1 Samweli 4:12 - KITABU KITAKATIFU

¹² Mundu kutura mu ihiiri ya Benjamini yanyagula kutura mu kiguti chuvulwaani kuduuka Shilo naduuka yo lidiku liene yilio. Kumanyia ovovereri vwivwe yaali naatanduyi zinguvu zizie kandi naavaki vodohi ku mutwi gwigwe.

1 Samweli 4:12 Iomraidhean Croise

2 Samweli 1:2

Lidiku lialonda ku, umusoleri mulala yaduuka kutura mu hokososa ha Saolo. Kumanyia ovovereri vwivwe, yaali naatanduyi zinguvu kandi naviiki marova ku mutwi gwigwe. Yazia ku Daudi nasigama hasi kumuha uluyali lonene.

2 Samweli 13:19

Tamara yiivaka ligoke ku mutwi gwigwe nataandula zinguvu zia yaali niyiviiki naviika mukono ku mutwi nazia nalira.

2 Samweli 15:32

Lwa Daudi yaduuka kondongozi kwi kiguru, ukwaliho na havundu hu kusigamira Yahova, mulina weve musuuvirifu Hushai umuariki, yamwaganira nizinguvu zizie zitanduliywi kandi namarova ku mutwi gwigwe.

Nehemia 9:1

Ku lidiku lia 24 liu mweli mulala mwere, avandu va Isiraeli vivungikiza harara okohonga lilia nukwivika zinguvu zia magunia kandi nukuviika luguchi ku mitwi jaavo kumanyia vovereri kigira uvwoni vwavo.

Ayubu 2:12

Lwa vaali nivaveeye ahimbi kuduuka, valora Ayubu, navuzwa sivamumanyiriza mba. Navuzwa lwa vamumanyiriza, vatanga kukuba zikwiri ni valira, kandi vataandula zinguvu ziavo muvovereri, ni vaduuminya luguchi igulu ku mitwi jaavo.

Jeremia 26:6

Niiva mulazizagilira kuvula kutia, ndakora ku Litembeli yili aga ndakora ku Shilo, kandi izihiiri ziosi zielirova zilatumikira lieta lielidaala yili kuli kiramo.”

Ezekieli 24:26

Ku lidiku lianangole yaga, mundu ulihononoka kutura mu kivi yiki, alakaze komuvoolera agaamali kokoleka.

Ezekieli 27:30

Vosi vasioma vululu kigira munyi, vuhulanyia luguchi ku mitwi jiavo, kandi nivagalagala mu ligoke.

Joshua 7:6

Joshua harara na viimiliri va Isiraeli vatandula zinguvu ziavo mu vovereri, nivagwa hasi mamumama imbiri wi Lisandugu lie Lilagana, nivava ho kuduuka hamugorova, niviiyuhiyi uluguchi ku mitwi jaavo kumanyia ovovereri.