1 Samweli 24:4 - KITABU KITAKATIFU

⁴ Avasaza va Daudi yaali navo vamuvolera, “Yivu nivwo uvwiyangu vuvwo! Yahova umali kokovoolera ndi alaviika musigu woovo mu zinguru zizio kandi unyala kokora kuye choosi cha wenya okole.” Daudi yanyenyeka nazia kuye makiriri nakalaga kilaka ku iganza ya Saolo vugira Saolo kumanya.

1 Samweli 24:4 Iomraidhean Croise

2 Samweli 4:8

Vaahana mutwi gwa Ishiboshezi ku mwami Daudi ha Heburoni, nivamuvoolera, “Ngugu umutwi gwa Ishiboshezi, muyaayi wu musigu woovo Saolo, uwageriza kukwita. Kalunu Yahova uvugiliyi Mwami wiitu kuvanza kisaalia ku Saolo na visukululwi viivie.”

Ayubu 31:31

Avatumikiri vange vosi vamanya vulahi ndi ndingiriza no kogenihiza avageni kazozo.

Zaburi 142:1

Nzanira ku Yahova yangonye. Mugoonyaa nu mwoyo gwange gwosi.

Zaburi 57:1

O, Nyasaye, ombere zimbavasi kigira nzizanga ku ivi osoore. Nzivisaa mu ivi kuli engoko ivisaa viminyu viayo isi wi zimbaha ziayo kuduuka lwa imbuza yi chihi elekela.

Kutwula 21:13

Navuzwa niiva gaali amatava na siyaalalira kwiita mundu mba, anyala kwirukira havundu ha inzi mutovolera, na uwene yeyo alahona kutura mu vuhimwa.

1 Samweli 22:1

Daudi yiruka kutura mu lidaala linene lia Gazi nazia mu luhangaywa ahimbi ni lidaala lia Adulamu. Lwa avamwavo veve harara na vinyumba ya baba weve vosi vahulira amakuva yaga, vazia yo kwiyunga naye.

1 Samweli 23:17

namuvolera, “Utatia mba. Baba wange Saolo si alanyala kukusaliriza mba. Umanyi vulahi ndi ivi niyie uwaza ove mwami wa Isiraeli, ma kandi inzi ndava wakaviri mu vonene ku ivi.”

1 Samweli 23:7

Saolo yavolerwa ndi Daudi umali kuzia Keila, kandi yavoola, “Nyasaye umuviiki mu vunyali vwange. Daudi umali kwetegera mutego ku lizia mu lidaala liumbakwa ni lidigi litambi nivirivwa viumbakwa vudinyu.”

1 Samweli 24:10

Unyala kololera ndi ulwene yilu noveeye muluhangaywa, Yahova akuviiki mu zinguru ziange. Valala ku vandu vange vamboleeye ngwiti, navuzwa ngovererera kandi nimbora ndi sindakusaliriza munzira yoosi mba, kigira ivi niyie wa Yahova yatovola kuva mwami.

1 Samweli 24:18

Lero umali kumanyia kuli oveeye mulahi ku inzi ligali muno, kigira si unziti mba, kali niiva Yahova yambiki mu zinguru zizio.

1 Samweli 26:23

Yahova ahaanaa madanyi ku yavo avaveeye avasuuvirifu kandi avalungi. Lero Yahova aviiki ivi mu zinguru ziange, navuzwa inzi singokoli kindu kidamanu ukusaliriza ivi mutovole wa Nyasaye yakola Mwami Munene mba.