1 Samweli 4:11 - KITABU KITAKATIFU

¹¹ Lisandugu lie Lilagana lia Nyasaye liavugurwa, kandi avayaayi va Eli, Hofini na Finiasi vombi viitwa.

1 Samweli 4:11 Iomraidhean Croise

Zaburi 78:56

Navuzwa avandu va Isiraeli vibaara ku Nyasaye Wuvunyali, kandi nivamugeriza. Sivahulira malago geege mba.

Zaburi 78:64

Avasaalisi vaavo viitwa nikivavi, na avakunzakali vaavo sivali vanyara kusioma mba.

Isaya 3:11

Navuzwa avandu vadamanu valadivizwa; agavakolera avandi, navo kandi valakolerwa ndio.

Jeremia 7:12

Kalunu muzie Shilo, havundu haali hukutanga inzi kotovola kuva ahukusigamira; na mulole agandakola kigira uvwoni vwa avandu vange Isiraeli.

1 Samweli 2:31

Hulirizi, ing'inga yiizaa lwa nanziite avayaayi vosi mu avinyumba yooyo kandi avikiliango chicho, kunangwa avuli kuva ho nu musaza mu avinyumba ulimenya kuva musakulu.

1 Samweli 2:32

Ulakubizwa kivi kandi ulahenza nilikendeka ku vugasu vwosi vwa ndihaana ku avandu vandi va Isiraeli, navuzwa avuli ho nu mulala ulimenya kuva musakulu mu avinyumba yooyo.

1 Samweli 2:34

Lwa vayaayi vovo vombi, Hofini na Finiasi vakuza ku lidiku lilala, yiki kilava kelolero kukumanyia ndi goosi aga mali kovora galadukizwa.

1 Samweli 3:12

Ku lidiku yilio ndatwekiza litihiza liange liosi ku vinyumba ya Eli, kutura ku litanga kuduuka ku keheri.

1 Samweli 4:21

Yagulika mwana zana oyo Ikabodi, livaalaa “Uvukumi vwa Nyasaye vumali kutura mu Isiraeli”, kigira livugurwa lie Lisandugu lie Lilagana lia Nyasaye kandi likuza lia navizara, liu musaza weve.