1 Samweli 6:5 - KITABU KITAKATIFU

⁵ Kuduuka mulombe vifananyi via miihi ginyu kandi vivundu viononyiaa kivala chienyu, kandi kuduuka muhaane luyali ku Nyasaye wa Isiraeli. Hawundi alalekera kuha munyi amageri, avanyasaye vinyu ni kivala chiinyu.

1 Samweli 6:5 Iomraidhean Croise

1 Kyetsinyinga 16:28

Mwizominye Yahova, avandu vosi ku lirova, mwizominye vukumi vwi zinguru zizie.

1 Kyetsinyinga 16:29

Mwizominye Lieta lia Yahova lio vukumi; muleete vihaanwa kandi muuzi mu Litembeli lilie. Musigamiri Yahova nu vukumi vwu vutakatifu vwivwe.

Zaburi 18:44

Lwa Avageni viinama imbiri wange; lwa vahuliraa agambooraa, vegehiza.

Zaburi 32:4

Yahova, ivi wahaana amageri ku inzi umbasu nu vudiku vwosi zinguru ziange ziafwa ligali, kuli mbasu mululu gukaminyaa amazi.

Zaburi 39:10

Utahaana amageri ku inzi kandi mba, kigira mbeeye ahimbi kukuza kuturana na amageri ga ombezaa.

Zaburi 66:3

Mu voole ku Nyasaye; “Vindu via okolaa viveeye viokogenyia! Zinguru zizio ziveeye zinene ligali! Kali avasigu vovo vinamaa imbiri woovo mu vuti.

Kutwula 12:12

“Vudiku yivwo ndavitira mukivala cha Egebeti, nukwita kindu kisaza choosi chukutanga mu liivulwa, ku vandu kandi ku mitugu, nukuhaana mageri ku vanyasaye va Egebeti. Inzi mbeeye Yahova.

Kutwula 8:17

Haruni yakuya ku marova nimbimbu yeeye, nu uluguuki lwosi mu Egebeti lwayagirung'ana nilugwa zinda, niziizula ku avandu kandi ku mitugu.

Kutwula 8:24

Yahova yatuma kiduma kenene chi ziinji munyumba yu vwami kandi mu zinyumba zia vatumikiri veve. Kivala choosi cha Egebeti chononywa ni ziinji.

Kutwula 8:5

Yahova yavolera Musa, “Volera Haruni anyiiri imbimbu yeeye agesone kumigera, muvisinukiru, nukumadavalia, akole amakere gasinuki igulu ma giizuri nukukunika kivala choosi cha Egebeti.”

Isaya 19:1

Yili ni likuva kigira avandu va Egebeti. Yahova yaazaa mu Egebeti, naniini ku lilesi ligendaa vwangu. Vifananyi via vandu va Egebeti vasigamira, videgera imbiri weve, na avandu va Egebeti valakuza mioyo jaavo.

Isaya 42:12

Avandu vosi avamenyi mu visulu vimbi lwimbu lwu kwizominya kandi kuhaana uvukumi ku Yahova!

Jeremia 13:16

Uhaane luyali ku Yahova, Nyasaye winyu, nakikiri koleta kisundi, kandi nukikiri kwisigatira ku vigulu; nakikiri kugirung'anyia uvulavu vwa wasuuviramu kugwa kisundi kenene.

Jeremia 3:13

Mwiyame muveeye namahiolo kandi mwayibaala ku inzi Yahova Nyasaye winyu. Mwiyame ndi hasi himisaala jia amatu mavisi mwayanza avanyasaye vageni kandi simwatia malago gange mba. Inzi Yahova mali kovora.

Joeli 2:25

Ndamwiranyira via mwagotiza ku mihiga je kiduma chi zisigi lwa zialia vitagwa vienyu. Yaali inzi uwatuma amahi gu vulwani kumwingilira.

Jona 3:9

Hawundi Nyasaye alagirung'anyia zing'anagani zizie. Hawundi alalekela uvutima, na kunyi kulavula kukuza!”

Malaki 2:2

Gamudukira muhaane luyali ku Inzi ku gamukolaa. Niiva si mulahulira gambolaa, maku ndakaleete kilaamo ku munyi. Ndakaviiki kilaamo ku vindu viovokonyi via munyoora, kalindio, inzi mali kuviika kilaamo ku munyi kigira simuvugulaa malago gange ni zinguru mba.

Livalidza 33:4

Ing'inga yiyi vandu va Egebeti vaali ni vayavira vana vaavo avayaayi vukutanga va Yahova yaali namali kwita. Yahova yakola yaga kumanyia ndi aveeye ni zinguru kuvita vanyasaye va Egebeti.

Yohana 9:24

Kunangwa, valanga mundu waali mboku oyo haali kaviri nivavoora, “Ohe Nyasaye uvukumi. Kunyi kumanyi mundu okohonyi uyu aveeye mwoni.”

Joshua 7:19

Joshua yamuvolera, “Mwana wange, mbolera agiligali, hano imbiri wa Yahova, Nyasaye wa Isiraeli, kandi wiganiri. Mbolera kalunu icha umali kokora. Utageriza kukivisa kutura ku inzi mba.”

Likunula 11:13

Ku ing'inga yene yeyo, liali ho ni lidegera linene ligali lie lirova. Ikidieli kilala ku likomi chi lidaala chaagwa hasi, kandi avandu 7,000 viitwa ni lidegera lie lirova yilio. Avandu vatigara, vaali nu vuti ovonene ligali; kandi vakuminya Nyasaye wu mwigulu.

Likunula 14:7

Yavoola kandi nu mwoyo umunene, “Muhe Nyasaye luyali kandi mumukuminyi, kigira ing'inga yi likalaga lilie imali kuduuka. Musigamiri uyu walomba ligulu, lirova, inyanza, ni ivisinukiru via amazi.”

Likunula 16:9

Avandu vasaambwa ligali nu kuhaka. Vaanyega lieta lia Nyasaye oveeye ni izingulu ku amaduywa yaga. Navuzwa vasuura kwiganira no koleka vwoni vwavo, nu kuha Nyasaye ilizominywa.

1 Samweli 5:11

Kunangwa vatumana avami va Filisitia nivavoora, “Yiiranyi Lisandugu lie Lilagana lia Nyasaye wa Isiraeli mu lidaala lialio liene, kunangwa livuli kukwita harara na vizinyumba viitu.” Haali ni lidegera mu lidaala linene liosi kigira Nyasaye yaali navaheezaa amageri malulu ligali.

1 Samweli 5:9

Navuzwa lwa liali niliakaduuka ho, Yahova yahaana mageri ku lidaala linene yilio kandi nalikora live nuvuti vonene ligali. Yavaha mageri na miihi agaalia vandu vosi avang'erere na vakulundu.

1 Samweli 6:8

Vuguli Lisandugu lie Lilagana lia Yahova, muliviiki ku ligare kandi muviiki akasandugu kunyasi kwalio aki vifananyi viezahabu via amiihi nivivudu viveeye mu, ivia mutumaa kuye kuli kihanwa chukutungira uvwoni vwinyu. Sugumi ligare zana litange kogenda ku nzira yalio, ma muleke liene lizie.