1 Samweli 29:3 - KITABU KITAKATIFU

³ Avanene va mahi ga vandu va Filisitia vaavalola kandi vateva, “Avaheburaina yava vakora ki hano?” Akishi yativura, “Uyu ni Daudi, mulala ku avanene vu mwami munene Saolo wa Isiraeli. Yakava niinzi ku ing'inga indambi kalunu. Akikiri kokora cha inzi nyara konyoora uvudamanu vwosi muye kutura lidiku lia yaza ku inzi mba.”

1 Samweli 29:3 Iomraidhean Croise

Litanga 14:13

Navuzwa mundu yahononoka ma navolera Aburamu Muheburaina uwa menyaa ahimbi ni misaala mitakatifu ja Mamure na avandu va Amori yaga goosi. Mamure harara na vamwavo veve Eshikoli na Aneri vaali avalina va Aburamu.

1 Kyetsinyinga 12:19

Lwa Daudi yaali nazizaa harara na Vafilisitia kulwaana mwami Saolo, avasikari valala kutura mu ihiiri ya Manase vazia ku lovega lwa Daudi. Navuzwa si yakoonya Vafilisitia, Kigira avami vaavo vaatia ndi yaali unyala kuvazaama ku Saolo, munene weve wa maziambiri; Kunangwa vamutuma yirani Zikilaga.

1 Kyetsinyinga 12:20

Yava nivo avasikari kutura ku Manase vazia ku lovega lwa Daudi lwa yaali ni yirana: Adina, Jozabadi, Jediyeli, Mikaeli, Jazabadi, Elihu na Zilezai. Mu kivala cha Manase vaali na avasaza avanene elefu indala.

Danyeli 6:5

Vavolerana vene ku vene ndi, “Si kunyala konyora kwenyeleriza kivuni kindi cha kunyala kuyalila ku Danieli mba nikitaveeye kolondekana ni idini yeeye.”

Yohana 19:6

Lwa avasaalisi vanene na vasikari vi Litembeli vamulola vahanzuka, “Muvambe! Muvambe!” Pilato yavavolera, “Munyi mumuvuguli, ma mu muvambe aveene. Inzi sindora kivuni chu kumukalagira mba.”

Varumi 12:17

Mutatunga mundu kali mulala uvudamanu ku vudamanu. Mwetegeke kokora vindu viveeye vilahi imbiri wa vandu vosi.

1 Petro 3:16

navuzwa mukore yaga no vohoma kandi luyali. Muve ni zing'anagani zindahi kunangwa lwa munyegwa, yavo vamoloma nu kumunyega kigira miima jinyu milahi mu Kristo, vaduuki kuva mu zisoni.

1 Samweli 14:11

Kunangwa vombi valeka vandu va Filisitia vavalole, kandi avandu va Filisitia vavoola, “Henza! Avalala ku Avaheburaina vatuli mu malina mwa vivisangi!”

1 Samweli 25:28

Mwaza, nuyanza, ombere, mwami wange ku vudamanu vwa inzi mali kokora. Yahova alakola mwami, kandi kisukururwi chicho, kigira ulwaanaa amahe geege; na siulakola kindu kidamanu kali hakuzu ku lohono lwa ivi oveeye mwoyo mba.

1 Samweli 27:1

Maku Daudi yaganagana mu mwoyo gwigwe, “Lilala ku madiku yaga, Saolo yaza yanzite. Kindu kilahi chokokola nukwirukira mu kivala cha vandu va Filisitia. Ahene yaho Saolo alatuliza mwoyo ku lienya inzi mu Isiraeli, na ndio inzi ndahonyia livamwoyo liange.”

1 Samweli 27:7

Daudi yamenya mu kivala cha vandu va Filisitia ku mieli 16.

1 Samweli 29:6

Akishi yalanga Daudi namuvolera, “Nzisuha ku Nyasaye oveeye mwoyo wa Isiraeli ndi ku ing'inga yiyi yoosi ivi oveeye musuuvirifu ku inzi; na ndakayanzi koleka ivi uzie na inzi kulwaanira mu liihi yili. Ngikiri konyoora ku uvudamanu vwosi mu ivi kutura lidiku lia waza ku inzi mba. Navuzwa avami vandi sivavugilira ivi mba.

1 Samweli 4:6

Avandu va Filisitia vahulira lihanzuka kandi vavoola, “Huliri ku lihanzuka yilio kutura mu hokososa ha avandu va Isiraeli! Gaveeye kovora ki?” Lwa vaduuka kumanya ndi Lisandugu lie Lilagana lia Yahova liali kuduuka mu hokososa ha Avaheburaina,