1 Samweli 29:6 - KITABU KITAKATIFU

⁶ Akishi yalanga Daudi namuvolera, “Nzisuha ku Nyasaye oveeye mwoyo wa Isiraeli ndi ku ing'inga yiyi yoosi ivi oveeye musuuvirifu ku inzi; na ndakayanzi koleka ivi uzie na inzi kulwaanira mu liihi yili. Ngikiri konyoora ku uvudamanu vwosi mu ivi kutura lidiku lia waza ku inzi mba. Navuzwa avami vandi sivavugilira ivi mba.

1 Samweli 29:6 Iomraidhean Croise

Litanga 16:6

Aburamu yavolera Sarai, “Voveeye vulahi, Hagari aveeye mutugwa woovo kandi aveeye mu vulindi vwuvwo. Mukolere kuli unyala.” Maku Sarai yaakolera Hagari vudamanu muno kuduuka niyiruka kutura kuye.

2 Samweli 3:25

Yaazi hano kukugada kandi ukwenya kumanya vindu viosi via okolaa kandi havundu hoosi aha uziizanga. Ligali ivi umanyi ndio!”

2 Avami 19:27

“Navuzwa inzi manyi vindu viosi ku ivi, ichakolaa kandi ha uzizaa. Inzi manya kuli oveeye nu vutima vonene ku inzi.

Zaburi 121:8

Alakukinga lwa uturaa ichova kandi lwa wingiraa, kalunu kandi mihiga ni mihiga.

Isaya 37:28

“Navuzwa inzi manyi vindu viosi kigira ivi; chokolaa kandi hoosi huzizaa. Inzi manyi kuli oveeye nu vutima vululu ligali ni inzi.

Isaya 65:16

Mundu woosi oteeva uvugasu mukivala, alateeva uvugasu kutura ku Nyasaye musuuvirifu. Oyo wi suuhaa mu lirova, alisuuha ku Nyasaye wa agiligali; uvudinyu vwaliho kutura kale, vumali kwivilirwa ligali.”

Jeremia 12:16

Niiva valavugilira idini yavandu vange nu mwoyo mulala nukwisuha, ‘Kuli Yahova aveeye mwoyo’ - kuli mulitanga vigiza avandu vange kwisuha ku Baali - lwene yilwo valakave avalala kuavandu vange kandi valakagasizwi.

Livalidza 27:17

no kuvaha malago mu vulwani, kunangwa avandu vovo vosi vavuli kololeka kuli magondi gataveeye nu mwayi.”

Matayo 5:16

Munzira ndala nzere, kuduuka uvulavu vwinyu vumuliki imbiri wa avandu kunangwa vaduuki kolola miyinzi jinyu milahi, ma vizominyi Baba winyu oveeye mwigulu.

Kwidzulitsa 10:20

Mutie Yahova Nyasaye winyu kandi mumusigamiri oyo yeng'ine. Muve avasuuvirifu kuye yeng'ine kandi mulombe amalagano ginyu mu lieta lilie lieng'ine.

Joshua 22:30

Musaalisi Finiasi, na viimiliri vuluyali likomi avaari nivaazi naye kutura mu zihiiri likomi ziemadioli vahuliriza ku livaala liahaanwa na vandu kutura mu zihiiri zia Rubeni, Gadi, na Ivugwi wa Manase, kandi vigutizwa nalio ligali.

1 Petro 2:12

Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.

1 Petro 3:16

navuzwa mukore yaga no vohoma kandi luyali. Muve ni zing'anagani zindahi kunangwa lwa munyegwa, yavo vamoloma nu kumunyega kigira miima jinyu milahi mu Kristo, vaduuki kuva mu zisoni.

1 Samweli 20:3

Navuzwa Daudi yisuha navoora, “Baba woovo amanyi vulahi ndi ivi unyaanzaa, na aganagana ndi, ‘Jonazani atamanya yili mba gase alaverera.’ Navuzwa ligali kuli Yahova aveeye mwoyo kandi kuli oveeye mwoyo, keveeye ho vuzwa kika kilala hagati hange ni likuza!”

1 Samweli 28:10

Ahene yaho Saolo yisuha ku Nyasaye. Yamuvolera, “Ku Yahova oveeye mwoyo, ngusuuvirizaa ndi si ulaheevwa mageri ku likora yaga mba.”

1 Samweli 29:3

Avanene va mahi ga vandu va Filisitia vaavalola kandi vateva, “Avaheburaina yava vakora ki hano?” Akishi yativura, “Uyu ni Daudi, mulala ku avanene vu mwami munene Saolo wa Isiraeli. Yakava niinzi ku ing'inga indambi kalunu. Akikiri kokora cha inzi nyara konyoora uvudamanu vwosi muye kutura lidiku lia yaza ku inzi mba.”

1 Samweli 29:7

Kunangwa yirana yengo mu mirembe, kandi utakola kindu choosi kinyala kuvavihiliriza mba.”

1 Samweli 5:8

Kunangwa vatuma vatumwa kulanga avami vatano va vandu va Filisitia nivavateeva; “Kulakola ki ni Lisandugu lie Lilagana lia Nyasaye wa vandu va Isiraeli?” Vaativura, “Mulihili Gazi,” kunangwa vaahira Gazi, lidaala linene lindi lia vandu va Filisitia.