1 Samweli 26:10 - KITABU KITAKATIFU

¹⁰ Daudi yaazizagilira kovora, “Ku Yahova oveeye mwoyo, inzi manya ligali Yahova mwene aliita Saolo, niiva ing'inga yi likuza lilie liduka, anoho akuziri mu vulwani.

1 Samweli 26:10 Iomraidhean Croise

Litanga 47:29

Lwa ing'inga yeeye yu kukuza yaduuka, yalanga muyaayi weve Josefu kandi na muvooleraa, “Vika mukono gugwo hagati hamatango gange, kandi wisuhi ndi ivi si ulakanzaviri mu Egebeti mba.

Ayubu 14:14

Niiva mundu akuza, anyala kuva mwoyo kandi? Navuzwa ndalindilira ing'inga indahi, ndakalindi kuduuka ing'inga yu vudinyu vwange vohera.

Ayubu 14:5

Kigira madiku gi limenya liu mundu gamali kotovolwa maziambiri, kandi umanyi livaliza lie mieli jije jilimenya. Kandi ivi umali kotovola na umundu sianyala kugirung'anyia mba.

Ayubu 7:1

Livamwoyo liu mundu ku lirova liveeye kuli liyinzira liukuniga mu liihi, kandi liveeye kuli miyinzi midinyu jamakono.

Zaburi 37:10

Ku ing'inga engekeeke, avandu vadamanu valatulizwa ho, ulavenyeleriza, navuzwa siulavanyoola mba.

Zaburi 37:13

Navuzwa Yahova asekeliza avandu vadamanu, kigira, vaveeye ahimbi kuduuka ku lidiku liu kudivizwa.

Zaburi 94:23

Yahova alavaha mageri kigira uvudamanu vwavo, kandi alavadiviza kigira uvwoni vwavo; Yahova Nyasaye wiitu alavadiviza ligali.

Kohelethu 3:2

Ing'inga eveeyeho yu kwivulwa kandi ing'inga yu kukuza; ing'inga yu kutaga kandi ing'inga yo kogesa,

Luka 18:7

Kalunu, Nyasaye sialakalagira avandu avatovole veve uvulungi, avamwanira mbasu nuvudiku? Alalindagilira ko lohono kuvativulira lianira liavo?

Varumi 12:19

Avayaanze vange, mutavanza kisaalia mba, navuzwa muleke vutima vwa Nyasaye mwene vokole yaga. Mang'oda matakatifu gavoora, “Kuvaanza kisaalia ni likuva liange; inzi ndavanza,” Mwami avoora.

Kwidzulitsa 31:14

Maku Yahova yavolera Musa, “Lidiku lie likuza liilio liesundi ahimbi. Laanga Joshua na umuleete mu Lihema liu kuvuganira mu, kunangwa nduuki kuhaana kuye amigizu geege.” Kunangwa Musa harara na Joshua viingira mu lihema liu kuvuganira mu na Yahova.

Kwidzulitsa 32:35

Ing'inga yiza lwa valiguutwa, ing'inga yi lidivizwa liavo eveeye ahimbi. Lidiku lie lidivizwa liavo leveeye ahimbi.

Vahebraina 10:30

Kigira kumanya uyu uwavoola, “Kisaalia ni change, nda tunga.” Kandi uyu wavoola, “Mwami alakalagira avandu veve.”

Vahebraina 9:27

Mundu woosi kuduuka akuzi lulala vuzwa, kandi lwinyima aduuki kukalagirwa na Nyasaye.

Likunula 18:8

Kigira yaga, alakahaane amaduywa lidiku lilala, agaveeye uvulwaye, likuza, ni liverera, ninzara. Kandi alasaambwa nu muliru ligali; kigira umukalagiraa ni Umwami Nyasaye, niyie oveeye ni zinguru.”

1 Samweli 24:12

Yahova akalage hagati hange niivi nivwaha ku kunyi oveeye mudamanu! Yahova ahane ku ivi amageri kigira likora liilio ku inzi, navuzwa inzi sindakusaliriza kali hakuzu mba.

1 Samweli 24:15

Yahova alakakalage, kandi alakalole nivwaha ku kunyi oveeye mudamanu. Yahova aheenze mu makuva yaga, ma yangingi kandi yaambonyie kutura ku ivi.”

1 Samweli 25:26

Yahova niyie wigalira ivi uvuli kuvanza kisaalia kwita avasigu vovo. Kandi kalunu ngwisuuhiraa ku Yahova oveeye mwoyo ndi avasigu vovo kandi yavo vosi avenyaa kukusaaliriza valahevwa mageri kuli Nabali.

1 Samweli 25:38

Inyima wa madiku likomi, Yahova yakuya Nabali ma nakuza.

1 Samweli 25:39

Lwa Daudi yahulira ndi Nabali umali kukuza, yavoola, “Yahova yizominywi! Umali kuvaanza kisaalia ku Nabali kigira linyega kandi umali kunzigalira inze mutumikiri weve mburi kokora vudamanu. Yahova umali kuha Nabali amageri kigira vudamanu vwivwe.” Maku Daudi yatuma avateevi ku Abigaeli mbula aduuki kumuvugula ave mukali weve.

1 Samweli 31:4

Yavolera muyaayi waginga viugi vivie, “Somola kivavi chicho na unziti, kunangwa avandu va Filisitia avasinde vavuli kongolera kehenyahenye nukunzita.” Navuzwa muyaayi zana yaali nuvuti vonene muno okokora ndi. Kunangwa Saolo yavugula kivavi chiche naagwa kucho.

1 Samweli 31:6

Na nindio Saolo, na vayaayi veve vavaga, numuyaayi vaakuza; Avandu vasaza va Saolo vosi vaakuza kulidiku liene yilio.