1 Samweli 23:2 - KITABU KITAKATIFU

² Kunangwa yateeva Yahova, “Ngazia kwingilira vandu va Filisitia naho?” Yahova yativura, “Yee, vingiliri na ohonyie Keila.”

1 Samweli 23:2 Iomraidhean Croise

2 Samweli 2:1

Inyima wa yaga, Daudi yateeva Yahova, “Nyara kwirana kuzia mu lilala ku madaala gi Ivuyuda?” Yahova yativura, “Yee.” Daudi yateeva, “Ni liliha?” Yahova yativura, “Heburoni.”

2 Samweli 5:19

Daudi yateeva Yahova, “Ngazia kwingilira vandu va Filisitia naho? Ulamba iliguuta?” Yahova yativura, “Yee, zia uvatuliri! Inzi ndakuha iliguuta!”

2 Samweli 5:23

Daudi yateeva Yahova kandi lwa kaviri, na yativura, “Utakola ndio kutura hano mba; navuzwa uzie uvakumbirize na wetegeke kuvatulira kutura lovega lundi ahimbi nimisaala ji zinyangaleri.

1 Kyetsinyinga 14:10

Daudi yateeva Nyasaye, “Ngazia kwingilira Vafilisitia yavo naho? Ulangonya mbaguuti?” Yahova yamutivulira, “Yee, zia uvingiliri, na ndakuha liguuta!”

Zaburi 32:8

Yahova ovola, “Ndakwigiza zinzira zia uziira ku; kandi ndakwidera nu kukuha zing'anagani.

Jeremia 10:23

O, Yahova, manya ligali livamwoyo liu mundu siliveeye lilie mba; sihaveeyeho nu mundu kali mulala oveeye nuvunyari kulimenya lilie mba.

Livalidza 27:21

Alasingira imbiri wu musaalisi Elieza, uwaza atumikiri Urimu na Zurimu kuhaana likalaga liange. Kulilaga lilie, oyo harara na vandu vosi va Isiraeli valatura kuzia kandi kwirana.”

Joshua 9:14

Avandu va Isiraeli vavugilira vilala ku viukulia, navuzwa sivateeva likuva kutura ku Yahova mba.

Vakalagi 1:1

Lwa Joshua yaali niyakamara kukuza, Avandu va Isiraeli vateva Yahova, “Ni hiiri ki inyala kukwimilira muliizia kulwana Avakanaani?”

1 Samweli 10:22

vateva Yahova, “Mundu wundi akakiri yo naho?” Yahova yativura, “Saolo ngula, yiivisi inyima wi misigo.”

1 Samweli 14:37

Kunangwa Saolo yateeva Nyasaye, “Nyara kuzia kwingilira vandu va Filisitia? Ulakwimilira kuguutia?” Navuzwa Nyasaye siyativula kindu lidiku yilio mba.

1 Samweli 23:3

Navuzwa avasaza va Daudi yaali navo vamuvolera, “Henza, koveeye nuvuti mu Vuyuda. Gavaki niiva kuzia Keila kwingilira nukulwana mahi ga vandu va Filisitia!”

1 Samweli 23:4

Kunangwa Daudi yateeva uvulariri vwa Yahova kandi. Yahova yamuvolera, “Zia wingiliri Keila kigira ndakokola uguuti avandu va Filisitia.”

1 Samweli 23:6

Lwa Abiazari muyaayi wa Ahimeleki yiruka niyiiyunga na Daudi, mu Keila; yazia ni kisibaho.

1 Samweli 30:8

Daudi yateeva Yahova, “Nyara kuzia kolondelera avalanyi yavo, kandi ndavagumira?” Yahova yativura, “Zia; ulavagumira kandi ulahonyia vahambe yavo.”