigulu. Kuduuka ahambane ni kunyi, ave mulolekizi wi lisimuguka liu Mwami Yeso.”

Vikolwa 10:41

Navuzwa si yamulolekiza ku avandu vosi, navuzwa ku yavo ava Nyasaye yamala kotovola vave avalolekizi veve; navo ni kunyi va kwalia nu kunwa naye inyima wi lisimuguka lilie kutura mu vakuzu.

Vikolwa 2:32

Nyasaye umali kusimugukiza Yeso uyu kutura mu likuza, na kunyi kwosi koveeye avalolekizi ku likuva yili.

Vikolwa 3:15

Munyi mwita oyo oveeye uvutangiliru vwi livamwoyo. Navuzwa Nyasaye yamusimugukiza kutura mu likuza, nakunyi koveeye avalolekizi ku yaga.

Vikolwa 5:32

Kunyi harara na Roho Mutakatifu, koveeye avaloli ku vindu yivi oveeye kihanwa cha Nyasaye ku avandu vamuhuliraa.”

Varumi 8:3

Nyasaye umali kokora agi Lilaga liali livuli kokora kigira ovodedekere vwi liiva liu muviri. Yakalagira uvwoni voveeye mu mundu kulwu kutuma Mwana weve mwene, waza mu liiva liu mundu mwoni kuli kihanwa chu vwoni.

Vagalatia 4:4

Navuzwa lwa ing'inga indahi yaduuka, Nyasaye yatuma Mwana weve. Yaza kuli mwana wivulwa nu mukali, kandi namenya hasi hi Lilaga lia Avayuda,

Tito 1:2

Agiligali yaga gaveeye ku musingi gwi lisuuvirizwa lie livamwoyo litahera mba. Nyasaye utanyala koveha yakusuuviriza livamwoyo yilio mihiga minyingi ijavita,

1 Petro 5:1

Inzi, oveeye mukulundu wache, mbolera avakulundu vi livugana avaveeye hagati hinyu. Inzi mbeeye umuloli wuvusaliri vwa Kristo, kandi mbeeye umusangi wu vukumi vuliloleka.

1 Yohana 1:1

Kumung'oderaa munyi kolondekana ni Likuva lie livamwoyo iliali ho kutura mu litanga. Kwalihulira kandi kwalilora kunyi aveene, moni na moni; Yee, kwalilola kandi kwagumira kulio na amakono giitu.

1 Yohana 2:25

Yaga nigo ga Kristo yakusuuviriza alakuha, nalio ni, “Livamwoyo litahera mba.”

1 Yohana 3:5

Mwamanya Kristo yaloleka aduuki kutulizaho uvwoni vwitu; kandi uvwoni sivoveeye muye mba.

1 Yohana 3:8

Navuzwa uzizagilira kokora uvwoni aveeye wa Setani, kigira Setani yamalakokola uvwoni kutura mu litanga liene. Kivuni chagira umwana wa Nyasaye niyazaa mu lirova, keveeye ndi aduuki kudiviza miyinzi ja Setani.

1 Yohana 4:14

Kunyi kumali kolola kandi kololekiza ndi, Baba yatuma umwana weve ave Muhonyi wa avumukivala.

1 Yohana 4:2

Mulamanya niiva ni Roho wa Nyasaye kuli ndi: umundu woosi wiyama Yeso Kristo yaza kuli mundu, umundu oyo aveeye na Roho wa Nyasaye.

1 Yohana 5:11

Lilolekiza ni yili: Nyasaye umali kukuha livamwoyo litahera mba, na livamwoyo yili liveeye nu vutangiliru vwalio mu mwana weve.

1 Yohana 5:13

Inzi ng'oderaa munyi vindu yivi, kunangwa muduuki kumanya muveeye ni livamwoyo litahera mba, munyi avasuuviraa mu mwana wa Nyasaye.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.