1 Samweli 26:24 - KITABU KITAKATIFU

²⁴ Kuli inzi mali kohonyia livamwoyo liilio kalunu, Yahova naye yangolere malala mere kandi amboholore kutura mu vudinyu vwosi!”

1 Samweli 26:24 Iomraidhean Croise

Litanga 48:16

Engelosi yasoola kutura ku vudamanu vwosi, yaanza uvagaasizi! Lieta liange harara na mita ga vaguuga vange, Aburahamu na Isaka gagulikwi avayaayi yava! Vave ni zinzivulu zia vana vanyingi kandi visukululwi vinyingi!”

2 Samweli 4:9

Daudi yavativulira, “Nzisuha ku Yahova oveeye mwoyo, uwaambonyia kutura ku vuhimwa vwosi!

Zaburi 144:2

Ivi oveeye mukingi wange kandi imbinga yange, inguva yange kandi muhonyi wange, uwa inzi suuviraa alangoonya. Ivi wambika kwamiiha zihiiri ziosi zia vandu vovo.

Zaburi 18:1

O, Yahova, Inzi nguyaanzaa ivi! Kigira ivi oveeye mukingi wange.

Zaburi 18:25

O, Yahova, oveeye musuuvirifu ku yavo avaveeye vasuuvirifu ku ivi, kandi oveeye umulahi ligali ku yavo avaveeye vadukiru imbiri woovo.

Zaburi 18:48

kandi yambonyia kutura ku vasigu vange. O, Yahova, ivi ombezaa liguuta ku vasigu vange kandi ukingaa inzi ku avandu vatindi.

Zaburi 34:20

Yahova alindaa vigumba vie miviri jaavo, na sikeveeye ho kali kilala kuvio kinyala kusalira mba.

Zaburi 54:7

Ivi umali kombonyia kutura mu vudinyu vwange vwosi, kandi inzi mali kolola avasigu vange nivaguutiywi.

Matayo 5:7

“Vaveeye nuvugasu avaveeye nizimbavasi, kigira valaverwa zimbavasi.

Matayo 7:2

Kuli mukalagiraa avandi, munyi kandi mulakalagirwa ndio; nekegero cha mugereranga mu avandi, nicho cha Nyasaye alimugerera mu.

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”

2 Vatesalonike 3:2

Musaale Nyasaye aduuki kokohonyia kutura ku vandu vachamu kandi avadamanu kigira vosi sivaveeye ni lisuuvira mba.

Likunula 7:14

Nainzi ndaamutivulira, “Simanyi mba, umwami ivi umanyi.” Yambolera, “Yava nivo avamali kutura mu kivi ekenene yicho, navo voogizi ziganza ziavo mu masahi gu Mwana wi Ligondi, nukuzikola zive zindavu.

1 Samweli 18:30

Avanene va mahi ga vandu va Filisitia vazizagilira kutura ichova kulwaana, navuzwa mu vuli vulwani, Daudi yalange ni liguuta ligali kuvita mulala ku vanene vandi va Saolo. Kigira yaga Daudi yamanyikana vulahi ligali.

1 Samweli 24:16

Lwa Daudi yaali niyakamara limoloma makuva yaga, Saolo yavoola, “Ligali ni ivi Daudi muyaayi wange?” Kandi yaatanga kulira.