1 Samweli 22:8 - KITABU KITAKATIFU

⁸ Yicho nicho kivuni kigira nimung'anaganira vudamanu mu vwivisu? Sihali nu mulala ku munyi wambolera ndi muyaayi wange olombi lihambana na Daudi mba. Siali ho numulala ombenderaa mwoyo, anoho kombolera ndi Daudi, mulala ku vasaza vi liihi liange, ku ing'inga yiyi aheenzaa vwiyangu vwu kunzita, ma kandi muyaayi wange mwene umali kumuzuva.”

1 Samweli 22:8 Iomraidhean Croise

2 Avami 6:11

Mwami wa Siria si yayanzizwa na yaga mba; yalanga avanene veve vosi navateeva, “Nivwaha ku munyi oveeye ku lovega lwu mwami wa Isiraeli?”

Ayubu 33:16

Avakolaa vahulirize ku agaavoola, kandi vatihizangwa ni lieganihiza lilie.

1 Samweli 18:1

Lwa Daudi yaali niyakamara kuvolerana na Saolo yaga, mwoyo gwu muyaayi wa Saolo Jonazani yayanzizwa ligali na Daudi, ma naamuyaanza ligali kuli yiyaanza mwene.

1 Samweli 18:3

Hene yaho, Jonazani yalomba lilagana liemihiga ni mihiga na Daudi kigira yamuyanza kutura musi mwu mwoyo gwigwe.

1 Samweli 20:2

Jonazani yativura, “Awa, ku Nyasaye ivi si unzizaa kukuza mba. Henza, baba wange si akolaa ku kindu choosi, ekenene anoho kekekeeke natambuuliyi mba. Kigira ki avisi agene yaga kutura ku inzi? Si gaveeye ndio mba!”

1 Samweli 20:42

Maku Jonazani yavolera Daudi, “Nyasaye ave na ivi. Yahova alalola ndi ivi na inzi, ni visukululwi vivio kandi viange vilaliinda lilagana litakatifu lia kumali kwisuhizanira.” Ahene yaho Daudi yatura nazia, kandi Jonazani yirana mu lidaala.

1 Samweli 20:8

Mwaza, ngolera vulahi yivu, na ulindi lilagana litakatifu yili lia walomba ku inzi. Navuzwa niiva mbeeye namahiolo, unziti ivi mwene. Kigira ki umbiri ku baba woovo nduuki kwitwa?”

1 Samweli 22:13

Saolo yamuteeva, “Kigira ki ivi na Daudi mungoleraa zimbemba nukuhima inzi? Kigira ki numuha chukulia nikivavi, kandi numuteevera Nyasaye? Kalunu umali kungirung'ana kandi alindaa vwiyangu aduuki kunzita!”

1 Samweli 23:21

Saolo yativura, “Yahova amugasize ku liiva avalahi ku inzi!