1 Samweli 7:9 - KITABU KITAKATIFU

⁹ Samweli yita kememe chiligondi ma naakisaamba kigima kuli kisiuviriru ku Yahova. Maku yasaala ku Yahova akoonye Isiraeli, kandi Yahova yamutivulira lisaala lilie.

1 Samweli 7:9 Iomraidhean Croise

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Zaburi 99:6

Musa na Haruni vaali vasaalisi veve; kandi Samweli yaali mulala ku avasaalaa kuye. Vanira ku Yahova naye yavativulira.

Jeremia 15:1

Maku Yahova yambolera, “Kali niiva Musa na Samweli vakasingiyi hano nokogoonya inzi, sindakamanyi avandu yava livererera liange mba. Vakole vazie ihale; vakole vatuli imbiri wange.

Kyavalevi 22:27

“Kemoli anoho kememe chi ligondo, anoho kememe chi imburi, kilava harara ninyia ku madiku saba. Navuzwa lwinyima kinyala kuvugilirwa kuli kihanwa chu kusambwa ku Yahova.

Kwidzulitsa 9:26

Kandi ndasaara ku Yahova, ‘O, Yahova Nyasaye Wuvunyali, utadiviza avandu voovo mba, avandu vawahonyia kandi nuvaleeta kutura Egebeti ku vonene vuvwo kandi ku zinguru zizio zinene.

Yakobo 5:16

Kunangwa, mwiyamirane uvwoni vwinyu aveene naveene kandi musaalirane aveene naveene, ku muduuki kohonywa. Lisaala liu umundu umulungi likonya ligali mu likora lie zinguru lialio.

Vakalagi 6:26

na wumbakiri Yahova Nyasaye woovo uvwali ku lwanda yilu mu lilohiza lilahi lia magina; na ulavugula ijiriki yakaviri nukugihaana kuli kihanwa chukusambwa; nizingu ziukusambira zilatula ku misaala ja otemagi jiumunyasaye ulangwa Ashera.”

Vakalagi 6:28

Avandu vilidaala vavuuka mugamba mumavwevwe nivanyoora uvwali vwa Baali harara ni vifananyi cha Ashera, viombi vivunagiywi, ni ijiriki ya kaviri imali kusaambirwa ku vwali vuhia uvwumbakiywi.

1 Samweli 10:8

Ulimila imbiri wange kuzia mu lidaala lia Giligali, uwa na kwaganili yo niivi, kandi nduuki kuhaana vihaanwa viukusambwa kandi vie mirembe ulalinda yo ku madiku saba kuduuka lwa nziza ku ivi kandi na ngovolere cha okola.”

1 Samweli 12:17

Eveeye ing'inga ye kemeyu? Navuzwa ndasaara, na Yahova aleetaa inguba ni imbura. Lwayaga gakolekaa, mulamanya ndi mwamala kokora uvwoni vonene ligali ku Yahova lwa mwamuteeva amuhe mwami.”

1 Samweli 16:2

Samweli yateeva, “Nyara ndi kokora ndio? Niiva Saolo alahulira amakuva yaga, alaanzita!” Yahova yativura, “Vugula kemoli uzie nacho ma ovoole ndi uziiyi yo kuhaana kisiuviriru ku Yahova.

1 Samweli 2:35

Ndatovora musaalisi uliva musuuvirifu ku inzi. Kandi akole kindu choosi icha nyenya akole. Ndamuha visukululwi, avalitumika kazozo imbiri wu mwami wange mutovole.

1 Samweli 7:17

Maku yiranaa yengo weve mu lidaala lia Rama, uwa yatumika kuli mukalagi. Mu Rama, yumbakira Yahova uvwali.

1 Samweli 9:12

Avakaana yavo vaativura, “Yee, aveeye mu. Aveeye vuzwa imbiri winyu. Nimugenda vwangu, mulamunyoola, umali kuuza vuzwa lwene yilu mu lidaala lietu kigira vandu vazizaa kuhaana kisiuviriru ku vwali lero ndi.