1 Samweli 25:28 - KITABU KITAKATIFU

²⁸ Mwaza, nuyanza, ombere, mwami wange ku vudamanu vwa inzi mali kokora. Yahova alakola mwami, kandi kisukururwi chicho, kigira ulwaanaa amahe geege; na siulakola kindu kidamanu kali hakuzu ku lohono lwa ivi oveeye mwoyo mba.

1 Samweli 25:28 Iomraidhean Croise

2 Samweli 5:2

Ku maziambiri, lwa Saolo yaali nakikiri mwami wiitu, ivi wimilira avandu va Isiraeli kuzia muvulwani, kandi Yahova yakusuuviriza ndi ivi ulimilira avandu veve na ulava mwami wavo.”

2 Samweli 7:11

kutura lwa ndaatovora avakalagi vave ku avandu vange Isiraeli, ngusuuvirizaa ndi ndakuha lielemeriza kutura ku avasigu vovo vosi. Kali ndio ngovolera ndi, ndakuha visukululwi.

2 Samweli 7:16

Visukululwi vivio viliikala kondeve yu vwami kazozo, na ndakora uvwami vuvwo vuhindiri mihiga ni mihiga. Uvwami vuvwo sivulava nekeheri mba.’ ”

2 Samweli 7:27

Yahova Wuvunyali, Nyasaye wa Isiraeli! Inzi mbeeye nuvuluviliri kusaala lisaala yili ku ivi kigira ivi umali kumbuulira amakuva yaga goosi; inzi mutumikiri woovo umali kombolera ndi ulakola visukululwi viange kuva avami.

1 Avami 15:3

Yakola vwoni vulala vwere kuli baba weve, kandi siyaali ligali musuuvirifu ku Yahova Nyasaye weve, kuli guuga weve Daudi yaali mba.

1 Avami 15:5

Yahova yakola yaga Kigira Daudi yaali namali kokora gaali amalungi imbiri wi zimoni zizie Yahova na siyavunaga kali kugumira lilala ku malago ga Yahova madiku goosi gi livamwoyo liliemba - nitali mu likuva lia Uria umuhiti.

1 Avami 9:5

ndadukiza lisuuvirizwa lia ndalomba ku Baba woovo Daudi lwa ndamuvolera ndi Isiraeli valamiifwa kazozo ni kisukururwi chiche.

1 Kyetsinyinga 17:10

kutura ing'inga ya ndatovora avakalagi vave ku vandu vange Isiraeli; kandi ndakuha ovososi kutura ku vasigu vovo vosi. Kuvita yaga goosi, mbolera ivi ndi, Inzi ndakwumbakira inyumba.

1 Kyetsinyinga 17:25

Mbeeye nu vuluviliri kusaala lisaala yili ku ivi, O, Nyasaye wange, kigira umali kumbuulira yaga goosi, inzi mutumikiri woovo, kandi umali kombolera ndi ulakola visukululwi viange kuva avami.

2 Kyetsinyinga 20:15

Jahazieli yavolera mwami Jehoshafati na vandu vosi avamenya mu Jerusalemi ni Ivuyuda, “Muhuliri! Yaga nigo ga Yahova avoora, ‘Mutatia, kandi mutakuza mioyo jinyu mba; kinga mutatia liihi linene yili, kigira uvulwani sivoveeye vwinyu, navuzwa vwa Yahova Nyasaye!

Zaburi 7:3

O, Yahova Nyasaye wange, niiva ndaakola makuva yaga, niiva ndaakolera mundu vwosi vudamanu,

Zaburi 89:29

Uvwami vwivwe vulahindira lwi ligulu likiki riho, kandi visukululwi vivie vilava avami kazozo.

Livalidza 23:21

Ndolaa madiku gaaza imbiri ga Isiraeli, sialavaleetela vudamanu naho vudinyu mba; Yahova Nyasaye wavo aveeye navo; valandiza ndi Yahova nu mwami wavo.

Matayo 5:16

Munzira ndala nzere, kuduuka uvulavu vwinyu vumuliki imbiri wa avandu kunangwa vaduuki kolola miyinzi jinyu milahi, ma vizominyi Baba winyu oveeye mwigulu.

Luka 23:41

Kunyi ligali koheveeywe amaduywa gaduukanaa ni kunyi; kigira kunyi konyoora amadanyi gi miyinzi jietu midamanu. Navuzwa mundu uyu si yakola kindu kidamanu mba.”

Luka 23:47

Ahene yaho, lwu munene wa vasikari mia yalora gaali nigekoleki, yizominya Nyasaye navoora, “Ligali uyu yaali mundu mulungi.”

1 Samweli 15:28

Samweli yamuvolera, “Yahova umali kutandura uvwami vwa Isiraeli kutura ku ivi kalunu na uvuhaani ku wundi oveeye mulahi ligali kuvita ivi.

1 Samweli 17:47

Kandi avandu vosi avavungi hano valalola ndi Yahova siyeenyaa ivivavi na matimu, okohonyia avandu veve mba. Aveeye muguuti mu vulwani kazozo, na alaviika munyi mwosi mu zinguru zietu.”

1 Samweli 18:17

Maku Saolo yavolera Daudi, “Mukaana wange munene Merabu aveeye hano. Ndamuhaana ku ivi kuli mukali woovo ku livugilirizana ndi undumikiri kuli musikari muluviliri kandi musuuvirifu kandi ulwaane uvulwani vwa Yahova.” Saolo yaali naganagana ndi, munzira yiyi avandu va Filisitia valiita Daudi, vugira oyo kumwita.

1 Samweli 2:35

Ndatovora musaalisi uliva musuuvirifu ku inzi. Kandi akole kindu choosi icha nyenya akole. Ndamuha visukululwi, avalitumika kazozo imbiri wu mwami wange mutovole.

1 Samweli 22:14

Ahimeleki yativura, “Daudi niyie aveeye mutumikiri musuuvirifu ligali kuvita ava oveeye navo vosi. Aveeye navizara woovo, munene wa vasikari valindaa ivi, kandi wahevwa luyali na vandu vosi munyumba yu vwami.

1 Samweli 24:11

Henza, baba wange, henza kilaka chi iganza yooyo cha ngumiyi mu mukono! Ndaali nyara kukwita navuzwa mu vogono yivwo ngali vuzwa kilaka yiki. Yiki kidukanaa kikumanyie ndi simbeeye niganagani yukwibaala ku ivi kinga kukusaliriza mba. Ivi umbizaa uduuki kunzita, kali nindavula kukokolera kindu choosi kidamanu.

1 Samweli 24:17

Maku yavolera Daudi, “Ivi oveeye mulungi, na inzi mbeeye vudamanu. Ivi waali mulahi ku inzi ligali, lwa ndakokolera vudamanu kuvita.

1 Samweli 24:21

Navuzwa usuuvirizi mu Lieta lia Yahova ndi ivi ulakahonyie visukululwi viange, kunangwa lieta liange harara ni lieta lia avinyumba yange sigalivilirwa ligali mba.”

1 Samweli 24:4

Avasaza va Daudi yaali navo vamuvolera, “Yivu nivwo uvwiyangu vuvwo! Yahova umali kokovoolera ndi alaviika musigu woovo mu zinguru zizio kandi unyala kokora kuye choosi cha wenya okole.” Daudi yanyenyeka nazia kuye makiriri nakalaga kilaka ku iganza ya Saolo vugira Saolo kumanya.

1 Samweli 25:24

ha virenge via Daudi, namuvolera, “Mwaza, Mwami wange, umbulirize! Leka inzi mbuguli lidulwa.

1 Samweli 29:3

Avanene va mahi ga vandu va Filisitia vaavalola kandi vateva, “Avaheburaina yava vakora ki hano?” Akishi yativura, “Uyu ni Daudi, mulala ku avanene vu mwami munene Saolo wa Isiraeli. Yakava niinzi ku ing'inga indambi kalunu. Akikiri kokora cha inzi nyara konyoora uvudamanu vwosi muye kutura lidiku lia yaza ku inzi mba.”

1 Samweli 30:26

Lwa Daudi yirana mu lidaala lia Zikilaga, yatuma kidieli kilala chi vilaanye via yanyoora ku avalina veve, aviimiliri vi Ivuyuda, na makuva, “Ngiki kihanwa ku munyi kutura ku vilaanye via kwavugula kutura ku vasigu va Yahova.”