1 Samweli 4:3 - KITABU KITAKATIFU

³ Lwa avatigara mwoyo virana hokososa, aviimiliri va Isiraeli vateevana nivavoora, “Kigira ki Yahova naleka Vandu va Filisitia vakuguute lidiku lia Lero? Gendi kuzie koleta Lisandugu lie Lilagana lia Yahova kutura Shilo, kunangwa ave harara ni kunyi kandi akohonyie kutura ku vasigu viitu.”

1 Samweli 4:3 Iomraidhean Croise

2 Samweli 15:25

Maku Mwami Daudi yavolera Zadoku, “Yiranyia Lisandugu lieligana mu Lidaala linene. Niiva Yahova ayanziziywi niinzi, lidiku lilala alakaleke ndirane kulilola kandi havundu ha limenya.

1 Kyetsinyinga 17:1

Mwami Daudi na menyaa kalunu munyumba yeeye yu vwami, lidiku lilala yalanga muporofeti Nazani yaaze. Yamuvolera, “Hano inzi menyaa munyumba yumbakirwa misaala je midaragwa, navuzwa Lisandugu lie lilagana lia Yahova liavikwa mu Lihema!”

Zaburi 74:1

O, Nyasaye, kigira ki okoleki ligali kuli ndi? Kigira ki usinyikiraa avandu vovo?

Zaburi 74:11

Kigira ki ivi usuyi kokokonya? Kigira ki utanyiira mukono gugwo kuvo.

Isaya 50:1

Yahova avoora, “Muganaganaa ndakunga avandu vange kuzia ihale, kuli musaza akungaa mukali weve? Eveeye hayi ibarwa ya ndaamukungira? Muganaganaa ndaamuguliza mu kivala chu vutugwa kuli mundu agulizaa avana veve kuli vatugwa? Kandi mwagulizwa kuli avatugwa kigira amahiolo ginyu. Kandi kigira uvwoni vwinyu mama winyu yakungwa.

Isaya 58:3

Avandu vateva, “Kigira ki kunyi kohonge lilia niiva Yahova sialola mba? Kigira ki kwegehiza niiva ivi si uvugulaamu logendo mba?” Yahova avavolera, “Agiligali gaveeye ndi, ku ing'inga ndala nzere ya muhongaa lilia, munyi mwenya vuzwa lieyanziza lienyu aveene, ni mudambiza avayinziri vinyu vosi.

Isaya 59:1

Mutaganagana ndi Yahova aveeye mudedekere ligali kali sianyala kumuhonyia mba, anoho sianyala kuhulira lianira lienyu liukwenya ovokonyi mba.

Isaya 59:2

Uvwoni vwinyu nivwo uvwavukanyiaa munyi kutura ku Nyasaye winyu. Gaveeye kigira uvwoni vwinyu uvumali kumukola yiivise ihale kutura ku munyi, kali avuli kuhulira lianira lienyu lwa mu musigamira.

Jeremia 3:16

Maku nimumali komeedeka mukivala yicho, avandu sivalamolomaku kandi kigira lisandugu liange lia malago mba. Sivalaliganaganyia anoho kulizuliza mba; kali sivalalienya anoho kolomba ilindi mba.

Jeremia 7:4

Mutasuuvira amakuva gu vugadi yaga mba: ‘Yili ni Litembeli lia Yahova, yili ni Litembeli lia Yahova!’

Livalidza 10:33

Kunangwa vandu va Isiraeli vatanga ologendo lwavo kutura ha kiguru kitakatifu cha Sinai vagenda ku madiku gavaga. Vasaalisi avagingaa Lisandugu lie Lilagana lia Yahova vazia imbiri wavo kwenyeleriza havundu ha vandu va Isiraeli vasosera.

Livalidza 10:35

Vuli ing'inga lwa vandu va Isiraeli vaatura kuzia ni lisandugu lie lilagana, Musa yavoola, “Yahova, singira usalanye vasigu vovo, kandi okole yavo avakudunyiraa viiruki!”

Livalidza 31:6

Musa yavatuma mu liihi hasi hu vwimiliri vwa Finiasi muyaayi wu musaalisi Elieza walindaa viju vitakatifu kandi visiliva viatumikirwa kuhaana vimanyiru.

Kwidzulitsa 29:24

Maku lirova liosi, zihiiri ziosi zilateeva, ‘Kigira ki Yahova akoli yaga ku kivala chavo? Uvutima vululu vusamba yivu voveeye kigira ki?’

Kwidzulitsa 31:26

“Vuguli kitabu chi Lilaga yiki mukiviiki halovega hi Lisandugu lie Lilagana lia Yahova Nyasaye winyu, kunangwa kiduuki kuva kuli kilolekizi ku avandu veve.

Vahebraina 9:4

Mu Lihema yimwo mwaali mu nuvwaali vwi zahabu vwu kusambira ku kimuli kandi mwaali mu ni Lisandugu lie Lilagana liakunikwa ni zahabu. Lisandugu yilio liali mu nijuba yizahabu nayo yaali mu nimaana, kandi ni imbimbu ya Haruni yasivuka amatu, ni Vibaho viamagina viviri via malago gang'odwa ku.

Joshua 4:7

mulakavavoolere ndi amazi ga Jorodani gavula kuvita lwa Lisandugu lie Lilagana lia Yahova liambuka mugera gwa Jorodani. Amagina yaga galagizulizi avandu va Isiraeli kazozo ichekolekaa hano.”

Joshua 6:6

Joshua muyaayi wa Nuni yalanga avasaalisi navavoolera, “Vuguli Lisandugu lie Lilagana, na saba ku munyi mwimiri imbiri walio; nimugingi visiliva vie zinzigazia magoondi manigu.”

Joshua 7:7

Joshua yavoola, “O, Yahova, Wuvunyali! Kigira ki nokoleta engereka wa Jorodani? Kukuhaana ku vandu va Amori vakudivizi? Kijiraki nikuvula komenya kolovega Lundi lwa Jorodani?

Joshua 7:8

O, Yahova, kalunu mbolaki! Avandu va Isiraeli vamali kwiruka nu kwirana inyima kutura ku vasigu vaavo.

1 Petro 3:21

Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo,

Yudasi 1:5

Kigira kali niiva mwamanya yaga goosi, nyenya kumwizuliza kuli Mwami yahonyia avandu veve Isiraeli avaatura mu kivala cha Egebeti, navuzwa lwa inyima naadiviza yavo avavura kusuuvira.

1 Samweli 1:24

Lwu mwana yaleka linuna, yamuhira Shilo, navugura harara naye igiriki yi mihiga jivaga, zikilo likomi ziuvusie, imuuya yekeseero niyizuuyi iwaini. Yavugula Samweli nakikiri mudoto kuli ndio, kuduuka munyumba ya Yahova ha Shilo.

1 Samweli 14:18

Saolo yavolera musaalisi Ahija, “Leeta hano Lisandugu lie Lilagana lia Nyasaye.” Kigira ing'inga yeyo Ahija yaali naligingaa imbiri wa vandu va Isiraeli.

1 Samweli 4:2

Avandu va Filisitia vavatulira, na inyima wu vulwani vululu, vaguuta vandu va Isiraeli kandi niviita ahimbi avasaza zielefu zine mu liihi.