1 Samweli 24:12 - KITABU KITAKATIFU

¹² Yahova akalage hagati hange niivi nivwaha ku kunyi oveeye mudamanu! Yahova ahane ku ivi amageri kigira likora liilio ku inzi, navuzwa inzi sindakusaliriza kali hakuzu mba.

1 Samweli 24:12 Iomraidhean Croise

Litanga 16:5

Maku Sarai yavolera Aburamu, “Hagari yandegerizaa kigira uvudamanu vuvwo. Inzi mwene ndamuhana kuive na kutura ing'inga ya yalora ndi aveeye ninda, yangolera kehenyahenye. Yahova mwene akalage, nivwaha oveeye mulungi, ivi anoho inzi!”

Litanga 31:53

Nyasaye wa Aburahamu, kandi Nyasaye wa Nahori alahaana likalaga lirungi hagati hiitu.” Maku Yakobo yisuha kulinda lilagana yili mu lieta lia Nyasaye wa baba weve Isaka yaasigamiraa.

2 Samweli 22:48

Nyasaye yambezaa liguuta ku vasigu vange kandi zihiiri mu zinguru ziange.

1 Kyetsinyinga 12:18

Maku Roho gwa Nyasaye yaza ku Amasai, uwaali munene wa vandu Salasini, ma navoora, “O, Daudi mwana wa Jese, kunyi koveeye avoovo! Mirembe, mirembe ku ivi, mirembe give ku yavo avakonyaa ivi! Kigira Nyasaye woovo alakokoonya.” Hene yaho Daudi yavingiriza, navakola avanene mu liihi lilie.

Ayubu 5:8

Niiva ndakaveeye ivi Ayubu, ndakagirungani kuzia ku Nyasaye yangonye, nokuviika vudinyu vwange kuye.

Zaburi 35:1

O, Yahova, uhiing'ane na yavo avahing'anaa ninzi, ulwaane yavo avalwaanaa ninzi!

Zaburi 43:1

O, Nyasaye, unandizi kuva vugira vudamanu; kandi osoore ku yavo avatamanyi ivi, ombonyie kutura ku avandu vagadi kandi avadamanu.

Zaburi 94:1

O, Yahova, ivi oveeye Nyasaye uvanzaa kisaalia ku vasigu vovo; uvuli uvutima vuvwo kuvo.

Varumi 12:19

Avayaanze vange, mutavanza kisaalia mba, navuzwa muleke vutima vwa Nyasaye mwene vokole yaga. Mang'oda matakatifu gavoora, “Kuvaanza kisaalia ni likuva liange; inzi ndavanza,” Mwami avoora.

1 Petro 2:23

Lwa vamunyega, siyavanyega mba; ing'inga ya yaasalirizwa, siyavatiihiza mba, navuzwa yavika lisuuvira lilie ku Nyasaye, oveeye mukalagi wu vulungi.

Likunula 6:10

Navo vaalira nu kuhanzuka nu mwoyo umunene nivavoora, “O, Mwami wi zinguru, wu luyali, mutakatifu kandi wi ligali, kuduuka ing'inga ki, ivi ulalindagira uvuli kukalaga nu kuvaanza kisaalia chi liitwa lietu ku vandu avamenyaa mu lirova?”

Vakalagi 11:27

Awa, Inzi ngikiri kokogolera ku vudamanu vwosi mba. Ivi okolaa vudamanu lwawenya kunwaana. Yahova niye umukalagi. Alakalaga kalunu hagati ha vandu va Isiraeli na vandu va Amoni.”

1 Samweli 20:1

Maku Daudi yiruka kutura Nayozi mu Rama nazia ku Jonazani. Yateeva, “Ngoli ki? Nzoni ki? Ngoleeye baba woovo vudamanu ki uvugiraa niyenya kunzita?”

1 Samweli 24:15

Yahova alakakalage, kandi alakalole nivwaha ku kunyi oveeye mudamanu. Yahova aheenze mu makuva yaga, ma yangingi kandi yaambonyie kutura ku ivi.”

1 Samweli 26:23

Yahova ahaanaa madanyi ku yavo avaveeye avasuuvirifu kandi avalungi. Lero Yahova aviiki ivi mu zinguru ziange, navuzwa inzi singokoli kindu kidamanu ukusaliriza ivi mutovole wa Nyasaye yakola Mwami Munene mba.