1 Samweli 30:8 - KITABU KITAKATIFU

⁸ Daudi yateeva Yahova, “Nyara kuzia kolondelera avalanyi yavo, kandi ndavagumira?” Yahova yativura, “Zia; ulavagumira kandi ulahonyia vahambe yavo.”

1 Samweli 30:8 Iomraidhean Croise

Litanga 14:16

Viranyia vindu via valii nivamali kuranywa. Yiranyia kandi mwana wa amwavo weve ulangwa Loti, miandu jije, harara navakari kandi navahambe vandi.

2 Samweli 5:19

Daudi yateeva Yahova, “Ngazia kwingilira vandu va Filisitia naho? Ulamba iliguuta?” Yahova yativura, “Yee, zia uvatuliri! Inzi ndakuha iliguuta!”

2 Samweli 5:23

Daudi yateeva Yahova kandi lwa kaviri, na yativura, “Utakola ndio kutura hano mba; navuzwa uzie uvakumbirize na wetegeke kuvatulira kutura lovega lundi ahimbi nimisaala ji zinyangaleri.

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Zaburi 91:15

Lwa vanira ku inzi, ndavativulira; ndava harara navo lwa vaveeye mu vudinyu. Ndavasoola nukuvaha luyali.

Kutwula 15:9

Musigu yavoola, ‘Ndavalonderera na ndavagumira, ndagavulanyia vutugi vwavo nu kuvugura viosi viavaveeye navio.’

Livalidza 27:21

Alasingira imbiri wu musaalisi Elieza, uwaza atumikiri Urimu na Zurimu kuhaana likalaga liange. Kulilaga lilie, oyo harara na vandu vosi va Isiraeli valatura kuzia kandi kwirana.”

Vakalagi 20:18

Avandu va Isiraeli vazia havundu hukusigamira Yahova ha Bezeli, kandi nivateeva Nyasaye, “Hiiri ki idukanaa kwingilira vandu va Benjamini kutanga?” Yahova yativura, “Ihiiri ya Yuda.”

Vakalagi 20:23

Avandu va Isiraeli vazia nivalilira Yahova kuduuka hamugorova, kandi nivamuteeva, “Gakuduukiraa kwilane muvulwani kulwaane vandu va Benjamini avaveeye avamwavo viitu?” Yahova yavavolera, “Tuli muzie kuvalwaana.”

Vakalagi 20:28

Finiasi mwana wa Eliaza waali naveeye umulindi walio. Vateva Yahova, “Gaduukanaa kunyi kutuli kuzia kulwaana avaamitu vandu vi hiiri ya Benjamini kandi, anoho koleke?” Yahova yativura navoora, “Muvalwaane. Mugamba ndamuha uvuguuti.”

Vakalagi 8:4

Kuduuka ing'inga yiyi, Gidioni na vandu veve miatatu vaali nivakaduuka ha Mugera gwa Jorodani, kandi nivaakambuka. Vaali nivaluhi ligali, navuzwa vaali nivakikuunga vasigu.

1 Samweli 10:22

vateva Yahova, “Mundu wundi akakiri yo naho?” Yahova yativura, “Saolo ngula, yiivisi inyima wi misigo.”

1 Samweli 14:37

Kunangwa Saolo yateeva Nyasaye, “Nyara kuzia kwingilira vandu va Filisitia? Ulakwimilira kuguutia?” Navuzwa Nyasaye siyativula kindu lidiku yilio mba.

1 Samweli 23:2

Kunangwa yateeva Yahova, “Ngazia kwingilira vandu va Filisitia naho?” Yahova yativura, “Yee, vingiliri na ohonyie Keila.”

1 Samweli 23:4

Kunangwa Daudi yateeva uvulariri vwa Yahova kandi. Yahova yamuvolera, “Zia wingiliri Keila kigira ndakokola uguuti avandu va Filisitia.”

1 Samweli 28:6

Yateeva Yahova cha anyala kokora. Navuzwa Yahova siyaamutivulira kali hakuzu, ku maloto kinga ku litumikira Urimu na Zumimu anoho ku avaporofeti mba.

1 Samweli 30:18

Daudi yahonyia nukwiranyia vandu vosi nivindu viosi via Avamaleki vaali nivavuguyi, komeeda ku akali veve vaviri;

1 Samweli 30:19

sihali ni kindu chagota mba. Daudi yiranyia avayaayi, avakaana, kandi vilaanye viosi via vandu va Maleki vaali nivavuguyi.