1 Samweli 9:20 - KITABU KITAKATIFU

²⁰ Amakuva kigira zibunda ziagota madiku gavaga gaaviti, mutazihenderi mwoyo mba, zimali konyoleka. Navuzwa nivwaha wa vandu va Isiraeli venya nu mwoyo gwosi? Ni ivi harara na avinyumba ya baba woovo.”

1 Samweli 9:20 Iomraidhean Croise

1 Kyetsinyinga 29:3

Kuvita yaga goosi, Inzi mali kuhaana livikiru liange mwene lie zahabu ni feza ku Litembeli kigira vuyanzi vwange kwetegekera liumbaka lie Litembeli lia Yahova Nyasaye wange.

Zaburi 62:10

Mutaviika lisuuvira lienyu litumikira lidambiza; mu lienyolera uvutugi mu vugadi mutasuuvira mu lienyolera vindu ku linuura. Kali niiva uvutugi vuvwo vomedeka, uteeleda kuvwo mba.

Vakolosai 3:2

Muviiki zing'anagani zienyu ligali ku vindu viveeye igulu, mutaganagana vindu via hasi mba.

1 Samweli 10:16

Saolo yativura, “Akovooleeye ndi zibunda zinyoleki.” Navuzwa Saolo siyamuvolera aga Samweli yaali namuvooleye ku liigwa mwami lilie mba.

1 Samweli 12:13

“Kalunu mwami wa mwatovora aveeye hano; niyie wa mwateeva muhevwe, na kalunu Yahova umali kumuhaana ku munyi.

1 Samweli 12:15

Navuzwa niiva muvura kuhuliriza Yahova nukuvula kutia malago geege hene yaho Yahova alamwikiruka munyi kandi mwami winyu.

1 Samweli 4:20

Lwa yaali nakinda, avakali vamukonyanga kwivura vamuvolera, “Lema mwoyo! Onyooye mwana muyaayi!” Navuzwa siyativula kindu anoho kovora kindu.

1 Samweli 8:19

Navuzwa vandu yavo vasuura kuhulira Samweli. Vavoola, “Awa! Kwenyaa umwami,

1 Samweli 8:5

kandi vamuvolera, “Henza, ivi usakulaa na vayaayi vovo sivalonda liiva liilio mba. Kunangwa tovola umwami akwamihi kove nu mwami kuli zihiiri zindi.”

1 Samweli 9:19

Samweli yativura, “Inzi mbeeye muloli. Yimira imbiri wange kuzia havundu hukusigamira, mwombi mulalia na inzi kalunu. Mugamba zuri ndamutivulira mateeva ginyu goosi, ma naamuleke muzizagiliri nologendo lwinyu.

1 Samweli 9:3

Zibunda zindala zia Kishi ziali nizigoti, kunangwa yavolera Saolo, “Vugula mulala ku vatumikiri na uzie kwenya zibunda yizio.”