1 Samweli 30:15 - KITABU KITAKATIFU

¹⁵ Daudi yamuteeva, “Unyala kumbira ku vingiliri yavo?” Yamutivulira, “Ndakora ndio, niiva ulaasuuviriza mu lieta lia Nyasaye ndi ivi siulanzita anoho kuumbaana mu makono gu munene wange mba.”

1 Samweli 30:15 Iomraidhean Croise

Litanga 24:3

Nyenya wisuhi ku Yahova, Nyasaye wu mwigulu kandi wi lirova, ndi si ulatovolera muyaayi wange mukali kutura mu vakana va Kanaani ava inzi menyaa hagati haavo mba.

Ezekieli 17:13

Yavugula mulala ku vandu vi inyumba yu Mwami, nalomba Lilagana naye kandi naamwisuuhiza. Yavugula avamihi vi kivala yiki naavahira ihale.

Ezekieli 17:16

Yahova Wuvunyali avoora, “Ligali inzi kuli mbeeye Nyasaye omenya, Mwami uyu alakuzira Babiloni kigira yaavunaga malagano geege kandi ni liesuuha lia yaali naalombi nu Mwami wa Babiloni, uwaamuvika kondeve yu Vwami.

Ezekieli 17:19

Kulwayago, Yahova Wuvunyali avoora, “Ligali Inzi kuli mbeeye Nyasaye omenya, ndahaana mageri kuye kigira umali kuvunaga lilagana liayisuuha ku lieta liange.

Joshua 2:12

Kalunu nzisuuhili ku Yahova winyu ndi mulakolera avandu vinyumba yange vulahi kuli inzi mali kumukolera na mumbe kimanyiru chiligali ndi nyara kumusuuvira.

Joshua 9:15

Joshua yalomba lilagana liuvulina harara na avandu va Gibeoni kandi navavugilira vave mwoyo. Aviimiliri va vandu va Isiraeli vahaana lisuuviriza liavo lie liesuuha kulinda lilagana.

Vakalagi 1:24

Lwa avaluuti valora umundu natura mu lidaala zana vamuvolera, “Mwaza kumanyie inzira yingira mu lidaala yili, na sikulakusaliriza mba.”

1 Samweli 29:6

Akishi yalanga Daudi namuvolera, “Nzisuha ku Nyasaye oveeye mwoyo wa Isiraeli ndi ku ing'inga yiyi yoosi ivi oveeye musuuvirifu ku inzi; na ndakayanzi koleka ivi uzie na inzi kulwaanira mu liihi yili. Ngikiri konyoora ku uvudamanu vwosi mu ivi kutura lidiku lia waza ku inzi mba. Navuzwa avami vandi sivavugilira ivi mba.

1 Samweli 30:14

Kunyi kwaali nikwingiliyi kandi ni kulwaana kivala cha vandu va Negebu ya Kerizi, kolovega lwi Isavaalu wi Ivuyuda kandi kivala cha Negebu ya Kalebu, kandi kwasaamba lidaala lia Zikilaga.”

1 Samweli 30:16

Kandi yimilira Daudi kuduuka kuvo. Avatuliri vaali nivasalani hoosi havundu hazana, nivalizaa, nukunwa vilulu, kandi kusangara mu vukinu kigira vilaanye vinene via vaali nivagumiyi kutura mu kivala cha vandu va Filisitia ni Ivuyuda.