1 Samweli 5:7 - KITABU KITAKATIFU

⁷ Lwa valora chekoleka, vavoola, “Nyasaye wa Isiraeli akohezaa amageri kandi ahezaa nyasaye wiitu Dagoni, amageri. Sikunyala koleka Lisandugu lie Lilagana limenye hano kandi mba.”

1 Samweli 5:7 Iomraidhean Croise

2 Samweli 6:9

Ahene yaho, Daudi yatia Yahova ligali navoora, “Nyara kuhila ndi Lisandugu lie Lilagana kalunu?”

1 Kyetsinyinga 15:13

Kigira munyi vandu va Levi si mwali ho kulileeta ku ing'inga yu kutanga, Yahova Nyasaye witu yakuha amageri kulwukuvula kumusigamira kuli gakuduukiraa.”

Kutwula 10:7

Avatumikiri vu Mwami vamuvolera, “Mundu uyu alakukubiza kivi kuduuka ng'inga ki? Leka avandu va Isiraeli vazie, vaduuki kusigamira Yahova, Nyasaye wavo. Ukikiri kumanya ndi Egebeti imali kudiva?”

Kutwula 12:33

Vandu va Egebeti vaniga avandu va Isiraeli vakole vwangu vatuli mukivala chavo; vavoola, “Kunyi kwosi kulakuza nimuvula kuzia.”

Kutwula 8:28

Mwami yavoola, “Ndamuleka muzie kuhaana visiuviliru ku Yahova, Nyasaye winyu, mwigendanyama, niiva simulazia ihaale mba. Musaliri ku.”

Kutwula 8:8

Mwami yalanga Musa na Haruni navoora, “Musaale ku Yahova atulizi ho amakere yaga Inzi ndaleka avandu vovo vazie, kunangwa vaduuki kuhaana visiuviliru ku Yahova.”

Kutwula 9:28

Musaale ku Yahova! Lihiligana linene lienguba kandi imbura ya magina viduuchi! Inzi musuuviriza ndi ndaleka muzie. Simulava hano kandi mba.”

Jeremia 46:25

Yahova Wuvunyali, Nyasaye wa avandu va Isiraeli avoora, “Nziza kuhaana amageri ku vandu va Amoni, nyasaye wa Zebesi, harara na avandu va Egebeti na avanyasaye vaavo na avami vaavo. Nziza kuvugura mwami wa Egebeti kandi na vosi avaasuuvira muye,

Jeremia 48:7

“Munyi avandu va Moabu, mwasuuvira mu zinguru zienyu kandi mu vutugi vwinyu, navuzwa kalunu kali mulaguutwa; munyasaye winyu Kemoshi alahirwa mu lihaminywa, harara na avanene veve kandi avasaalisi veve.

1 Samweli 4:8

Nivwaha unyala ku kohonyia kutura ku vanyasaye vizingulu yavo? Vaveeye avanyasaye viita vandu va Egebeti mu changalangwe na maduywa manyingi.

1 Samweli 5:6

Yahova yahaana amageri malulu ku avandu va Ashidodi kandi naavatihiza ligali muno. Yavaha amageri kandi avandu vi vivala via kumbiriza lidaala yilio, ku livakola vave na amiihi.

1 Samweli 5:8

Kunangwa vatuma vatumwa kulanga avami vatano va vandu va Filisitia nivavateeva; “Kulakola ki ni Lisandugu lie Lilagana lia Nyasaye wa vandu va Isiraeli?” Vaativura, “Mulihili Gazi,” kunangwa vaahira Gazi, lidaala linene lindi lia vandu va Filisitia.

1 Samweli 6:20

Kunangwa avasaza va Bezi-shemeshi vavoola, “Ni vwaha unyala kusingira imbiri wa Yahova, Nyasaye Mutakatifu uyu? Kunyala kumuhila hayi atuli ku kunyi?”