1 Samweli 25:26 - KITABU KITAKATIFU

²⁶ Yahova niyie wigalira ivi uvuli kuvanza kisaalia kwita avasigu vovo. Kandi kalunu ngwisuuhiraa ku Yahova oveeye mwoyo ndi avasigu vovo kandi yavo vosi avenyaa kukusaaliriza valahevwa mageri kuli Nabali.

1 Samweli 25:26 Iomraidhean Croise

Litanga 20:6

Maku Nyasaye yamuvolera mu maloto ndi, “Yee, Inzi manya ndi ivi wakola yaga mu vulungi vwu mwoyo gwugwo; kunangwa inzi ndaakugaya uvuli kokora uvwoni, kandi ndaakwigalira kuva harara naye.

2 Samweli 18:32

Mwami Daudi yamuteeva, “Musoleri Abisolomu akaveeye mu mirembe naho?” Mutugwa zana oyo yativura, “Ndakayanzi ichekoleke kuye chakekoleki ku avasigu vovo vosi; Mwami, kandi ku vosi avibaara ku ivi.”

2 Avami 2:2

Nivaveeye kologendo, Elija yavolera Elisha, “Yaanza utigale hano; Yahova umali kundanga nzie kuduuka Bezeli.” Navuzwa Elisha yativura navoora, “Nzisuha ku Yahova oveeye mwoyo, kandi ku ivi ndi, sindakoleka kali hakuzu mba.” Kunangwa vazizagilira kuzia Bezeli.

2 Avami 4:6

Lwi viju zana viali ni viakiizula, yavolera muyaayi weve, “Ndetera kiju kindi.” Naye yamuvolera, “Sihaveeye ho ni kindi mba.” Na maguta galekela kwidoroka.

Zaburi 44:3

Avandu vovo sivagutaa kivala yiki ni kivavi chavo mba, sivagutaa ni zinguru zia makono gaavo, mba, navuzwa vaguuta ni zinguru ziu mukono gugwo mulungi, kandi wavasuuviriza kuva navo kazozo kigira wa vayaanza.

Tsing'ano 31:12

Lwaveeye mwoyo amukoleraa malahi, kandi sianyala kumukolera sianyala kumusaliriza mba.

Jeremia 29:22

Lwa avandu vaahirwa mu vuhambe kutura Jerusalemi kuzia Babiloni venya kulaama mundu, valavoora ndi, ‘Yahova, yaanza uvakolere kuli wakolera Zedekia na Ahabu, avu mwami wa Babiloni yasamba mu muliru nivakikiri mwoyo!’

Danyeli 4:19

Maku Danieli, walangwa Beliteshaza yaali niligenya kandi siyavoola kindu mba. Mwami yavoola “Beliteshaza utaleka maloto ni livaala lia go gakogenyie mba.” Beliteshaza yamutivulira, “Mwami wange vwakaveeye vulahi maloto yaga ni livaala liago gave ku vasigu vovo vakudunyira.

Vahebraina 10:30

Kigira kumanya uyu uwavoola, “Kisaalia ni change, nda tunga.” Kandi uyu wavoola, “Mwami alakalagira avandu veve.”

1 Samweli 1:26

Hana yavolera Eli, “Mbeera zimbavasi, mwami. Ukanzizulizaa naho? Inzi mbeeye mukali wa walola nasingiyi hano, nisaalaa ku Yahova.

1 Samweli 2:9

“Asoolaa livamwoyo lia vandu avasuuvirifu veve; Navuzwa avadamanu vagotelaa mukisundi; kigira mundu siagutaa kigira zinguru zizie mba.

1 Samweli 20:16

lilagana lietu ku sa mulala ku kunyi livuli kuvunanywa. Niiva lilavunanywa, Yahova alahaana mageri ku ivi.”

1 Samweli 20:3

Navuzwa Daudi yisuha navoora, “Baba woovo amanyi vulahi ndi ivi unyaanzaa, na aganagana ndi, ‘Jonazani atamanya yili mba gase alaverera.’ Navuzwa ligali kuli Yahova aveeye mwoyo kandi kuli oveeye mwoyo, keveeye ho vuzwa kika kilala hagati hange ni likuza!”

1 Samweli 22:3

Daudi yazia kutura ahene yaho Mizipa mu kivala cha Moabu. Kandi navolera mwami wa Moabu, “Mwaza nunyaanza leka baba na mama wange vaze komenya na ivi kuduuka lwa manyiriza cha Nyasaye azizaa kongolera.”

1 Samweli 25:25

Mwaza, nuyanza, utahuliriza amakuva ga Nabali muyingwa oyo mba. Aveeye vuzwa kuli kivuni chi ilieta lilie livoora, ‘umusiru’. Inzi sindaaliyo lwa vatumikiri vovo vaza mba.

1 Samweli 25:39

Lwa Daudi yahulira ndi Nabali umali kukuza, yavoola, “Yahova yizominywi! Umali kuvaanza kisaalia ku Nabali kigira linyega kandi umali kunzigalira inze mutumikiri weve mburi kokora vudamanu. Yahova umali kuha Nabali amageri kigira vudamanu vwivwe.” Maku Daudi yatuma avateevi ku Abigaeli mbula aduuki kumuvugula ave mukali weve.

1 Samweli 26:10

Daudi yaazizagilira kovora, “Ku Yahova oveeye mwoyo, inzi manya ligali Yahova mwene aliita Saolo, niiva ing'inga yi likuza lilie liduka, anoho akuziri mu vulwani.