1 Samweli 30:6 - KITABU KITAKATIFU

⁶ Daudi yaali mu vudinyu vonene ligali kigira vandu veve vahulira vululu kigira vaali nivagotizi avana vaavo, kandi vatihiza nivenya kumulasa na magina; navuzwa Yahova Nyasaye weve yamuha uvuluviliri.

1 Samweli 30:6 Iomraidhean Croise

Litanga 32:7

Maku Yakobo yaali nuvuti vonene ligali, kandi yahenda mwoyo nagavuranya avandu va yaali navo mu viduma viviri; Kandi yaagavuranya viayo vie zing'ombe, magondi, zimburi kandi zing'amia mu viduma viviri.

2 Samweli 17:8

Ivi umanya ndi baba woovo Daudi na avandu vasaza veve vaveeye avalwaani vadinyu ligali ma kandi vaveeye avalulu kuli iduba ingali ninyagiywi avana vayo. Baba woovo aveeye musikari wilimanya linyingi kandi siavezaa na avandu veve havudiku mba.

2 Avami 4:27

navuzwa lwa yaza ku Elisha, yinama imbiri weve nagumira ku virenge vivie. Gehazi yaali ahimbi kumusuunda ihale, navuzwa Elisha yavoola, “Leka ave. Siunyala kolola aveeye no vovereri vonene ligali? Na Yahova uvuli kombolera kindu choosi.”

Ayubu 13:15

Kali niiva Nyasaye alaanzita, inzi ndava ni lisuuvira muye, kandi ndalungikiza inzira yange imbiri weve.

Zaburi 116:10

Ndaazizagilira kusuuvira, kali lwa ndavoora: “Inzi saliriziywi ligali.”

Zaburi 138:3

Lwa ndaanira ku ivi, waandivulira; ivi umali komeeda inzi zinguru.

Zaburi 18:2

Yahova aveeye mukingi wange, aveeye imbinga yange yizingulu. Nyasaye wange aveeye chu kwivisamu change; aveeye inguva yange, kandi aveeye zinguru zio vohonyi vwange nu munara gwange.

Zaburi 18:6

Ndaanira Yahova mu vudinyu vwange, ndaalira ku Nyasaye wange yangonye. Yahulira mwoyo gwange mu Litembeli lilie; yahuliriza ku lilira liange kigira ovokonyi.

Zaburi 25:17

Osoosize kutura ku lihenda mwoyo liange na ombonyie kutura mu vudinyu vwange vwosi.

Zaburi 27:14

Usuuviri mu Yahova, ove ni lisuuvira na utakuza mwoyo mba usuuviri mu Yahova.

Zaburi 31:24

Munyi mwosi avalindiliraa nilisuvira mu Yahova, muve avaluviriri kandi avagulu.

Zaburi 42:11

Kigira ki mbereraa ligali? Kigira ki ngubizwa ikivi? Inzi ndasuuvira mu Nyasaye kandi ndamwizominya kandi, Muhonyi wange kandi Nyasaye wange.

Zaburi 42:5

Kigira ki mbereraa ligali? Kigira ki ngubizwa kivi? Ndasuuvira mu Nyasaye kandi ndamwizominya, muhonyi wange kandi Nyasaye wange.

Zaburi 42:7

Luliva lulangaa luliva. Viguvuli vivio vilulu vimali kungunika nukuvitira ku inzi. Kuli inyanza enene yuvutima, anoho kihilira kihumaa.

Zaburi 56:11

Suuviraa mu Nyasaye, na sindatia kindu kali kilala mba. Mundu wilikuza anyala kongola ki?

Zaburi 62:1

Nindiliraa Nyasaye nuvwikuziri ligali, yambonyie; ovohonyi vwange vutulaa kuye yeng'ine.

Zaburi 62:5

Nindiliraa Nyasaye nuvwikuziri ligali; kigira lisuuvirizwa liange litulaa kuye.

Zaburi 71:4

O, Nyasaye wange, ombonyie kutura ku avandu vadamanu, kuzinguru zia vadamanu kandi avalulu.

Zaburi 71:5

O, Yahova Wuvunyali, inzi suuviraa mu ivi. Inzi mali kusuuvira mu ivi kutura vwana vwange.

Kutwula 17:4

Musa yasaala nu mwoyo gwosi ku Yahova navoora, “Nyara kokolera ki avandu yava? Vaveeye ahimbi kundasa na magina.”

Tsing'ano 18:10

Yahova aveeye kuli munara gwizingulu gwumulungi yirukira mu anyoore vohonyi.

Isaya 25:4

Avadaka navatiinyalizaa virukiyi ku ivi na vahoni mu zing'inga ziuvudinyu. Uvahezaa likingwa kutura kumbula yi imbuza enene kandi ichiriri kutura ku vuhiu vwi liuva. Avandu valulu vatulira kuli imbuza enene yu vukindu,

Jeremia 16:19

Yahova, ivi niyie ukingaa inzi kandi ombeezaa zinguru; ongonyaa mu ing'inga yuvudinyu. Zihiiri zilaza ku ivi kutura ku zinduru zielirova nokovoora, “Avaguuga viitu valii vuzwa navanyasaye vuvugadi kandi nivifananyi viavuzwa.

Jona 2:2

“Mu kivi change, O, Yahova, ndaanira ku ivi, kandi ivi waandivulira. Kutura musi mwi kihadisi, ndaanira nyoore ovokonyi, na ivi wambulira.

Livalidza 14:10

Navuzwa vandu vosi vavolerana nivalohiza kuvalasa na magina nukuvita. Nonoho avandu valora uvukumi vwa Yahova vong'ereng'anaa ku Lihema.

Matayo 21:9

Kiduma cha avandu valala vaamwimilira na avandi nivamulonda inyima. Vataanga kuhanzuka nivavoora, “Hosana ku Umwana wa Daudi! Agasizwi uyu uzaa mu Iieta liu Mwami! Yizominywi Nyasaye oveeye yigulu mwigulu!”

Matayo 27:22

Pilato yavateva, “Maku ngole ki ku Yeso ulangwa Mesia?” Vosi vaamutivulira, “Muvambe!”

Yohana 8:59

Kunangwa vadoola amagina nivenya vamulase, navuzwa Yeso yiivisa, natura mu Litembeli.

Varumi 4:18

Aburahamu yasuuvira no kohenzerera, kali vugira kivuni kilahi cho kohenzerera, na ndio, yaduuka kuva, “Baba wi zihiiri zinyingi.” Kuli Mang'oda Matakatifu gavoora, “Visukululwi vivio vilava vinyingi kuli ndi!”

Varumi 4:20

Aburahamu si yahayahayiza lilagana lia Nyasaye kuvitira mu livula kusuuvira mba, navuzwa lisuuvira lilie liazizagilira kuva ni zinguru nu kukuminya Nyasaye.

Varumi 8:31

Kunangwa ku vindu yivi kovoole ki'? Nyasaye naveeye kolovega lwiitu, nivwaha unyala kukuhingira'?

2 Vakorintho 1:6

Niiva kusalirizwa, gaveeye kigira vokonyi kandi ovohonyi vwinyu. Niiva kunyi kokoonywa, munyi kandi mulakoonywa kandi mulahevwa zingulu ziu kwikuzira ku vusaliri vwa kunyi kandi kwikuziraa ku.

2 Vakorintho 4:8

Kukubizwa kivi kazozo mu zinzira ziosi, navuzwa sikudivizwa mba. Ing'inga yindi, konyoora vudinyu, navuzwa sikukuzaa mwoyo mba.

2 Vakorintho 7:5

Lwa kwaduka Makedonia si kwaali kunyala kosoosa mba. Vudinyu vwali ho havundu hoosi; ovolembani na vandi, kandi uvuti vwali mu mioyo jietu.

Vahebraina 13:6

Kunangwa leki kuluviliri, ma kovoole, “Mwami aveeye mukonyi wange; sindatia mba. Mundu alangola ki?”

Vakalagi 18:25

Avandu va Dani vamuvolera, “Vwakaveeye vulahi niiva siulavoola kindu choosi mba; nigataveeye ndio, avandu yava valava nu vutima na valakulwaana. Ivi harara na vandu vinyumba yooyo mulakuza.”

Vakalagi 20:22

Navuzwa avandu va Isiraeli vidinyia kuli lwambiri nivelohizi havundu harara heere havaali nivelohizi lidiku liukutanga.

1 Samweli 1:10

Hana yaali novovereri vululu ligali muno, na yasaala nuvuzunu ligali ku Yahova.

1 Samweli 23:16

Jonazani yazia yo kuye naamudinyiriza nukumusuuviriza kigira likingwa lia Nyasaye,

1 Samweli 28:15

Samweli yavolera Saolo, “Kigira ki unyangizaa? Kigira ki ni ongora nzirane?” Saolo yativura, “Mbeeye mu kivi kenene ligali. Avandu va Filisitia vaveeye nuvulwani niinzi; na Nyasaye ondeki. Siandivuliraa kandi mba, kali kuvitira mu vaporofeti kinga ku maloto mba. Nandio mali kukulanga uduuki kombolera cha ndukanaa ngole.”