1 Samweli 9:7 - KITABU KITAKATIFU

⁷ Saolo yavoola, “Niiva kuzia kuye, kulamuha ki? Chukulia sikitigaye ku mumisigo jietu mba, kandi sikoveeye ku ni kindu cha kunyala kumuha mba. Ukaveeye ku naki?”

1 Samweli 9:7 Iomraidhean Croise

1 Avami 13:7

Maku mwami yavolera muporofeti oyo, “Hamba yengo niinzi na uduuki kulia kindu; na inzi ndakuha kihanwa.”

1 Avami 14:3

Muhiliri milaango likomi ji migadi, zikeki, kandi ijuba yu vwuki. Muteeve ikizizaa kwekoleka ku muyaayi wiitu naye alakovolera.”

2 Avami 4:42

Ing'inga yindi, mundu musaza yaza kutura Baali Shalisha naletera Elisha milaango sirini ji migadi ijalombwa kutura ku ligesa liu kutanga lie ingano muhiga yigwo; ni viangala viivisi vie ingano mu ligunia lilie. Elisha yavolera mutumikiri weve, alihize muganda gwa vaporofeti ni viukulia yivio.

2 Avami 5:15

Naamani na vandu veve vosi virana ku muporofeti Elisha. Yavoola, “Kalunu ndakamanya ndi sihali ho na nyasaye wundi navuzwa Nyasaye wa Isiraeli yeng'ine. Kunangwa, mwaza, yaanza vugilira kihanwa chu kuyanziza kutura ku inzi mutumikiri woovo.”

2 Avami 5:5

Mwami wa Siria yavoola, “Zia ku mwami wa Isiraeli na umuhiliri ibarwa yiyi.” Kunangwa Naamani yazia, navugura zielefu salasini zie vidonye viefeza, zielefu sita zie izahabu kandi zinguvu likomi zinzesereru zie lisavo.

2 Avami 8:8

yavolera Hazaeli uwaali mulala ku vanene veve, “Vugula kihanwa uhiliri umuporofeti, umuvolere ateeve Yahova kumanya niiva ndahona anoho mba.”

2 Avami 8:9

Kunangwa Hazaeli yadwiika zing'amia arubaini misigo ji zing'ano ziosi zie vindu vilahi ligali ivialombwa kutura Damasiko ma Lwa Hazaeli yagana naye, yavoola, “Mutumikiri woovo, mwami Benihadadi umali kutuma inzi ngoteeve niiva alahona kutura mu vulwaye vwivwe anoho mba.”

Ezekieli 13:19

Munyi mwavura kuhaana luyali ku inzi imbiri wa vandu vange kunangwa muduuki konyoora uvuswage vokekeeke kandi migadi mikekeeke. Mwita vandu vataduukanaa kwitwa kandi muhonyia vandu vataduukanaa vavuli kuva mwoyo. Kunangwa muvooraa makuva gu vugadi ku vandu vange, kandi vamusuuvira.”

Vakalagi 6:18

Mwaza utatula hano mba, Inzi ngogonya, kuduuka lwangoletela ikihaanwa che chukulia.” Yahova yativura namuvolera, “Ndalinda kuduuka lwavirana.”